Barua ya Vakorinto ya mbele 14:2 - MMA SHIYYA

² Amu ulya akee irera na mirerie, nta arera na vandu ndi, kake arera na Iṛuva. Amu nta eefo eesile ndi, kake arera findo fa fiṛisi awarwa mMumuyo.

Barua ya Vakorinto ya mbele 14:2 ပူးပေါင်းရင်းမြစ်များ

Mariko 16:17

Na myorusie ilya ya finya ilunganaa na valya vakusuraa yyo ii: Na irina lyakwa vaumbutaa mimuyo mikasha, vareraa na mirerie miiya.

Mitanie ya varumi 19:6

Neeli Paulo andemaa ivaekeṛia maako Mumuyo kavashea. Vakabooka irera na mirerie miiya na yauya.

Mitanie ya varumi 10:46

Fulya vavaita veereraa na mirerie miiya veeitikisaa Iṛuva.

Barua ya Vakorinto ya mbele 13:2

Na kwakooya niishi iringisia filya fivaa numa ana noore mboni ta fiṛisi foose ana noore iirikia lyoose lya kwa Iṛuva nserise nalyo ngyuro, ntawore ikunda nkee kindo ndi.

Barua ya Vakorinto ya mbele 2:10

Kake ise Iṛuva antirambuya lia atiniinga Mumuyo wamwi. Amu Mumuyo akee yavanisa foose na irambua fiṛisi fa Iṛuva.

Urambuyo lwa Yohane 10:7

Kake mikonu ilya ili ununga lwa malaika ulya wa mfungare lureraa ulya akee ikusongosia ikaba wembe, llyo na kiṛisi kilya kya Iṛuva kyawukiaa, sheeli andekikwanisia vaauya valya vakee maketi amwi, sheeli kikee nrumi shisha ya ifura.

Barua ya Timoteo ya mbele 3:16

Nkya dede kiṛisi kikee kinini kya windi. Nakyo nkyo iki: ”Uu andekworusa kwa wili wa nndu, kairikio̱ mMumuyo, kalolikia vamalaika, kakwaniswa kari ka vayavaṛumu, kakusurwa isangeń, karosio̱ uniniń“.

Barua ya Timoteo ya mbele 3:9

Vaware kiṛisi kya ikusura nrimiń nnuru.

Barua ya Vaefeso 6:19

Shiterevień nań, amu nniingwa kirero kya irua kana kakwa nkwanise na utomari kiṛisi kilya kya nrumi shisha ya ikia.

Barua ya Vakorinto ya mbele 15:51

Lleń te namuia ini kiṛisi: Tifwaa ti woose ndi, kake tiilashikaa ti woose

Barua ya Vakorinto ya mbele 2:7

Kake tarera uṛango lwa Iṛuva lukee kiṛisi, lukee ufise llua Iṛuva eemmaa iludeeṛia kuuka ilyo kala kitaare isanga lyeentanwaa, amu ise tikooye tikisi yeru.

Barua ya Varome 16:25

Iṛuva yye awore finya ya imukaarisa ikusureń lyanu ili lisumani na nrumi ya ifura ya ikwanisa Yesu Kristo, sheeli niń nkee iikwanisa, likasumana na irambulwa lya kiṛisi kilya kiikee kifise kuuka kala.

Mitanie ya varumi 22:9

Na valya variani nań valolia langa ilya, kake wo vandeita ununga lwa ulya anderera nań ndi.

Mariko 4:11

Nae kavaia: Ini mwanniingwa imanya kiṛisi kya umangi lwa Iṛuva. Kake iwo vakee wooṛo wo foose fivaviaa veekabio̱o̱ sumu.

Matayo 13:11

Nae kaaṛua kanumbua: Ini mwanniingwa imanya lya imanya kiṛisi kya umangi lwa iṛuvewu. Kake iwo wo vvaniinge ndi.

Barua ya Vakorinto ya mbele 14:16

Amu kwatereva Iṛuva nrimiń kwimwaanaa kwakooya aiyo akee rembo-wo ateeshi yaana lyo lyafo, amakii are iirikia na inumbua Amen? Fulya ateeshi kilya kukee irera.

Barua ya Vakorinto ya mbele 12:10

Na ungi ni nniinge iṛunda fa maṛiikiso na ungi mmwauya na ungi mmwavanisa fa nrima na ungi ni nrera mirerie miini na ungi mmutambashua mirerie ilya.

Barua ya Vakorinto ya mbele 12:28

Veefo Iṛuva avarwaa ifo siṛiń: Va mbele warumi, va kavili waauya, va kararu vvalosha, lingi watana fa maṛiikiso, lingi waavie finya ta ikiṛa valole, lingi weeleki, lingi wairia mbele, lingi mmakanika a mirerie.

Barua ya Vakorinto ya mbele 13:1

Kwakooya narera na ngyulumi ta vandu ana ta vamalaika ntaare ikunda, nkee sha minya ikee yoona ana sha nkongo ukee irera.

Barua ya Vakorinto ya mbele 14:26

Kyasia vanavama, kilya kyelekaa nkiki? Kyeeri kyoose mukee ikusandia andu emwi nndu woose awore ufina ana miloshie ana irambua ana mirerie miini ana myaṛuye. Findo foose fitanike kiimba kya isongosia siṛi.