Barua ya Vakorinto ya mbele 12:9 - MMA SHIYYA

⁹ Na ungi awore ikusura ifo Mumuyoń ulya muni da, na ungi mmwavie wavi lwa ikiṛa ifo Mumuyoń ulya muni da.

Barua ya Vakorinto ya mbele 12:9 ပူးပေါင်းရင်းမြစ်များ

Barua ya Vakorinto ya kavili 4:13

Kake ili toore mumuyo ulya wa ikusura Iṛuva, kikee ifika kirekio kilya kyatisiṛwa sheeli: ”Nakusura, na kiimba kya ikyo narera“, na akwaa ni ise tikusurie na kiimba kya ikyo tikee irera.

Barua ya Vaefeso 2:8

Amu mundekiṛwa ni uwoo lwa Iṛuva kwa shia ya inkusura. Na ikiṛwa li nkwanu lyukie ndi, wwavi lwa Iṛuva muni.

Barua ya Vakorinto ya mbele 13:2

Na kwakooya niishi iringisia filya fivaa numa ana noore mboni ta fiṛisi foose ana noore iirikia lyoose lya kwa Iṛuva nserise nalyo ngyuro, ntawore ikunda nkee kindo ndi.

Barua ya Vaebrania 11:33

Iwo kiimba kya ikusura Iṛuva vandekabana na mamangi vakaavinga vakatana kisumani vakakooya filya finderekio̱ vakaraya kana ka miiso.

Barua ya Vakorinto ya mbele 12:30

Woose vawore finya ta ikiṛa valole? Woose vareraa kwa mirerie? Woose waaṛua?

Barua ya Vakorinto ya mbele 12:28

Veefo Iṛuva avarwaa ifo siṛiń: Va mbele warumi, va kavili waauya, va kararu vvalosha, lingi watana fa maṛiikiso, lingi waavie finya ta ikiṛa valole, lingi weeleki, lingi wairia mbele, lingi mmakanika a mirerie.

Mariko 16:18

Vaimboo shoka na maako. Na kwakooya vanwaa kindo kifisie kya ivawaa, kivakasheesaa ndi. Vaekeṛiaa vandu valole maako nawo vakiaa.

Mitanie ya varumi 5:15

Neefo shień nini vakannde valole na ivarwaa findoń fa ilaya, amu ili Petiro eeiraa kiṛishwe kyamwi kikamfikia umwi wawo kinkiṛe.

Luka 10:9

Kiṛeń valya muvakooyaa-fo valole, muvaie: Umangi lwa Iṛuva lwammushea kufui.

Luka 9:2

Kavaruma amu vandeongoya vandu mboni ta umangi lwa Iṛuva na ishiisa valole.

Mariko 6:13

Vakaumbuta mimuyo mikasha miingi vakaamba vandu veengi valole mafura vakavakiṛa.

Matayo 21:21

Yesu kaaṛua kavaia: Nkue nkue namuia: Kwakooya mukusuṛaa Iṛuva mutaare inunua, nta ni iki mutanaa sha kya nkuu uu ndi. Na akwaa mwaia uro lu: Iṛuka ia kukai kundekweeṛa ifo nruveń, kyasia kivaa kuro da.

Matayo 10:8

Kiṛeń valole, shiiseń na valya vaworwa ni ivave, ṛuteń na vafu, umbuteń na mimuyo mikasha. Mwankiniingwa kya ruu, kiniingyeń kya ruu.

Mitanie ya varumi 10:38

Yesu wa Nasareti Mumuyo Nsongori na finya. Nae kaṛuaṛua na itania kinuru valya woose veekee iliswa ukiva nSatana na ivakiṛa, fulya Iṛuva eekee andu emwi nae.