Barua ya Vakorinto ya mbele 14:6 - MMA SHIYYA

⁶ Kake alli, vanavama, nasha kwanu niireraa mirerie miini, mmwelekiaa ki ntaare narera neeni kwa shia ya irambuywa ana kwa shia ya uṛango ana kwa shia ya yongoya ana kwa shia ya ilosha?

Barua ya Vakorinto ya mbele 14:6 ပူးပေါင်းရင်းမြစ်များ

Barua ya Vaefeso 1:17

Nkee imuterevia, Iṛuva wa Nndumi weru Yesu Kristo akee Nde muni wa finya amuniinge Mumuyo wa uṛango na wa immanya ye sheeli akai.

Barua ya Timoteo ya kavili 3:16

Mitisiṛie misongori yoose yanniingio̱ ni Iṛuva na mminuru ya ilosha nndu na imfunda na imwikimba na insongosia usumaniń.

Barua ya Varome 6:17

Kake Iṛuva aanwa, ili mwikee mbele maketi a mareko da, kake alli mukee iindia na ngoo tanu mifundie ilya mwamfundwa ikee iyo munderawa kwa si yayo ni Iṛuva.

Barua ya Vakorinto ya mbele 14:1

Soṛeń ikunda na ilanga nnu wavi lwa Mumuyo, kake mmwasi naamu mukooye irambua.

Barua ya Yohane ya kavili 1:9

Ulya woose ateveta vandu atakaa na ufundo lwa Kristo ito awore Iṛuva ndi. Ulya akaa na ufundo ilo awore Nde alungani na Mwana.

Barua ya Petiro ya kavili 3:18

Kake engeṛień ińina mwiavioo uwoo, lingi mwimanyaa Nndumi weru na Nkiṛa weru Yesu Kristo. Unini llwamwi alli na kumande nkonu wa miṛeṛe!

Barua ya Petiro ya kavili 1:5

Na kuro nkyo kiimba ikyo mundekwatara na finya yanu yoose, amu ikusura lyanu linnde usha lwa nrima na usha lo lwanu lunnde imanya.

Barua ya Vaebrania 13:9

Manya mutafulutwa mmiloshie ingi itasumani imusheaa. Amu kilya kikee kisha kya yumisa ngoo ni uwoo lwa Iṛuva, nta mmiliye ya shoonga ndi. Yo yendee valya vakee ikwataria nayo mbusha ndi.

Barua ya Tito 3:8

Nkirero kya ikusurwa. Na mboni to mfurie kurere na finya, amu valya vakusurie Iṛuva vakumbue uṛundi lwa iṛundia mitanie minuru. Ifi mfinuru fikaendee vandu mbusha.

Barua ya Timoteo ya kavili 4:2

Kwanisa kirero kyo, kukudeerie kwakooya vandu vakundaa ana kwakooya vatakundaa. Kuvakandare na ivanaya na ivaikimba na ulalamboo loose na miloshie minuru yoose.

Barua ya Timoteo ya kavili 3:10

Kyasia iwe kwalatia miloshie yakwa na weendo lwakwa na kilya niń mfurie andu emwi na ikusura lyakwa na ikunda na isisiria lyakwa.

Barua ya Timoteo ya kavili 2:14

Vakumburuse ifi kwivaikimbaa mbele ya kisangu kya Iṛuva vatave na ivingana lya firero fitawore mbusha kita ifuluta valya vakee yaranya.

Barua ya Vafilipi 3:15

Kyasia ise tammaa yawutia tikumbue ifo na mirima yeru yoose. Na akwaa kiifo kingi mukee ikusaṛasaṛa, ikyo nakyo Iṛuva amurambuyaa.

Barua ya Vaefeso 3:4

Mukaisoma mumakii imanya sheeli niishi kiṛisi kya Kristo.

Barua ya Vakorinto ya kavili 12:7

Kiifo na kindo kingi kikee ishiima niikuṅinisaa kya mirambuye ilya minini: Nanrwaywa mfifi wiliń wakwa, nato ukee ishituṛua wishiilikaa sha kivambo kyoi. Nakyo kikava sha nrumi wa Satana anderumwa amu ashikabe na ṅunde, kaaṛa ntakushombe.

Barua ya Vakorinto ya kavili 12:1

Ikuṅinisa shi muni niimakii ikuṅinisa da, kake kisheelekaa kindo ndi. Alli aranyiń mmurambue findo fa maṛiikiso, kasa naoruswa na irambuywa ni Nndumi muni.

Barua ya Vakorinto ya kavili 11:6

Na akwaa nava nriṅani wa irera, nta nkee nriṅani wa irambua ndi, neeni mwanshilolia sheeli nkee kuro kari ka findo foose.

Barua ya Vakorinto ya mbele 10:33

mfo kuro sheeli niń nkee isenya vandu woose findoń foose, nta ikunda mbusha yakwa shi muni, kake mbusha ya iwo vakee veengi vakooye ikiṛwa.

Barua ya Varome 16:17

Muṛe vanavama, namwikimba mulle valya vawore myaandu na findo fa iteveta fa ifuluta miloshie ilya mwankulosha. Iwukaniń nawo!

Barua ya Varome 15:14

Vanavamae vakwa, nkusurie deń sheeli ini neeni mwamiishuṛwa usha mukaishuṛwa uṛango loose, lingi mumakii ikwikimba mu veni.

Mitanie ya varumi 2:42

Vakakaa na iwara miloshie ya varumi. Vakasongosia siṛi na ikufukiya nkate na ikuterevia kwa Iṛuva.

Matayo 16:26

Nkiki kyelekaa nndu, kwakooya awaraa isanga lyoose na mbusha yayo kareta nrima wamwi? Ana nkiki nndu aniingyaa ataue nrima wamwi?

Matayo 16:17

Yesu kaaṛua kamwia: Kukee wa ngoma, Simon wa Yona, amu muyawili na usao amakii ikurambuya ifi ndi, kake nNde yakwa wa iṛuvewu yye ankurambuya.

Matayo 11:25

Kyeeri kilya Yesu kanumbua: Nakwitikisa Nde kukee mangi ya iṛuvewu na isanga, fulya kwafisa vandu vakee ikuvaanga va-ṛango na vaaṛia mboni ti, kwatirambuya vaani.

Barua ya Vakorinto ya mbele 14:7

Na akwaa mfindo fitawore muu ili fikee isomuta ununga sha filimbi ana sha mbembe, kwakooya fitasomutaa ngyununga tiilashikie, kimanyikaa are sheeli ni ufina lungalu lukee iimbwa mfilimbi ana wembe?