Zekariya 10:6 - Bibliya Yera 1951 1967 (Burundi)

⁶ Kandi nzokomeza inzu ya Yuda, nkize n’inzu ya Yosefu; nzobagarukana, kuko mbagiriye ikigongwe; bazomera nk’aho ntigeze kubaca, kuko jewe nd’Uhoraho Imana yabo, kandi nzobumva.

Zekariya 10:6 ပူးပေါင်းရင်းမြစ်များ

Zaburi 89:21

Ikiganza canje kizokwama kibana na we, Ukuboko kwanje kuzomuha inkomezi.

Yesaya 11:12

Kand’ azoshingira amahanga ibendera, akoranirize hamwe abāri birukanywe bo mu Bisirayeli, akumakumire hamwe Abayuda bagiye isābagire, abakūye ku mfuruka zine z’isi.

Yesaya 14:1

Kuk’ Uhoraho azogirira akagongwe aba Yakobo, azosubira gutoranya Abisirayeli, abasubize mu gihugu cabo bgite: kand’ abanyamahanga bazokwifatanya na bo, bamatane n’inzu ya Yakobo.

Yesaya 41:10

ntutinye, kuko ndi kumwe nawe; ntukihebure, kuko nd’ Imana yawe: nzogukomeza, nzogutabara, mbere nzokuramira n’ukuboko kw’i buryo kw’ukugororoka kwanje.

Yesaya 54:4

Nta co utinya, kuk’ utazotētērwa; ntumāramāre, kukw isoni zitazokwica; kuk’ uzokwibagira isoni wagize mu buto bgawe, n’umugayo wo mu bupfakazi bgawe ntuzowibuka ukundi.

Yesaya 54:8

Uburake bgāraziririnze, nguhisha inyonga zanje akanya gato, ariko nzokugirira imbabazi z’urukundo rutazoshira, ni jewe Uhoraho Umucunguzi wawe mbivuze.

Yeremiya 23:6

Mu gihe ciwe Abayuda bazokizwa, Abisirayeli bibere amahoro: kand’ iri ni ryo zina azokwitwa, ng’ Uhoraho ni we kugororoka kwacu.

Yeremiya 3:18

Mur’ iyo misi ab’ inzu ya Yuda bazogendana n’ab’ inzu ya Isirayeli, bazanane bava mu gihugu c’i burārūko, baza mu gihugu nahaye ba sogokuruza banyu k’umwandu.

Yeremiya 30:18

Uku ni ko ndabivuze, jewe Uhoraho, nti Rāba nzotuma abo mu mahema ya Yakobo bahindukira, bave mu ngoyi zabo, ngirire ikigongwe amazu yabo; kand’ igisagara kizokwubakwa mu bitongozi vyaho, n’ ingoro isubire kumera nk’uko yahora.

Yeremiya 30:20

Abana babo bazomera nk’uko bār’ ubga mbere, kand’ ikoraniro ryabo rizokomezwa imbere yanje, nanje nzohana abābahahaza bose.

Yeremiya 31:1

Ico gihe, ni k’Uhoraho agize, nzoba Imana y’imiryango yose y’Abisirayeli, na bo bazoba abantu banje.

Yeremiya 31:20

Mbega Efurayimu n’umwana wanje nkunda koko? N’umwana ateye igomwe? Kuk’ uko ndamukankamiye nama ndamwibukana igishika; ni co gituma ndamuhagarikira umutima: sinzobura kumugirira ikigongwe, ni jewe Uhoraho mbivuze.

Yeremiya 31:31

Eh’ imisi igira ize, ni jewe Uhoraho mbivuze, aho nzosezerana isezerano risha n’umuryango wa Isirayeli n’umuryango wa Yuda:

EZEKIYELI 36:11

Nzobagwizakw abantu n’amatungo, bigwire birondoke: nzotuma musagazwako, mumere nk’ uko mwari mumeze ubga mbere; kandi nzobagirira neza kuruta uko nabagirira ubga mbere: maze muzomenya yuko jewe nd’ Uhoraho.

EZEKIYELI 36:37

Uku ni k’Umwami Uhoraho agize, at’ Ab’ inzu ya Isirayeli bazosubira kunsigūza ivyo, kugira ngo mbibakorere: nzobagwiriza abantu nk’umukuku.

EZEKIYELI 37:16

rit’ Ewe mwana w’ umuntu, abīra inkoni, uyandikeko, uti N’iya Yuda n’Abisirayeli bīherereje kuri we: wābīre n’iyindi nkoni, uyandikeko, uti N’iya Yosefu, inkoni ya Efurayimu, n’inzu yose y’Abisirayeli bīherereje kuri we:

EZEKIYELI 39:25

Nuko rero, uku ni k’Umwami Uhoraho agize, ati Noneho, ngira ngarukane aba Yakobo, mbakūre mu ngoyi zabo, ngirire imbabazi ab’ inzu ya Isirayeli bose, kandi mfuhire izina ryanje ryera.

Hoseya 1:11

Kand’ Abayuda n’Abisirayeli bazokoranira hamwe, bitoranirize segaba umwe, badūge bave mu gihugu; kuk’ uwo musi w’i Yezireli uzoba uhambaye.

Hoseya 1:7

Ariko nzogirira ikigongwe inzu ya Yuda, mbakize jewe Uhoraho Imana yabo; kandi sinzobakirisha umuheto, cank’ inkota, cank’ intambara, cank’ amafarasi, cank’ abayagenderako.

Hoseya 14:9

Ni nde azi ubgenge? N’atahure ivyo! Ni nde w’umuhanga? N’abimenye! Kukw inzira z’ Uhoraho ar’ iziroranye, kand’ abagororotsi ni bo bazozigendamwo; arikw abacumura bazozigwamwo.

Hoseya 2:23

Ni jewe nzomwibibira mu gihugu; kandi Ntambabazi nzomugirira imbabazi, mbarire Sabantubanje, nti Mur’ abantu banje; na bo bazovuga, bat’ Ur’ Imana yacu.

Obadiya 1:18

Kand’ ab’ inzu ya Yakobo bazoba umuriro, n’ab’ inzu ya Yosefu babe imbeya zawo, n’ab’ inzu ya Esau babe nk’ibishingwe, babaturire, babatongōre; nta wuzosigara mu b’ inzu ya Esau; kuk’ Uhoraho ari we abivuze.

Mika 4:13

Va hasi uhūre, ewe mukobga w’i Siyoni! Kukw ihembe ryawe nzorihindura icuma, n’inzāra zo ku binono vyawe nzozihindura imiringa; kand’ uzojonjanga amahanga menshi; iminyago wabanyaze uzoyigira inyegu y’Uhoraho, n’ibintu vyabo ubigire inyegu ya Nyen’ isi yose.

Mika 4:6

Kur’ uwo musi, ni k’Uhoraho agize, nzokoraniriza hamwe abacumbagira, nkumakume abasanzaye, n’abo nababaje;

Mika 5:3

Ni co gituma azobagabura mu bansi, gushitsa ah’ ūramutswe azovyarira: ni ho amasigarira yo mu bavukana na we azogaruka mu Bisirayeli.

Mika 5:8

Kand’ amasigarira ya Yakobo azoba mu mahanga no mu moko menshi nk’intambge iri mu bikōko vyo mu kibira, canke nk’umugunza wayo uri mu mikuku y’intama: iyo uziciyemwo, urazinyukanyuka, ukazitabagura, ata wo kuzikiza.

Mika 7:16

Amahanga azobibona amāramāre, nah’ ubushobozi bgayo bgari bginshi; bīfate ku munwa, amatwi yabo azibe.

Zekariya 1:16

Ni co gituma Uhoraho avuga, ati Ngarukiye Yerusalemu nzanye imbabazi; ingoro yanje izohubakwa, ni k’ Uhoraho Nyen’ ingabo agize: i Yerusalemu hazogereshwa umugozi.

Zekariya 10:12

Nzobaha gukomezwa nanje Uhoraho, na bo bazogendagendera mw izina ryanje, ni k’Uhoraho agize.

Zekariya 13:9

Kand’ ico gice ca gatatu nzobacisha mu muriro wo mu ruganda, mbakūremw’ inkamba nk’uko bazikūra mw ifeza, mbageragereshe kubavugutira, nk’uko bagerageza izahabu: bazokwambaza izina ryanje, nanje nzobumva; nzovuga, nt’ Abo n’abantu banje, na bo bazovuga, bat’ Uhoraho ni we Mana yanje.

Zekariya 8:11

Ariko noneh’ amasigarira y’ubu bgoko sinzoyagirira nk’uko nabagiriye mu bihe vyashize, ni k’Uhoraho Nyen’ ingabo agize.

Zekariya 9:16

Maz’ uwo musi Uhoraho Imana yabo azobakiza nk’umukuku, ni wo bantu biwe; kuko bazoba nk’utubuyenge two ku gitsibo, dukayanganira hejuru y’igihugu ciwe.