Barua ya Vakorinto ya mbele 1:10 - MMA SHIYYA

¹⁰ Kyasia vanavama namutereva na irina lya Nndumi weru Yesu Kristo: Murere kimwi mu woose, manya kwanu utave-fo mwavanu, kake muve na ikusaṛo limwi na ifukya limwi.

Barua ya Vakorinto ya mbele 1:10 ပူးပေါင်းရင်းမြစ်များ

Barua ya Vakorinto ya mbele 12:25

amu utakaafo mwavanu kari ka vvili, kake meeṛo eelekani yeeṛo lyoose na lingi.

Barua ya Varome 12:16

Ngoo tanu toose kyawara tive kimwi! Manya mutakwareesie filya fikee firoo, kake kuwaraniń na valya vannya! Manya mutakumanyi mu veni sheeli mukee vaṛango!

Barua ya Vakorinto ya kavili 13:11

Ifurumia, vanavama, fureń, mukuselevende, mukwikimbe, mirima yanu ive kimwi, mukaa unambweń, llyo Iṛuva muni ikunda na unambwe akaa andu emwi neeni.

Barua ya Vakorinto ya mbele 11:18

Kya mbele naita sheeli ifo kwanu ili mukee ikwania siṛiń liifo ikuraua. Nań kwa kyeenga niirikie.

Barua ya Vafilipi 1:27

Kake weendo lwanu lusongove sheeli kisumani na nrumi ya Kristo, amu kwakooya nshaa na imulolia ini ana kitaare niiyo niite mboni tanu, sheeli muselele na utomari na ngoo imwi mwikabaniaa nrumi shisha na ikusura kwa nrima umwi.

Barua ya Varome 16:17

Muṛe vanavama, namwikimba mulle valya vawore myaandu na findo fa iteveta fa ifuluta miloshie ilya mwankulosha. Iwukaniń nawo!

Barua ya Vakorinto ya kavili 5:20

Kyasia ise tikee varumi va ivaangia vandu Kristo, nkimwi sheeli Iṛuva ye muni akee ivaikimba kwa kana keru tiireraa: Tamutereva ini na Kristo: Mwitaniswa na Iṛuva!

Barua ya Vakorinto ya mbele 4:16

Nkyo namutereva mushisoṛe niń.

Mitanie ya varumi 4:32

Na kinga kya vandu valya veenkusuriee veekee na ngoo imwi na nrima umwi. Ana eefo nta umwi andenumbua sheeli kindo kyoose awore mmasaa amwi muni, kake vandesandia findo foose andu emwi.

Yohane 17:23

Niń vve andu emwi nawo, nawe kuve andu emwi nań, nawo vave vandu va imarisia iva kimwi. Na va isanga vautie-wo imanya sheeli ni iwe kushirumie niń, lingi kwavvakunda sheeli kundeshikunda niń.

Barua ya Vatesalonike ya mbele 5:13

Muvakunde kilanya kiimba kya mashoṛa awo. Veń na unambwe mu veni na mu veni.

Barua ya Varome 12:1

Muṛe vanavama, ini mukee vandu vallilio̱ ni Iṛuva. Nkyo kiimba namwikimba: Muniingie mivili yanu ive nsimbika nsongovisi uwore muu wa isenya Iṛuva, kuro llyo iṛundia Iṛuva na imwindia na uṛango usha.

Yohane 10:19

Kyasia Vayuda valya vakakwava kari kiimba kya firero filya famwi.

Barua ya Petiro ya mbele 2:11

Vanavama, mukee vandu veeni na va kyaaṛo, kiimba kya iki namufunda mwiwukane na malanga makasha akee ikabana na nrima.

Barua ya Timoteo ya kavili 4:1

Narambua mbele ya Iṛuva na mbele ya Kristo Yesu ulya asheumisiaa veefo na muu na vamfwe niirambuaa sheeli ashaa lingi aseṛeese umangi lwamwi.

Barua ya Vafilipi 3:16

Kake io tamfika, yengeṛia teengeṛie kuro da.

Barua ya Vakorinto ya kavili 10:1

Kyasia niń Paulo ili nkee irerwa vvandu kiindi sheeli nkee nkunyiisi niivaa neeni, kake kwakooya ntaiyo noore ukaṛuo kwanu,

Yohane 7:43

Kyasia vandu vakakufukya kari kiimba kyamwi.

Mariko 2:21

Nta eefo nndu afumiaa kirami kya nseto mwiya nsetoń nkuu ndi. Kwakooya adonyaa-wo kilya kiiya kyarawa-wo kikasheesa isaṛa lia ikuu. Na alya anderanduka eendeaa kita.

Matayo 9:16

Nta eefo nndu avevyaa kirami kiiya nsetoń nkuu ndi. Amu kilya kyavevyo kiiṛuaa kirami kya nseto ulya, na alya arandukye akwengeṛyaa mmwasi.

Barua ya Timoteo ya mbele 5:21

Nakuvavasa mbele ya Iṛuva na mbele ya Kristo Yesu na mbele ya vamalaika vasaue ringa ifo kitaare kwasuuya nndu ana kutatane kindo kwikundiaa nndu.

Barua ya Vatesalonike ya kavili 2:1

Kya mboni ta isha lya Nndumi weru Yesu Kristo na isangia lyeru nae tikee imutereva, vanavama:

Barua ya Vagalatia 4:12

Vanavama, namutereva muve sheeli niń nkai, amu niń nkee sha ini. Mundeshikasheesa nta kwa kindo kimwi ndi.

Barua ya Vakorinto ya kavili 6:1

Kake ili ise tikee uṛundiń ilu lwa iṛundia Iṛuva, tikee imufunda: Manya mutawarie ililia lya Iṛuva kya ruu.

Barua ya Varome 15:30

Vanavamae vakwa, namutereva na Nndumi weru Yesu Kristo na ikunda lya Mumuyo, kutomariseń andu emwi nań ifo fiterewoń fanu kwa kiimba kyakwa mbele ya Iṛuva,

Yohane 9:16

Kyasia kiindi kya Vafarisayo valya vakanumbua: Nndu to ni nndu aukie kwa Iṛuva ndi, fulya ataindiaa nkonu wa Sabato. Vengi vakanumbua: Kwakooya ni nndu nrekwa, naare amakii itana findo fa maṛiikiso sha ifo? Llyo vakwava makamba avili.

Barua ya Varome 1:13

Kake, vanavama, mfurie mutuṛe imanya ndi, fulya nallanga keengi imusengera, naamu mmuṛundie neeni ifo kwanu sheeli nkee iṛundia vayavaṛumu vengi, kake namiimwa kumande alli.

Barua ya Vakorinto ya mbele 1:11

Amu vanavama namoongoywa mboni tanu vvalya vakee va numba ya Kiloe, sheeli kwanu lwifo uṛiingi.

Barua ya Vakorinto ya mbele 3:3

Amu na akwaa ni alli mukee vandu va mikae ya vvili da. Amu kwakooya kwanu liifo iiria iriso na uṛiingi, a le mukee vandu va mikae ya vvili se mwiendaa kwa mikae ya kinndu?

Barua ya Vakorinto ya kavili 13:9

Amu tikee ifura kwakooya ise tava vatanyari neeni mukava na finya. Lingi ifi nafo tikee itereva mukooye iselevendwa.

Barua ya Petiro ya mbele 5:10

Na Iṛuva muni wa uwoo loose andemuvaangia unini lwamwi lwa miṛeṛe, fulya mukee va Kristo, yye amusumanisaa na imwirisha na imuniinga finya kyeeri kilya kiti mukee ukiveń.

Mariko 3:24

Na kwakooya umangi lwakuraua na ikabana lo weni na weni, umangi lo lusalalaa ndi.