Zekariya 7:14 - Bibliya Yera 1951 1967 (Burundi)

¹⁴ ariko nzobasābagirisha agashururu, baje mu mahanga yose batīgeze kumenya. Uko ni kw igihugu kizosigara ar’ amatongo bakivuyemwo; ntihagire umuntu n’umwe aba akihaca cank’ agisubirayo: kukw igihugu c’igikundiro bāri bagihinduye amatongo.

Zekariya 7:14 ပူးပေါင်းရင်းမြစ်များ

2 Ivyo ku Ngoma 36:21

kwar’ ukugira ngw ijambo Uhoraho yavugiye mu kanwa ka Yeremiya rishike, igihugu gishumbushwe amasabato yaco; igihe cose camaze kikir’ amatongo, cariko kiziririza amasabato yaco, gushitsa kimaze imyaka mirongwirindwi.

Zaburi 58:9

Inkono zanyu zitarumva umuriro w’inkwi z’amahwa, Imana izozikūzah’ agashururu, imbisi n’izifashwe zose.

Yesaya 17:13

Amoko azosūma nk’ugusūma kw’amazi menshi: arikw Imana izoyakankamira, na yo azohungira kure, nk’ ibishingwe vyo ku misozi iyo bijanwa n’umuyaga, nk’ifurufumbi y’ umukungugu ir’ imbere y’igihuhuta.

Yesaya 21:1

Imbūri yo ku bugaragwa buri ku kiyaga. Nk’ukw agashururu ko mu gihugu c’i bumanuko gasuriranya, ni ko biza bivuye mu bugaragwa, mu gihugu giteye ubgoba.

Yesaya 60:15

Naho wahebge, ukankwa, ntihabe hakigira ūhita muri wewe, nzoguhindura ubgiza bginshi butazoshira, ube umunezero uk’ urunganwe rwawe ruzogenda rukurikirana.

Yesaya 66:15

Kuk’ Uhoraho azozanana n’ umuriro, kand’ imikogote yiwe izoba imeze nk’agashururu; kugira ngo yīmarishe ishavu uburake bg’inkazi, abahanishe imbeya z’ umuriro.

Yeremiya 12:10

Abungere benshi bāhanyaguye uruzabibu rwanje, bāsiribanze umugabane wanje, umugabane wanje w’igikundiro bāwuciye ubugaragwa bg’ibitongozi.

Yeremiya 23:19

Rāba ikirura canje, jewe Uhoraho, ni bgo burake bganje, kirahinze, mbere n’ikirura c’imvugusi: kizorindimukira ku mitwe y’abanyavyaha.

Yeremiya 30:23

Rāba ikirura c’Uhoraho, ni bgo burake bgiwe, kirahinze, mbere n’ikirura c’inkubebe: kizorindimukira ku mitwe y’abanyavyaha.

Yeremiya 36:19

Maz’ abo baganwa babarira Baruki, bati Genda winyegeze, mwe na Yeremiya; ntihagire umuntu n’ umwe amenya aho muri.

Yeremiya 44:6

Ni co catumye ubushangashirwe bganje n’uburake bganje bisukwa bikadomekwa mu bisagara vy’i Buyuda no mu nzira z’i Yerusalemu; none har’ imisaka n’amatongo, nk’uko bir’ uyu musi.

Yeremiya 5:15

Ehe ngira mbazanire ihanga rivuye kure, yemwe ab’ inzu ya Isirayeli, ni jewe Uhoraho mbivuze; n’ihanga rihambaye, n’ihanga ryamyeho kera, n’ihanga rivuga ururimi mutazi, mutoshobora no kwumva ico rivuga.

Yeremiya 52:30

mu mwaka ugira mirongwibiri na gatatu Nebukadineza ari ku ngoma, Nebuzaradani umukuru w’ abashibamyi yajanye ab’ inyagano b’Abayuda abantu amajana ndwi na mirongwine na batanu: abantu bose na bose bār’ ibihumbi bine n’amajana atandatu.

EZEKIYELI 12:19

kand’ ubarire abantu bo mu gihugu, ut’ Uku ni k’ Umwami Uhoraho agize ku vy’ abar’ i Yerusalemu no mu gihugu c’i Bgisirayeli, ati Bazorya ivyo kurya vyabo bahagaritse imitima, banywe amazi yabo bumiwe, kukw igihugu kizohinduka imisaka, ivyaho bigasahurwa vyose, bazize umuryano w’abakibamwo bose.

EZEKIYELI 22:15

Nzogushwiragiriza mu mahanga, ngusābagirize mu bihugu; kandi nzokumaramw’ ubuhumane bgawe.

EZEKIYELI 5:10

Ni co gituma ba se b’abana bazobarīra hagati muri wewe, n’ abana bazorya ba se; kandi nzocira amateka muri wewe, n’amasigarira yawe yose nzoyashwiragiriza mu birēre vyose.

Daniyeli 8:9

Kuri rimwe mur’ ayo, hashamika agahembe gatoya, karakura, kaba rinini cane, ryerekera i bumanuko n’i burasirazuba no mu gihugu c’ubgiza.

Hoseya 9:17

Imana yanje izobata kure, kuko batayumviye; kandi bazoba inyererezi mu mahanga.

Yoweli 2:3

Umuriro ugenda urayigiza imbere yabo, kand’ inyuma yabo hasigara harāka ibirimi vyawo: imbere yabo igihugu kimeze nka rya tongo ryo muri Edeni, na ho inyuma yabo hasigara ar’ ubugaragwa bg’ibitongozi; eka nta wuzobakira.

Abalewi 26:22

Kandi nzobatērēra ibikōko vyo mw ishamba, bitware abana banyu, biyigize amasho yanyu n’imikuku yanyu, bibatūvye, inzira zanyu zisibe.

Abalewi 26:33

Namwe nzobashwiragiriza mu mahanga, nsokōre inkota, mbirukane; igihugu canyu kizosigara gitamāriwe, n’ibisagara vyanyu bicike imisaka.

Amosi 1:14

Nuko nzokwanda umuriro uruzitiro rw’i Raba, utongore ingoro zaho, har’ akāyaga ku musi w’intambara, bo n’ikirura ku musi w’agashururu.

Nahumu 1:3

Uhoraho ateba kuraka, kand’ afise ububasha bginshi, ntatsindanishiriza na gatoya abo gutsindwa; inzira y’Uhoraho ica mu gashururu no mu kirura, kand’ ibicu ni wo mukungugu utumurwa n’ibirenge vyiwe.

Habakuki 3:14

Wasogotesheje umugabisha w’ ingabo ziwe ibimīto vyawe; Baje kudushwiragiza bameze nk’agashururu; Umengo vyarabahimbara kuyongobeza umugorwa mu mpisho.

Zefaniya 3:6

Naranduye amahanga, iminara yabo isigaye ar’ imisaka; nashibije inzira zabo, bituma ata wukihahita; ibisagara vyabo birasanganguwe, bituma hatakibonekay’ umuntu, kand’ ata wukihaba na mba.

Zekariya 2:6

Yemwe! Yemwe! Ni muhunge muve mu gihugu c’i burārūko, ni k’Uhoraho agize; kuko nk’ukw ibirēre bine vy’ijuru vyītangūranye, ari ko nabasābagije, ni k’Uhoraho agize.

Zekariya 8:1

Ijambo ry’Uhoraho Nyen’ ingabo rinzako,

Zekariya 9:14

Kand’ Uhoraho azoserukira hejuru yabo, umwampi wiwe wirase nk’umuravyo, kand’ Umwami Uhoraho azovuza inzamba, aje mu gihuhuta c’i bumanuko.

Gusubira mu Vyagezwe 28:33

Imirima yo mu ndimiro zanyu, n’ivyo mwakoze vyose, bizoribga n’ihanga mutazi; muzokwama muhahazwa mucuranguzwa na ntaryo,

Gusubira mu Vyagezwe 28:49

Uhoraho azobagomorera ihanga rya kure, ribatere, arikūye ku mpera y’isi, rize nk’ukw inkukuma yirasa, ihanga mutazomenya ururimi rwaryo,

Gusubira mu Vyagezwe 28:64

Kand’ Uhoraho azobashwiragiriza mu mahanga yose, uhereye ku mpera y’isi ugashitsa ku yindi; kandi muzosabiray’ izindi mana z’ibiti n’iz’amabuye, mutigeze kumenya, ari mwebge canke ba sogokuruza banyu.

Gusubira mu Vyagezwe 4:27

Kand’ Uhoraho azobasābagiriza mu mahanga, kandi muzosigara mur’ inkehwa mur’ ayo mahanga, iyo Uhoraho azoba yarabajanye.