Zekariya 11:2 - Bibliya Yera 1951 1967 (Burundi)

² Vuza induru, wa giti c’umuberoshi, kukw isederi ihenutse, kand’ ibiti vyiza‐vyiza bikaba vyononekaye. Ni muvuze induru, mwa biti vy’ imyeloni vy’i Bashani, kukw ikibira kitāmenwa gihindikiranye.

Zekariya 11:2 ပူးပေါင်းရင်းမြစ်များ

EZEKIYELI 20:46

riti Mwana w’umuntu, tungīra ijisho ryawe i bumanuko, utumey’ ijambo ryawe, ubūrire ikibira co mu kiyaya c’i bumanuko,

EZEKIYELI 27:6

Mu biti vy’imyeloni vy’i Bashani ni vyo bākubāziyemw’ ingafe; intebe zawe bāzibāje mu mbaho z’imiteyashuri zākūwe mu bizinga vyo mu kiyaga vyitwa i Kitimu, bazishazishije kuzidombagizak’ utubaru tw’amahembe y’inzovu.

EZEKIYELI 31:17

Na vyo bimanukana na co i kuzimu, bihamvya abāriritswe n’inkota; mbere ni bo bari bakibereye ububasha, bakāma bibera mu gitūtu caco hagati mu mahanga.

Amosi 6:1

Bazobona ibara, abīdibamiye i Siyoni, n’abībēra ku musozi Samariya ata co bīnona, ba rurangiranwa bo mw ihanga rirengeye ayandi, abo inzu ya Isirayeli yisunga!

Zekariya 11:1

Ugurura inzugi zawe, Lebanoni, umuriro uturire ibiti vyawe vy’amasederi.

Zekariya 11:3

Umve induru z’abungere, kukw icubahiro cabo catītūtse. Umve imigunza y’intambge yivuga, kuk’ ukuberwa kwa Yorodani kwononekaye.

Luka 23:31

Ko bagirira bartyo igiti kibisi, non’ icumye kizogirirwa gite?