Zekariya 12:4 - Bibliya Yera 1951 1967 (Burundi)

⁴ Kur’ uwo musi, ni k’Uhoraho agize, nzogwisha igihūmura ifarasi yose, kand’ ūri kuri yo nzomutēza ibisazi. Nzosubiza amaso ku nzu ya Yuda, kand’ ifarasi yose y’amahanga nzoyitēza uruhumyi.

Zekariya 12:4 ပူးပေါင်းရင်းမြစ်များ

1 Abami 8:29

kugira ng’ uhoze inyonga zawe kur’ iyi ngoro ku murango no mw ijoro, ni ho wavuze k’uzoshira izina ryawe, kugira ng’ uze wame wumva amasengesho yanje, jewe umusavyi wawe nzogusenga ntumbereye aha hantu.

2 Abami 6:14

Nukw aca arungikay’ amafarasi n’ imikogote n’ingabo nyinshi; bagenda mw ijoro, bashitse baziguza ico gisagara hirya no hino.

2 Abami 6:18

Za ngabo zimanutse iyo Elisa ari, asaba Uhoraho, ati Ndakwinginze, suka uruhuni mu maso y’aba bantu. Nukw abatamw’ uruhuni, nk’uko Elisa yasavye.

2 Ivyo ku Ngoma 6:20

kugira ng’ uhoze inyonga zawe kur’ iyi ngoro ku murango no mw ijoro, ni ho wavuze k’uzoshira izina ryawe, kugira ng’ uze wame wumva amasengesho yanje, jewe umusavyi wawe nzogusenga ntumbereye aha hantu.

2 Ivyo ku Ngoma 6:40

Nuko Mana yanje, ndakwinginze, tereza inyonga zawe urābe, tega amatwi wumve amasengesho asengerwa aha hantu.

2 Ivyo ku Ngoma 7:15

Uhereye ubu, nzokwama ntereza inyonga zanje ndābe, ntege amatwi yanje numve amasengesho asengerwa aha hantu.

Nehemiya 1:6

None tega ugutwi kwawe wumvirize, tereza n’inyonga zawe witegereze, kugira ngo wumve ugusenga kwanje, jewe umusavyi wawe nsengera imbere yawe mur’ iyi misi ku murango no mw ijoro, nkwingingira abasavyi bawe b’ Abisirayeli, nātura ivyaha twebge Abisirayeli twagucumuyeko; mbere twe n’inzu ya data twaracumuye.

Yesaya 24:21

Maze kur’ uwo musi Uhoraho azohana ingabo zo hejuru mw ijuru, n’abami bo hasi mw isi.

Yesaya 37:17

Tega ugutwi Uhoraho, wumve; tereza inyonga zawe, Uhoraho, witegereze; wumve amagambo yose ya Senakeribu yatumye ino kugutuka wewe Mana nzima.

Yeremiya 24:6

Kuko nzobashirakw ijisho kugira ngo mbagirire neza, kandi nzosubira kubagarukana mur’ iki gihugu: nzobubaka, sinzobasambura; nzobatēragira, sinzobarandura.

EZEKIYELI 38:4

nzogukimiranya, nshire igera mu mibangabanga yawe, ngukwegane n’ingabo zawe zose, n’amafarasi n’abayagenderako, bose bambaye ivyuma vyo kwīkīngiriza, ar’ igitero kinini citwaje inkinzo nto‐nto na nini‐nini, bose bafashe inkota:

EZEKIYELI 39:20

Muzohāgira ku meza yanje, muhāgijwe n’amafarasi aheka abantu n’ayakwega imikogote, n’abahizi, n’ingabo zose z’intambara, ni k’Umwami Uhoraho agize.

Daniyeli 9:18

Ewe Mana yanje, banga ugutwi kwawe wumve, ni wihwezeshe inyonga zawe witegereze ubugesera bgaduteye, n’umurwa witirirwa izina ryawe, kukw ivyo tugutakambiye, tutabigushize imbere twishingikirije ku bugororotsi bgacu, ariko ni kubg’ imbabazi zawe nyinshi.

Zekariya 10:5

Abo bazomera nk’abahizi mu rugamba, basiribangira abansi babo mu vyondo vyo mu nzira; bazorwana, kuk’ Uhoraho ari kumwe na bo: kand’ abagendera ku mafarasi bazomāramāra.

Zekariya 12:11

Kur’ uwo musi hazoba umuborogo ukomeye i Yerusalemu, nka ya maborogo yabaye i Hadadi‐rimoni mu kiyaya c’i Megidoni.

Zekariya 12:3

Uwo musi nzohindura Yerusalemu ibuye riremēra amahanga yose, abazoryikorera bose bazokomereka bibi; kand’ amahanga yose yo mw isi azokoranywa no kuharwanya.

Zekariya 12:5

Abatware b’ Abayuda bazokwibgira mu mitima, bat’ Ababa muri Yerusalemu ni bo nkomezi zacu, kuko bafise Uhoraho Nyen’ ingabo kw Imana yabo.

Zekariya 12:6

Kur’ uwo musi abatware b’Abayuda nzobahindura nk’urujo rurik’ umuriro rushirwa mu nkwi, canke nk’urumuri rwaka rushizwe mu mikama y’ingano; bazotōngōra amahanga yose abakikije i buryo n’i bumoso; kandi Yerusalemu hazokwongera kwubakwa aho hāhoze, ni ho i Yerusalemu nyene.

Zekariya 14:15

Kand’ ico cago nyene kizoba ku mafarasi no ku nyumbu no ku ngamiya no ku ndogoba no ku bindi bitungwa vyos bizoba aho bashagaje.

Zekariya 9:8

Ingoro yanje nzoyisagaza impande zose, ndayibuze igitero, kugira ngo ntihagire ūhaca aja irya cank’ agaruka, kugira ng’ uwabatwaza ituntu ntiyongere kubaca hagati: kuko noneho mvyiboneye n’amaso yanje.

Ivyakozwe 17:30

Nukw iyo misi y’ubutamenya, Imana yarayīrengagije, ariko noneho, igera kw abantu bose bari hose bihana,

Gusubira mu Vyagezwe 28:28

Uhoraho azobatērēra ibisazi n’ubuhumyi n’ubuyingiyingi;