Barua ya Vakorinto ya mbele 10:14 - MMA SHIYYA

¹⁴ Kiimba kya ikyo, vakunde vakwa, risheń windi lwa iindia maṛuva a wongo.

Barua ya Vakorinto ya mbele 10:14 ပူးပေါင်းရင်းမြစ်များ

Urambuyo lwa Yohane 21:8

Kake valya vakee veeṛei na vatakusurie na vatuṛua na vawaa na vaaisi na vasavi na valya vakee iindia fifu na va wongo woose fuva yawo ikee iruveń lia likee yaka muro wa kibalabala. Ilu llo ufu lwa kavili.“

Barua ya Yohane ya mbele 5:21

Vana vakwa, iwukaniń na maṛuva a wongo!

Barua ya Petiro ya mbele 2:11

Vanavama, mukee vandu veeni na va kyaaṛo, kiimba kya iki namufunda mwiwukane na malanga makasha akee ikabana na nrima.

Urambuyo lwa Yohane 22:15

Ifo wooṛo akaa makite na vasavi na vaaisi na vawaa na iwo vaindia maṛuva a wongo na valya woose vakundie wongo na iirera.“

Barua ya Vakorinto ya kavili 7:1

Kyasia vakunde vakwa, fulya toore firekio ifo, tikwilise mirima yeru kyoo kyoose kya vvili na kya nrima, kuro llyo yawutia usongori na yeṛea Iṛuva.

Barua ya Vakorinto ya kavili 6:17

Kwa ikyo Nndumi anumbua: ”Somukeń kari kawo, mulakaniswa nawo“. Na lingi: ”Manya mutabaani kindo kiravi, nań mmuwariaa“.

Urambuyo lwa Yohane 13:8

Na valya vakee kunu isangeń valifukiyaa nri valya woose vatakee vatisiṛe marina awo kuuka isanga lyeentanwaa kitabuń kya muu kya ngarina ilya indesikywa.

Urambuyo lwa Yohane 2:14

Kake fiifo findo kiindi kwafo fitashisenye, fulya kuwore vandu vakee kwanu vawore miloshie ya Bileamu ulya andelosha Balaki atevete vana va Isiraeli eevaloshaa ilya nyama shirasie maṛuva a wongo na itana waaisi.

Barua ya Vakorinto ya mbele 10:7

Ana manya mutave varasia maṛuva a wongo sheeli vengi va iwo veekee. Amu kyatisiṛwa: ”Vandu vakaa rembo veelyaa na inwa, numa vakakwimboo vatavani“.

Barua ya Vakorinto ya kavili 11:11

Nkiimba ki? Naare niikai ntamukundie ini? Iṛuva afiishi.

Barua ya Varome 12:19

Manya mutauṛe vengi kimini, muṛe vakunde vakwa, kake otoṛień Iṛuva mwaanya aumisie ye muni, fulya kikee kitisiṛe: ”Nndumi anumbua: Yuṛa kimini mmashoṛa akwa, nniń ntaa sile“.

Barua ya Vafilipi 4:1

Kyasia vanavama vakwa vakunde mmuworie nyura ini mukee ifura lyakwa na tikisi yakwa, salaleń kyumu mukuwore na Nndumi.

Barua ya Vakorinto ya kavili 12:15

Kake niń kilya kishisenyaa nnu ni iniingia kilya kikee kyakwa, nkya dede na akwaa nniń shi muni nniingio̱o̱ kiimba kya mirima yanu. A le sheeli neengeṛia imukunda nnu, naanguywaa ikundwa?

Barua ya Filemon 1:1

Niń Paulo nkee mfinge kiimba kya Kristo Yesu. Ise na Timoteo mwanamae weru takwisana iwe Filemon nkunde weru kukee ndundi wa mashora andu emwi neese.

Barua ya Vakorinto ya kavili 12:19

Mwabooka kuuka mbele itikusaṛia sheeli tikee ikushiisa mbele yanu. Mbele ya Iṛuva tikee irera tikuwore na Kristo, na ifi foose nkiimba kya imusongosia ini, muṛe vakunde.

Mitanie ya varumi 15:20

Kake tivati-siṛie barua na ivaia vaiwukani na irasia vaṛumu na iiwukana na waaisi na ilya nyama ta findo fakuṛwa na inwa usao.

Barua ya Vakorinto ya mbele 5:11

Kake mboni to sheeli tikai nndemutisiṛia sheeli mutasangesange na nndu akee ivaangwa mwanamae, nae mmwaaisi ana llembi ana murasia vaṛumu ana nruma ana nnangwa ana musoka. Nndu wa mikae ii mutakunde nta iliana nae.

Barua ya Vakorinto ya mbele 10:15

Narera neeni fulya mukee vandu muwore uṛango. Kusaṛień kilya nkee irera.

Barua ya Vakorinto ya mbele 10:19

A narerań are? Narera sheeli kiraso kya irasia maṛuva a wongo nkindo? Ana narera sheeli Iṛuva lya wongo nkindo?

Barua ya Vaebrania 6:9

Kake ini vakunde, na akwaa tarera kuro, kiimba kyanu tankusura sheeli fisha filya fitiniingaa ikiṛwa mufiwore.