Zekariya 11:7 - Bibliya Yera 1951 1967 (Burundi)

⁷ Nuko nca ndagira umukuku w’imbāgwa, mbere zar’ intama z’imyaku. Maze nābīra inkoni zibiri, imwe ndayita Buntu, iyindi ndayita Yungiro; nuko ndagira umukuku.

Zekariya 11:7 ပူးပေါင်းရင်းမြစ်များ

Zaburi 23:4

Mbere naho noca mu mwonga w’igitūtu c’urupfu Sinzogira ikibi ntinya; kuk’ uri kumwe nanje: Inyobozo yawe n’ubuhiri bgawe ni vyo bimpumuriza.

Zaburi 27:4

Ico nsaba Uhoraho ni kimwe, ni co nzohora nitwaririka: N’ukuba mu ngoro y’Uhoraho imisi yose y’ubugingo bganje, Nkarāba ubgiza bg’Uhoraho, nkihweza urusengero rwiwe.

Zaburi 90:17

Igikundiro c’Uhoraho, Imana yacu, kibe kuri twebge: Kand’ udushimangirire ibikorwa vy’intoke zacu; Mbere, ibikorwa vy’intoke zacu ubishimangire.

Yesaya 11:4

arikw azocira aboro imanza zibereye, kand’ azoshinga urw’ abaciye bugufi bo mw isi mu kuri: azokubitisha isi inkoni ivuye mu kanwa kiwe, kand’ abanyakibi azobīcisha impwemu ziva mu minwa yiwe.

Yesaya 40:11

Azoragira umukuku wiwe nk’umwungere, azoterura imyagazi mu maboko, ayitware mu gikiriza, kand’ izonsa azoziyobora buhoro‐buhoro.

Yesaya 61:1

Mpwemu w’Umwami Uhoraho ari kuri jewe, kuk’ Uhoraho yandobanuje amavuta ngo mbgire abaciye bugufi ubutumwa bgiza; yantumye gutubika imitima imenetse, no kumenyesha abarindwa ko barekuwe, n’imbohe ko zugururiwe;

Yeremiya 39:10

Ariko Nebuzaradani uwo mukuru w’abashibamyi, asiga mu gihugu c’i Buyuda abantu ba nyarucari batagira ico batunze, abaha imirima y’inzabibu n’amatongo ico gihe.

Abalewi 27:32

Kandi mu masho no mu mikuku, uko zigenda ziharūzwa inkoni, ikigiracumi co mur’ izo zose kize kibe icera canje, jewe Uhoraho.

Mika 7:14

Ragiza abantu bawe inyobozo yawe, ari bo mukuku wawe wīzīziye, bībēra ukwabo mu kibira co hagati kuri Karumeli: barishe i Bashani n’i Gileyadi, nko mu gihe ca kera.

Zefaniya 3:12

Ariko nzogusigamw’ abaciye bugufi na ba nyarucari, abo ni bo bazokwizigira izina ryanje jewe Uhoraho.

Zekariya 11:14

Maz’ inkoni yanje ya kabiri yitwa Yungiro nca ndayivunamwo kubiri, kugira ngo nice umuvukano w’Abayuda n’ Abisirayeli.

Zekariya 11:4

Uku ni k’Uhoraho Imana yanje agize, ati Ragira umukuku w’imbāgwa:

Matayo 11:5

Impumyi zirahumūka, abacumbagira bagenda neza, abanyamibembe barakizwa, ibipfamatwi birumva, abapfuye barazurwa, aboro barabgirwa ubutumwa bgiza.

Mariko 12:37

Dawidi kw ari we amwita Umwami, non’ ivyo kuba umwana wiwe vyavuye hehe? Abenshi mw ishengero banezererwa kumwumva.

Yohana 10:16

Kandi mfise n’izindi ntama zitar’ izo mur’ uru rugo, na zo nyene birankwiye kuzija imbere, zizokwumva ijwi ryanje, hazoba umukuku umwe n’umwungere umwe.

Yakobo 2:5

Ni mwumve, bene Data nkunda. Mbeg’ Imana ntiyatoranirije aboro b’ivy’ isi kuba abatunzi mu kwizera, no kuragwa ubgami yasezeraniye abayikunda?

1 Samweli 17:40

Araheza ahitana inkoni yiwe, ashitse ku kagezi, atoramw’ amabuye y’imburungu atanu, ayarokeza mw isaho yiwe y’ubgungere; kandi yar’ afise umugozi mu ntoke wo guteresha ibuye; nukw aja guhūra na wa Mufilisitiya.

1 Samweli 17:43

Wa Mufilisitiya abaza Dawidi, ati Mbeg’ ugira ngo nd’ imbga, k’uje kundwanya ufise inkoni? Araheza avuma Dawidi mu mazina y’imana ziwe.