Barua ya Vakorinto ya mbele 1:20 - MMA SHIYYA

²⁰ Nkwi ndango kwa dede akai? Nkwi mwaṛia wa fitabu akai? Nkwi valya veeshi ivinga fikweniń fa isanga li vakai? Naare? Iṛuva ariṅanisa uṛango lwa isanga li se?

Barua ya Vakorinto ya mbele 1:20 ပူးပေါင်းရင်းမြစ်များ

Barua ya Varome 1:22

Vakakureria wo veni sheeli vawore uṛango vakariṅana.

Barua ya Vakorinto ya mbele 3:19

Amu uṛango lwa isanga li ni utondo mbele ya Iṛuva. Amu nkitisiṛe: ”Areyaa vaṛango ifo mitambweń yawo“.

Barua ya Vakorinto ya mbele 1:19

Amu nkitisiṛe: ”Nkasheesaa uṛango lwa iwo vakee vaṛango, na imanya lya vayauṛango llileaa“.

Barua ya Vakorinto ya mbele 2:6

Lingi fiifo fa uṛango lwa dede tikee iia valya vamakii yawutia, kake mfa uṛango lwa isanga li ndi ana fa iwo vashiliaa isanga li varekaa ndi.

Matayo 13:22

Na ito andeeṛwa miingeń ito yye ulya aaranyaa kirero kawarwa ni utaṛawu lwa isanga li na ilembwa mmasaa, nafo fikafwa kirero kyo nta ivika kilimu.

Yohane 12:31

Alli uumisio lwa isanga li lwaawukia. Alli mwitoṛo wa isanga li aburuswaa aliuke.

Mitanie ya varumi 17:18

Na vandu kiindi va taari ya Epikuro na ya Sitoa vakavingana nae. Veefo vandenumbua: A nriṅani uu afurie irera ki? Vengi vakanumbua: Alolikie sheeli mmukwanisa mboni ta maṛuva meeni. Mfulya Paulo eekee ikwanisa mboni ta ifura ta Yesu na ta iṛuka lyamwi.

Barua ya Varome 1:20

Kiimba kya iki findo famwi kitaare fallolio̱ fikee ilolika kuuka isanga lintanwa yye na imanyika kwa vandu, amu llyo imakii lyamwi lya miṛeṛe na unini lwamwi. Kikava kuri kaaṛa vatave na kya ikuuta.

Barua ya Vakorinto ya mbele 1:26

Kwa ikyo vanavama kumbueń kasa mundevaangwa ni Iṛuva. Kari kanu veefo veengi vawore uṛango lwa kivandu ndi, veefo veengi vawore finya ndi, veefo veengi vawore unini ndi.

Barua ya Vakorinto ya mbele 1:27

Kake valya vakee matondo a isanga li wwo Iṛuva andevasaua asute vaṛango. Lingi valya vakee varengesi va isanga li wwo Iṛuva awasaua asute valya vawore finya.

Barua ya Vakorinto ya mbele 1:28

Lingi valya vatawore nsendo kunu isangeń li na valya vakee iilwa ni isanga wwo Iṛuva awasaua, amu arete valya vakee ikulolia sheeli nkindo.

Barua ya Vakorinto ya mbele 2:8

Uṛango lu veetoṛio isanga li veelwishii nta umwi ndi. Amu kifo veelwishii, nta veekabiaa Nndumi muni unini nsalabeń ndi.

Barua ya Vakorinto ya mbele 3:18

Manya nndu atakulembe ye muni! Kwakooya nndu akulolia sheeli awore uṛango kari kanu na kari ka isanga li, ave sha ntondo, amu llyo akooyaa uṛango.

Barua ya Vakorinto ya mbele 6:2

Ana mwishi se sheeli valya vakee vasongori vaumisiaa isanga li? Na kwakooya isanga lyumisio̱o̱ń ni ini, a le mumakii ifukya se fikwena fikee finnya?

Barua ya Vakorinto ya mbele 11:32

Kake ili taumisio̱, neekai taikimbwa ni Nndumi, amu titashe iretwa andu emwi na va isanga li.

Barua ya Yakobo 4:4

Ini vaaisi, mwishi se sheeli iwara ndoo na isanga ni iva kituva kya Iṛuva? Kyasia ulya akundaa iva ndoo ya isanga akwaṛua kava kituva kya Iṛuva.