Barua ya Vakorinto ya mbele 1:8 - MMA SHIYYA

⁸ Nae yye amuniingaa finya kumande ifurumia, amu mukooywa mutawore malomi nkonu ulya Nndumi weru Yesu Kristo ashaa nato.

Barua ya Vakorinto ya mbele 1:8 ပူးပေါင်းရင်းမြစ်များ

Barua ya Vatesalonike ya mbele 3:13

Amuumise ngoo tanu titomaa tikaa titawore ilomi, tive na usongori mbele ya Iṛuva Nde yeru kyeeri Nndumi weru Yesu ashaa andu emwi na vasongori vamwi woose.

Barua ya Vakolosai 1:22

alli amuwiiṛa kwa Iṛuva eeniingiaa wili wamwi ufuń, amu amuseṛeese kisanguń kyamwi mukee vasongori vataare malomi ana ukavili,

Barua ya Vafilipi 1:6

Nań nkusurie sheeli Iṛuva andebooka ma-shoṛa manuru ngooń tanu aamarisiaa kumande nkonu ulya Yesu Kristo ashaa lingi.

Barua ya Vatesalonike ya kavili 3:3

Kake Nndumi wwa usuro, nae amuaviaa finya na imuringa Nkasha ulya.

Barua ya Vaefeso 5:27

amu akooye siṛi yoore unuru itawore ukavili ana ikwotuaotua ana nta kimwi kari ka ifo, kake ive shisongori itawore malomi.

Barua ya Varome 16:25

Iṛuva yye awore finya ya imukaarisa ikusureń lyanu ili lisumani na nrumi ya ifura ya ikwanisa Yesu Kristo, sheeli niń nkee iikwanisa, likasumana na irambulwa lya kiṛisi kilya kiikee kifise kuuka kala.

Barua ya Petiro ya mbele 5:10

Na Iṛuva muni wa uwoo loose andemuvaangia unini lwamwi lwa miṛeṛe, fulya mukee va Kristo, yye amusumanisaa na imwirisha na imuniinga finya kyeeri kilya kiti mukee ukiveń.

Barua ya Vafilipi 1:10

lya yelelia kilya kikee kinuru, amu muve vasongori na vandu vatawore ilomi kumande nkonu ulya Yesu Kristo ashaa nato

Barua ya Petiro ya kavili 3:14

Kwa ikyo, vakunde, ili mukee iverea ifi, kuumiseń amu mukooywa unambweń mutaare ilomi ana usutu mbele yamwi.

Barua ya Varome 14:4

Eewe ni iwe i kuumisiaa iketi lya ungi? Kwakooya aselele ana awa, foose akee iṛundia nndumi wamwi da. Kake aseṛeeswaa, amu nndumi amakii imwimboo.

Barua ya Petiro ya kavili 3:10

Kake nkonu wa Nndumi ushaa kibashuka sha inini likee isha na kio. Llyo iṛuvewu liveṛukaa na ibaṛangaka inini, na findo filya fikee fa kimia fimuṛusoo firongore, na isanga limuṛusoo andu emwi na filya foose findetanwa wandu.

Barua ya Vakorinto ya kavili 1:21

Kyasia ulya atiniinga finya andu emwi neeni tilungani na Kristo na itiilisa yye Iṛuva.

Barua ya Vakorinto ya kavili 1:14

sheeli mwantimanya kwa kyeenga sheeli ise tammuvia ini tikisi, neeni nkuro mutiviaa ise tikisi nkonu ulya Nndumi weru Yesu ashaa nato.

Barua ya Vakorinto ya mbele 5:5

tirambikie Satana nndu to, amu vvili uretwa, na nrima wamwi amu ukiṛwa ili nkonu ulya wa Nndumi Yesu ufikaa.

Luka 17:24

Amu sheeli kimuli kiveṛukaa veṛu kyuka marayoń a iṛuvewu taari ii kikafika marayoń a iṛuvewu taari ii ingi kikamulika foose, mfo kuro Mwana wa nndu avaa nkonu ulya ashaa nato.

Luka 17:30

Na nkonu ulya Mwana wa nndu alolikaa nato, mfo kivaa kuro da.

Barua ya Varome 8:19

Amu foose fitani fiveree na usau wiingi fiivereaa unini lwa vana va Iṛuva ili lulolikaa na baa.

Barua ya Vakorinto ya mbele 3:13

kyasia mashoṛa a nndu woose amanyikaa na baa. Nkonu ulya wa uumisio wavanisaa, fulya ukumanyisaa urie muro. Na muro ulya weleliaa ishoṛa lya nndu woose llya mikae ki.

Barua ya Vakorinto ya kavili 1:13

Amu timutisiṛiaa kirero ndi kita filya mukee ifisoma na ifimanya. Nań noore ba kundo mufimanyaa kumande kirero kya ifurumia,

Barua ya Vakolosai 2:7

Muve vakuveekia si kwamwi na ikusongosia na ikukaarisia ikusureń sheeli mundeloshwa na yengeṛia iniingia yaana.

Barua ya Vatesalonike ya mbele 5:2

Amu ini mu veni mwishi sheeli nkonu wa Nndumi ushaa sheeli inini lishee kio.

Barua ya Vatesalonike ya kavili 2:2

Manya mutataṛaakiswa ree ana manya mutakyangiswa mmumuyo llive ana nta nkirero kilive ana mbarua ikee ikusaṛio̱ yyeru, sheeli nkonu wa Nndumi wammaa ifika.

Barua ya Timoteo ya kavili 1:12

Nkyo kiteveto naliswa ngyukiva ti. Kake nta niilashaa ndi, fulya niishi ulya ninkusurie na imanya sheeli awore finya ya iringa kilya nndeavio̱ kumande nkonu ulya ufikaa.

Barua ya Timoteo ya kavili 1:18

Nndumi Yesu anniinge akooye ililio̱ kisanguń kya Iṛuva Nndumi nkonu ulya. Na kasa ashiṛundia fiingi ifo Efeso, iwe kwishi nnu.