Barua ya Vakorinto ya mbele 1:2 - MMA SHIYYA

² Ise na Sositene mwanamae weru teesana siṛi ya Iṛuva ikee ifo Korinto tiisanaa valya vamiiliswa ni Kristo Yesu iwo vandevaangwa vave vasongori andu emwi na woose vakee yarafuma irina lya Nndumi weru Yesu Kristo andu woose kwawo na kweru.

Barua ya Vakorinto ya mbele 1:2 ပူးပေါင်းရင်းမြစ်များ

Barua ya Varome 1:7

Namwisana ini mu woose mukee ifo Rome, mukee vakunde va Iṛuva mundevaangwa muve vasongori. Uwoo lukaa kwanu na unambwe luukie kwa Iṛuva Nde yeru na kwa Nndumi Yesu Kristo!

Barua ya Vakorinto ya mbele 1:30

Kwamwi ye mfo mundeuka ini mukee va Kristo Yesu. Uu yye antitanio̱ ni Iṛuva ave mutiṛangusa na mutisumanisa na mutisongovisa na mutikiṛa.

Mitanie ya varumi 26:18

Kuvarue miso awo varie llema vashe langeń, vauke ushiliń lwa Satana vaaṛukie Iṛuva. Kuro vakooye itio̱ lya mareko awo na diṅu kari ka iwo vamiiliswa veeshikusuraa niń.

Barua ya Vaebrania 13:12

Nkyo kiimba na Yesu kalisio̱ ukiva wooṛo ya mbenge ya muṛi (Goligota), amu ailise vandu vamwi na usao lwamwi weni.

Barua ya Vatesalonike ya mbele 4:7

Amu Iṛuva antivaangia ukwe ndi, kake antivaanga tive vailise.

Barua ya Vaebrania 10:10

Kiimba kya mifurie yo ya Iṛuva tindekooya iiliswa kwa limwi nakyo kikava na iniingio̱ lya wili wa Yesu Kristo.

Barua ya Vakorinto ya kavili 4:5

Amu ise tikee ikukwanisia ti veni ndi, kake tikee ikwanisa sheeli Kristo Yesu ni Nndumi, neese tikee maketi anu kiimba kya Yesu.

Mitanie ya varumi 9:14

Na kunu ni wikie muumu vvakohani vanini afinge valya woose vakukusurie.

Urambuyo lwa Yohane 19:16

Nae awore irina itisiṛe nsetoń wamwi ifo kisiń kyamwi. Nalyo llyo ifi: Mangi wa mamangi na Nndumi wa mawomi.

Barua ya Yuda 1:1

Niń Yuda nkee iketi lya Yesu Kristo na mwanamae wa Yakobo. Neesana vavaange valya vakee vakunde ni Iṛuva Nde na iringio Yesu Kristo.

Barua ya Vaebrania 2:11

Amu uu mwilisa na iwo veeliswa vawore Nde ii woose. Kiimba kya iki awore sonu ya ivavaanga vanavamae ndi

Barua ya Timoteo ya kavili 1:9

Yye uu andetikiṛa kativaangia fuva shisongori kitaare nkwa mitanie yeru ise, kake nkwa kiṛengo kya wafio lwamwi muni na uwoo lwamwi. Uwoo lo tindeniingwa nKristo Yesu kuuka mbooko.

Barua ya Timoteo ya mbele 3:15

Kake nansinda, kumanye weendo kasa kyawara vandu veende ifo numba ya Iṛuva, nayo ikee siṛi ya Iṛuva muni muu, ikee ngo na mfulo wa udede.

Barua ya Vatesalonike ya kavili 1:1

Ise Paulo na Silwano na Timoteo teesaana siṛi ii ya ifo Tesalonike ikuwore na Iṛuva Vaava weru na Nndumi weru Yesu Kristo.

Barua ya Vatesalonike ya mbele 1:1

Ise Paulo na Silwano na Timoteo teesana siṛi ya kwa Vatesalonike ilungani na Iṛuva Nde na Nndumi Yesu Kristo. Uwoo lukaa neeni na unambwe!

Barua ya Vaefeso 5:26

amu aiilisie Iṛuva eeisangyaa na mura wa ubatiso ukulunganisie na kirero kya Iṛuva,

Barua ya Vakorinto ya kavili 1:1

Niń Paulo nkee nrumi wa Kristo Yesu kwa mifurie ya Iṛuva. Ise na Timoteo mwanamae weru teesana siṛi ii ya Iṛuva ikee kulya Korinto andu emwi na vasongori woose vakee urukeń loose lwa Akaya.

Barua ya Vakorinto ya mbele 8:6

kake kweru ise Iṛuva ni umwi tubu akee Nde yeru. Yye findo foose fuukie kwamwi neese tiuyaa kwamwi. Eefo na Nndumi umwi ni Yesu Kristo. Yye findo foose findeva kwa finya yamwi neese tikee kari kamwi“.

Barua ya Varome 10:12

Amu wifo mwavanu wa yavanisa Vayuda na Vagiriki ndi. Amu ulya akee Nndumi wa woose ni uu muni da, mmuni wa wavi lufile valya woose vakee intereva.

Barua ya Varome 3:22

Nalo ni usumani lwa Iṛuva lukooywaa vvalya woose vakuwaraa na ikusura Yesu Kristo veenkusuraa deń. Amu wifo mwavanu ndi.

Mitanie ya varumi 22:16

Kyasia alli kuverień ki? Kwimboo kubatiswa kusangywa mareko afo kwisendaa irina lyamwi.

Mitanie ya varumi 18:1

Numa ya ifi Paulo kauka Atene kafika muṛiń wa Korinto.

Mitanie ya varumi 15:9

Ana nta arwaa mwavanu kari kawo neese ndi kavasangya mirima yawo na ikusura.

Mitanie ya varumi 10:36

Kirero kyamwi Iṛuva ankirumia vana va Isiraeli karika Yesu Kristo akwanisie vandu mboni shinuru ta unambwe. Uu akee Nndumi wa woose.

Mitanie ya varumi 9:21

Na woose vandeita vakariika nnu vakanumbua: Uu ni ulya se eekee ifinga valya vakee isenda irina li kulya Yerusalemu? Na kunu ansha kiimba kya ikyo amu avafinge avarwaa kwa vakohani vanini.

Barua ya Timoteo ya kavili 2:22

Kake risha milangie ya ukoo, kulatie usumani na ikusura na ikunda na unambwe andu emwi na valya vakee ivaanga Nndumi na nrima mweelwa.

Barua ya Vagalatia 1:2

Ise na vanavamae woose vakee nań teesana siṛi tilya tikee ifo Galatia.

Mitanie ya varumi 9:13

Anania kamwaṛua kamwia: Wode Nndumi, namoongoywa vvandu veengi mboni ta nndu ulya, sheeli andelisa vandu vafo ukiva kulya Yerusalemu.

Barua ya Varome 8:28

Neese tiishi sheeli findo foose Iṛuva aaviaa valya vankundie fivaviaa fa usha foose, nawo vvalya vandevaangwa kasa andevaṛengia.

Barua ya Vakorinto ya mbele 10:32

Kulleń amu mutatevete Vayuda ana Vagiriki ana va siṛi ya Iṛuva,

Barua ya Vakorinto ya mbele 12:27

Kyasia ini mukee vvili wa Kristo na nndu woose wanu kava yeeṛo lya vvili uu lisumani na mashoṛa ayo.

Barua ya Timoteo ya mbele 2:8

Kyasia mfurie womi vatereve andu woose veeimboo maako a windi liteefo ituṛuka ana ivingana.

Barua ya Timoteo ya kavili 2:19

Kake mfulo wa Iṛuva uselele, nato uwore kiringisio ki: ”Nndumi eeshi valya vakee vamwi“. Na lingi: ”Ulya woose asendaa irina lya Nndumi atie-wo ukasha“.