Barua ya Vakorinto ya mbele 13:4 - MMA SHIYYA

⁴ Ikunda liwore usuro na uwoo. Ikunda liwore iiria iriso ndi. Liwore ikudedeṛa ana ukwishiki ndi.

Barua ya Vakorinto ya mbele 13:4 ပူးပေါင်းရင်းမြစ်များ

Barua ya Petiro ya mbele 4:8

Na kita foose kutomariseń ikundana, fulya ikunda lisikiaa fikasha fiingi.

Barua ya Vaefeso 4:32

Lingi veń vandu vakuworie ndewu sheelwa ini mu veni na mu veni na vawore ililia mwikutiaa sheeli na Iṛuva andemutia akee na Kristo.

Barua ya Vakolosai 3:12

Neeli mukee vasaue va Iṛuva na vasangori na vakunde, kiimba kya iki muve vandu va ngoo toore wooṛoo na warutu na utele na uwoo na ulalamboo!

Barua ya Yohane ya mbele 4:11

Muṛe vakunde, ili Iṛuva antikunda ise kuri, kyatiwara neese tikundane ti veni na ti veni.

Barua ya Petiro ya mbele 3:8

Kyasia kirero kya ifurumia ni iki: Ini mu woose muve va mikae imwi na va ndewu shooṛoo na vawore witanu na va mililie na va utele.

Barua ya Vatesalonike ya mbele 5:14

Tamutereva, vanavama, ikimbeń valya vatakee na useli, kaariseń valya vakee na nrima ntanyari, niingeń valemwa finya, veń na ulalamboo kwa vandu woose.

Barua ya Petiro ya kavili 1:7

Na usongovisi lwanu lunnde ikundana na vanavamae na ikundana na vanavamae linnde ikunda vandu woose.

Barua ya Vaefeso 4:2

Muve vandu va useli na va uwoo na va isisiria na va yelekana na ikunda.

Barua ya Vakorinto ya kavili 6:6

Na fa unuru na fa imanya na isisiria na fa uwoo na fa Mumuyo Nsongori na fa ikundana litawore ukavili.

Barua ya Vakolosai 1:11

Na yavio̱ mwavio̱ yye finya toose kwa kiṛengo kya unini lwamwi, amu muve na isisiria lya mikae yoose na utele,

Barua ya Vagalatia 5:26

Titakushombe na unini lukee lwa ruu tiiluyanaa na ikwiria iriso.

Barua ya Vakorinto ya mbele 4:6

Kyasia vanavama, firero fo namfirera kiimba kyakwa na kya Apolo na akwaa nkiimba kyanu, amu mukuloshe kweru imanya kirero kilya: ”Kutakilie filya fikee fitisiṛe“, amu nta umwi wanu atakwishike na llosha uu umwi na ilea ulya ungi.

Barua ya Timoteo ya kavili 4:2

Kwanisa kirero kyo, kukudeerie kwakooya vandu vakundaa ana kwakooya vatakundaa. Kuvakandare na ivanaya na ivaikimba na ulalamboo loose na miloshie minuru yoose.

Barua ya Timoteo ya kavili 3:10

Kyasia iwe kwalatia miloshie yakwa na weendo lwakwa na kilya niń mfurie andu emwi na ikusura lyakwa na ikunda na isisiria lyakwa.

Barua ya Petiro ya mbele 2:1

Kyasia lakaniń na ukasha loose na mitambwe na ukavili na ureeree na ifingia lyoose.

Barua ya Tito 3:3

Amu ilyo mbele neese tiikee vandu vatawore uṛango tiikee valea na vareti na iṛundia ilanga lya mikae miingi likee itisenya tikaengeṛia ukasha na iira iriso na ikutuṛukia ti veni na ti veni.

Barua ya Vakorinto ya mbele 3:3

Amu na akwaa ni alli mukee vandu va mikae ya vvili da. Amu kwakooya kwanu liifo iiria iriso na uṛiingi, a le mukee vandu va mikae ya vvili se mwiendaa kwa mikae ya kinndu?

Mitanie ya varumi 7:9

Vasuṛi wo veru vakairia Yosefu iriso vakankumba aende Misiri. Iṛuva kava andu emwi nae

Barua ya Timoteo ya kavili 2:25

eeveekimbaa na ulalamboo valya vakee ilea, amu kwakooya kivaa Iṛuva availashie makusaṛo na ivaniinga imanya filya fikee fa dede,

Barua ya Timoteo ya mbele 6:4

ito ankushomba ateeshi nta kindo kimwi. Teve yamwi ni ivingana na ikureya lya ikureria da. Ifo mfo fuukaa iiria iriso na myaandu na nrumu na ifingia ikasha

Barua ya Vakorinto ya mbele 8:1

Kya nyama tilya ta irasia maṛuva a wongo mundeshitisiṛia sheeli: ”Tiishi sheeli tikee veni imanya ti woose“. Manyiń imanya lyo yeni linnde ukushombi, kake ikunda lirusaa.

Barua ya Varome 1:29

Vakaishua wilo lwa mikae yoose na ureti na ilanga na ukasha. Vakaishulwa ni iriso na iwaa na uṛiingi na ntambwe, vvandu va makusaṛo makasha na varera vandu.

Barua ya Yakobo 4:5

Ana mwishi sheeli mitisiṛie yarera kya ruu? Mumuyo ito akukaarisa kari keru alangie nnu ivingana na iira iriso.

Barua ya Vakorinto ya mbele 4:18

Veefo vakee ikushomba sheeli ntakikaṛiaa isha kwanu.

Barua ya Varome 13:13

Tikaa na useli sha vandu vakee yenda nsanyiń. Nta luteefo ulafu ana inangwa, nta luteefo waaisi ana uravi, nta iteefo myaandu ana ureeree!

Barua ya Vakolosai 2:18

Manya nndu atamusoke isekye lyanu eeṛuaa na ukavili na itereva vamalaika na ikuṅinisa eenumbuaa alolia myorusie na ikufumbuta na makusaṛo amwi a kiwili akee a ruu,

Barua ya Vafilipi 1:15

Kari kawo veefo kiindi vakee ikwanisa mboni ta Kristo kiimba kya iiria iriso na sua. Kake veefo na vengi vakee ikwanisa na makusaṛo manuru.

Barua ya Vakorinto ya kavili 12:20

Amu neeṛee sheeli ili nshaa ntamuloliaa ini sheeli mfuraa imulolia, lingi sheeli neeni mutashiloliaa nań sheeli mufuraa. Nkee yeṛea kundo nkooyaa kwanu minaye na iriso na ituṛuka na inaa na ifingia na ikurera na ikushomba na kiṛoṛongyo.

Barua ya Vakorinto ya mbele 5:2

Neeni mukee ikushomba, nta ikunaria nta kinnya, amu autwa kari kanu ito antana kindo kyo ndi.

Matayo 27:18

Fulya eeishii vakee iṛiinga Yesu kiimba kya imwiria iriso.