Zekariya 13:3 - Bibliya Yera 1951 1967 (Burundi)

³ Maze ni haramuka habonetse uwīgira ngw aravugishijwe, se na nyina bāmwivyariye bazomubgira, bati Ntugenda udapfuye, kuk’ uvuga ibinyoma mw izina ry’Uhoraho: maze se na nyina bāmwivyariye bazomutobekeranya akibivuga.

Zekariya 13:3 ပူးပေါင်းရင်းမြစ်များ

Yeremiya 23:25

Numvise ivyo ba kamenyi bavuga, barotora ibinyoma mw izina ryanje; bati Narose, narose.

Yeremiya 23:34

Kandi kamenyi cank’ umuherezi cank’ uwo mu bantu ni hagira ūpfa kuvuga ivy’ imbūri yanje jewe Uhoraho, uwo muntu nzomuhana, bo n’abo mu nzu yiwe.

Yeremiya 28:15

Nuk’ ūvugishwa n’Imana Yeremiya aca abarira Hananiya kamenyi, ati Ni wumve, Hananiya: Uhoraho ntiyagutumye, ariko wizigiza ubu bgoko ivy’ ibinyoma.

EZEKIYELI 13:23

uti Ni co gituma mutazokwongera kwerekwa ibitagira ikimazi, canke kugira indagu muragura; uti Kand’ azokiza abantu biwe, abakūre mu maboko yanyu: uti Nuko muzomenya yukw ari we Uhoraho.

EZEKIYELI 14:9

Kandi kamenyi ni yasukwa akagira ijambo avuga, ni jewe Uhoraho nzoba ndamusutse, kandi nzomushingiriza ukuboko kwanje, ndamurandure ndamukūre hagati mu bantu banje b’Abisirayeli.

EZEKIYELI 43:7

Arambgira, ati Mwana w’umuntu, aha hantu n’ah’ intebe yanje y’ubgami, n’ ahantu ibirenge vyanje bizohora bishinze, ni ho nzobana n’Abisirayeli ndi hagati muri bo gushitsa ibihe bidashira: kand’ ab’ inzu ya Isirayeli ntibazokwongera kwanduza izina ryanje ryera ukundi, bo ubgabo, cank’ abami babo, ngo baryandurishe ubumaka bgabo, cank’ imivyimba y’abami babo iri mu ntatemwa zabo,

Matayo 10:37

Ūkunze se canke nyina akabandutisha, ntaba ankwiye: kand’ ūkunze umuhungu wiwe cank’ umukobga wiwe akabandutisha, ntaba ankwiye.

Luka 14:26

at’ Umuntu ni yaza kuri jewe, ntiyanke se, na nyina, n’umugore wiwe, n’abana biwe, na bene nyina, na bashiki biwe, mbere n’amagara yiwe na yo, ntashobora kuba umwigishwa wanje.

2 Korinto 5:16

Ni co gituma uhereye none tutakigira uwo tumenya ku vyo ku rukoba; naho twari tuzi Kristo mu vy’ umubiri, ariko none ntitukimumenya durtyo.

Gusubira mu Vyagezwe 18:20

At’ Arik’ umuvugishwa azohāngāra kwigenera ijambo ntamugeze kuvuga, akarivuga mw izina ryanje, cank’ akagira ico avuga mw izina ry’izindi mana, uwo muvugishwa azobizira apfe.

Gusubira mu Vyagezwe 33:9

Lewi yavuze ku vya se na nyina, ati Sinkibamenya; N’abo bavukana ntabemera, Canke ngw anamenye n’ivy’ abana biwe ubgiwe; Kukw Abalewi bakomeje ijambo ryawe, Bakitondera isezerano ryawe.