Zekariya 12:1 - Bibliya Yera 1951 1967 (Burundi)

¹ Imbūri y’ijambo ry’Uhoraho yo ku Bisirayeli. Uku ni k’Uhoraho agize, uwāgānuye amajuru agashirah’ itanguriro ry’isi, akarema impwemu yo mu muntu,

Zekariya 12:1 ပူးပေါင်းရင်းမြစ်များ

Itanguriro 1:8

Maz’ iryo tāzānure Imana iryita Ijuru. Buragoroba, buraca: uwo n’umusi ugira kabiri.

Itanguriro 2:7

Uhoraho Imana abumba umuntu mu mukungugu wo hasi, amuhumekera mu mazuru impwemu y’ubugingo; umuntu aca aba ūfise ubugingo.

Yobu 26:7

Yagaranzuye i burārūko ihashinga ku kirēre, Isi iyenetsa ku busa.

Yobu 37:18

Mbega woshobora kwaganura ijuru ufatanije na yo, Kandi rikomeye nk’icirore cavugutiwe mu nkero?

Zaburi 104:2

Wifubika umuco nk’umwambaro; Ugaranzura ijuru nk’ihema.

Zaburi 134:3

Uhoraho aguhe umugisha uva i Siyoni; Ni we yaremye ijuru n’isi.

Umusiguzi 12:7

umukungugu ugasubira mw ivu aho wahoze, umushaha ugasubira ku Mana yawutanze.

Yesaya 40:12

Ni nde yigeze kugera amazi y’ikiyaga ku rushi, akageresha ijuru itambge ry’intoke, akaronka ingero yokwirwamw’ umukungugu wo kw isi, akagera imisozi ku munzane, n’uturambi ku ngero?

Yesaya 40:22

Iyo ni yo ivyagiye ahihese hejuru y’isi, ababa mw isi bameze nk’uduhori; ni yo igaranzura amajuru nk’impuzu y’agakangayenzi, ikayāgānura nk’ihema ryo kubamwo;

Yesaya 42:5

Uku ni kw Imana Uhoraho agize, uwaremye amajuru akayāgānura, uwagaranzuye isi n’ivy’ imera, uwahaye abantu bo muri yo guhumeka, kand’ abayigendako akabaha ubugingo:

Yesaya 44:24

Uku ni k’Uhoraho agize, Umucunguzi wawe, uwakubumvye uhereye ukiri mu nda, ati Ni jewe Uhoraho ndema vyose, nāguye ijuru nd’umwe, ngaranzura isi: har’ uwo twari kumwe?

Yesaya 45:12

Ni jewe naremye isi, kandi ndayiremerakw abantu; ni jewe nibambiye amajuru n’amaboko yanje, kand’ ingabo z’inyenyeri zose zo kuri yo ndazigaba.

Yesaya 45:18

Uku ni k’Uhoraho agize, uwaremye amajuru, ni we Mana; uwabumvye isi akayirema; yarayikomeje, ntiyayiremye ngw ibek’ ubusa gusa, ariko yayibumvye kugira ngw ibekw abantu: ati Ni jewe Uhoraho, kandi nta wundi.

Yesaya 48:13

Mber’ ukuboko kwanje ni kwo kwashizeh’ itanguriro ry’isi, n’ukuboko kwanje kw’i buryo ni kwo kwabamvye ijuru: iyo mbihamagaye bivira hasi rimwe.

Yesaya 51:13

ukibagira Uhoraho Umuremyi wawe, ari we yagaranzuye amajuru, agashirah’ amatanguriro y’isi; maz’ ukīriza umusi utinya uburake bg’ūhahaza, iyo yiteguye guhonnya: non’ uburake bg’ūhahaza buri hehe?

Yesaya 57:16

Kuko ntotongana ibihe vyose, kandi sinokwama ndatse: kukw imitima n’ubugingo naremye vyodendebukirirwa imbere yanje.

Yeremiya 10:12

Rurema ni yo yaremesheje isi ubushobozi bgayo, ikayihamangirisha ubgenge bgayo, ikagaranzuza ijuru ukumenya kwayo;

Yeremiya 30:10

None rero ntutinye, ewe Yakobo musavyi wanje, ni k’Uhoraho agize; nturanduke umutima, ewe Isirayeli: kuko rāba nzogukiza ngukūre kure, uruvyaro rwawe ndarukūre mu gihugu rwajanywemwo ar’ inyagano; Yakobo azogaruka, kand’ azoba amahoro ata nkomanzi, kandi nta wuzomutera ubgoba.

Yeremiya 30:16

Yamar’ abo bose bakurya na bo bazoribga; abarwanizi bawe bose, umuntu wese muri bo, bazojanwa ar’ inyagano; abākugize umunyagwa na bo bazonyagwa, abākunyaga bose nzobagira inyagano.

Yeremiya 38:16

Nuk’ umwami Zedekiya arahirira Yeremiya mu mpisho, ati Nk’uk’ Uhoraho ahoraho, ari we yandemeye uyu mutima, sinkwica, kandi singutanga mu maboko y’abo bantu barondera kukwica.

Yeremiya 50:34

Arik’ Umucunguzi wabo arakomeye: Uhoraho Nyen’ ingabo ni ryo zina ryiwe; azobītsa mu manza zabo, kugira ngw ahe isi kuruhuka, arikw atere ababa i Babuloni imitima ihagaze.

Yeremiya 51:15

Rurema ni yo yaremesheje isi ubushobozi bgayo, ikayihamangirisha ubgenge bgayo, ikagaranzuza ijuru ukumenya kwayo:

GUCURA INTIMBA 2:14

Ba kamenyi bawe bākurotoreye ivy’ ubusa n’ivy’ ubupfu; Kandi ntibāguseruriye ibigabitanyo vyawe, ngo ntuje mu kinyago: Ariko bākurotoreye imbūri z’ubusa, n’ibikuzanira gucibga.

EZEKIYELI 18:4

Eh’ abantu bose n’ abanje; nk’uk’ umwana ar’ uwanje, ni ko na se ar’ uwanje: umuntu akora icaha ni we azopfa.

Yoweli 3:19

Egiputa hazocika amatongo, na Edomu hazohinduka ubugaragwa bg’uruharabuga, bazize inabi bagiriye Abayuda, kuko mu bihugu vyabo bahavishirije amaraso y’abatācumuye.

Yoweli 3:21

Kandi nzohōra amaraso yabo ntaribgahōre: kuko jewe Uhoraho mpangamye i Siyoni.

Zekariya 9:1

Imbūri y’ijambo ry’Uhoraho yo ku gihugu c’i Haduraki, izoshinga ibande i Damasiko: kukw abantu bose, n’imiryango yose y’Abisirayeli, bahanze amaso Uhoraho;

Malaki 1:1

Imbūri y’ijambo ry’Uhoraho yo ku Bisirayeli, yatumwe Malaki.

Guharūra 16:22

Baca barapfukama barūnama, bati Mana, yewe Mana y’impwemu z’abari n’umubiri bose, umuntu umwe akoze icaha, mbega woca urakira ishengero ryose?

Abaheburayo 12:9

Kandi twari dufise ba data b’imibiri, bāradukāngīra, natwe tukabubaha: none ntituzorushiriza cane kugororokera Se w’impwemu tugahoraho?