Zekariya 12:5 - Bibliya Yera 1951 1967 (Burundi)

⁵ Abatware b’ Abayuda bazokwibgira mu mitima, bat’ Ababa muri Yerusalemu ni bo nkomezi zacu, kuko bafise Uhoraho Nyen’ ingabo kw Imana yabo.

Zekariya 12:5 ပူးပေါင်းရင်းမြစ်များ

Zaburi 144:1

Uhoraho, igitandara canje, n’ashemagizwe, Yigisha amaboko yanje kurasana, N’intoke zanje kurwana:

Zaburi 18:32

Ni yo Mana inkenyeje inkomezi, Igatunganya inzira yanje.

Zaburi 18:39

Wankenyeje inkomezi ngo ndwane, Abarwanizi banje wabamaze igabo.

Zaburi 46:1

Imana ni yo buhungiro bgacu n’inkomezi zacu, N’umufasha atabura guseruka mu magorwa.

Yesaya 1:10

Ni mwumve ijambo ry’Uhoraho, mwebge abaganza i Sodomu; mutegere amatwi ivyagezwe vy’Imana yacu, mwa bantu b’i Gomora.

Yesaya 1:23

Abakuru bawe n’abagarariji, n’abagenzi b’ibisuma; umuntu wese muri bo akunda ingurire, akurikira guhongerwa; ntibacira urubanza impfuvyi, kand’ imanza z’abapfakazi ntizigera aho bari.

Yesaya 1:26

Nzosubizah’ abacamanza bawe nk’ubga mbere, n’abajanama bawe nko mu matangura; uheze witwe igisagara c’ubugororotsi, umurwa wizigirwa.

Yesaya 28:5

Kur’ uwo musi Uhoraho Nyen’ ingabo azobera abantu biwe b’amasigarira igitsibo c’icubahiro n’umugāra w’ubgiza:

Yesaya 28:6

n’uwicaye aca imanza azomubera umutima uca iziroranye, kand’ azobera inkomezi abasubiza urugamba inyuma y’ amarembo.

Yesaya 29:10

Kuk’ Uhoraho abasutsekw impwemu y’uruhuni, agahuma amaso yanyu, ni yo bavugishwa banyu, agapfuka n’imitwe yanyu, ni yo bamenyi banyu.

Yesaya 32:1

Rāba, umwami azoganza mu bugororotsi, n’abaganwa bazotwaza imanza ziroranye.

Yesaya 45:24

Uhoraho, muri we honyene ni ho har’ ukugororoka n’inkomezi, ni ko bazomvuga; kuri we ni ho abantu bazoza; kand’ abamurakiye bose bazotētērwa.

Yesaya 60:17

Mu gishingo c’imiringa nzozana izahabu, no mu gishingo c’ivyuma nzozana ifeza; nzane imiringa mu gishingo c’ibiti, n’ ivyuma mu gishingo c’amabuye; nzokwimika amahoro abe ari yo akuganza, n’ukugororoka abe ari kwo kugutwara.

Yeremiya 30:21

Umwami wabo azoba uwo muri bo bgite, ūbaganza akomoke hagati muri bo: nanje nzomwiyegereza, kand’ azonshikīra: kuko ni nde yohangara kunshikīra? ni jewe Uhoraho mbibajije.

Yeremiya 33:26

nuko rero nzoca n’uruvyaro rwa Yakobo, n’urwa Dawidi umusavyi wanje, ngo noye gutora mu ruvyaro rwiwe abo kuganza uruvyaro rwa Aburahamu na Isaka na Yakobo; kuko nzotuma bahindukira bakava mu kinyago, kandi nzobagirira imbabazi.

Yoweli 3:16

Maz’ Uhoraho azokwivugira i Siyoni, arangurure ijwi ar’ i Yerusalemu; ijuru n’isi bizotigita: arik’ Uhoraho azobera abantu biwe ubuhungiro, Abisirayeli ababere igihome co kubakingira.

Zekariya 10:12

Nzobaha gukomezwa nanje Uhoraho, na bo bazogendagendera mw izina ryanje, ni k’Uhoraho agize.

Zekariya 10:6

Kandi nzokomeza inzu ya Yuda, nkize n’inzu ya Yosefu; nzobagarukana, kuko mbagiriye ikigongwe; bazomera nk’aho ntigeze kubaca, kuko jewe nd’Uhoraho Imana yabo, kandi nzobumva.

Zekariya 12:4

Kur’ uwo musi, ni k’Uhoraho agize, nzogwisha igihūmura ifarasi yose, kand’ ūri kuri yo nzomutēza ibisazi. Nzosubiza amaso ku nzu ya Yuda, kand’ ifarasi yose y’amahanga nzoyitēza uruhumyi.

Zekariya 12:6

Kur’ uwo musi abatware b’Abayuda nzobahindura nk’urujo rurik’ umuriro rushirwa mu nkwi, canke nk’urumuri rwaka rushizwe mu mikama y’ingano; bazotōngōra amahanga yose abakikije i buryo n’i bumoso; kandi Yerusalemu hazokwongera kwubakwa aho hāhoze, ni ho i Yerusalemu nyene.

Zekariya 14:14

Kand’ Abayuda bar’ i Yerusalemu bazorwana, maz’ ubutunzi bg’amahanga yose ahakikije buzorundanirizwa hamwe, amazahabu n’amafeza n’imyambaro, vyinshi vy’ itīti.

Abacamanza 5:9

Umutima wanje wose uri ku barōngōra Abisirayeli, Ku bāhevye amagara yabo mu bantu: Ni muhimbaze Uhoraho!