Zekariya 10:12 - Bibliya Yera 1951 1967 (Burundi)

¹² Nzobaha gukomezwa nanje Uhoraho, na bo bazogendagendera mw izina ryanje, ni k’Uhoraho agize.

Zekariya 10:12 ပူးပေါင်းရင်းမြစ်များ

Itanguriro 24:40

Aranyishura, at’ Uhoraho, nama ngendera imbere, azotuma umumarayika wiwe ajane nawe, azoha urugendo rwawe umugisha; maze nawe uz’ usabire umwana wanje umugeni muri bene wacu, mu b’ inzu ya data.

Itanguriro 5:24

Kandi Henoki yagendana n’Imana: araheza ntiyaba akiboneka, kukw Imana imujanye.

Yesaya 2:5

Yemwe ab’ inzu ya Yakobo, ni muze tugendere mu muco w’Uhoraho.

Yesaya 41:10

ntutinye, kuko ndi kumwe nawe; ntukihebure, kuko nd’ Imana yawe: nzogukomeza, nzogutabara, mbere nzokuramira n’ukuboko kw’i buryo kw’ukugororoka kwanje.

Yesaya 45:24

Uhoraho, muri we honyene ni ho har’ ukugororoka n’inkomezi, ni ko bazomvuga; kuri we ni ho abantu bazoza; kand’ abamurakiye bose bazotētērwa.

EZEKIYELI 30:24

Maz’ amaboko y’ umwami w’i Babuloni nzoyakomeza, inkota yanje ndayishire mu kuboko kwiwe; arikw amaboko ya Farawo nzoyavuna, kand’ azonihira imbere yiwe umuniho nk’uw’ ūkomeretse uruguma rw’intakira.

Mika 4:5

Kukw ayandi mahanga yose azogenda, ihanga ryose rigendere mw izina ry’imana yaryo, ariko tweho tuzogendera mw izina ry’Uhoraho Imana yacu gushitsa ibihe bitazoshira.

Zekariya 10:6

Kandi nzokomeza inzu ya Yuda, nkize n’inzu ya Yosefu; nzobagarukana, kuko mbagiriye ikigongwe; bazomera nk’aho ntigeze kubaca, kuko jewe nd’Uhoraho Imana yabo, kandi nzobumva.

Zekariya 12:5

Abatware b’ Abayuda bazokwibgira mu mitima, bat’ Ababa muri Yerusalemu ni bo nkomezi zacu, kuko bafise Uhoraho Nyen’ ingabo kw Imana yabo.

Abanyefeso 6:10

Ibisigaye, muremesherezwe mu Mwami wacu, no mu bushobozi bgiwe bginshi.

Filipi 4:13

Nshobozwa vyose n’ūmpa inkomezi.

Kolosayi 2:6

Nuko nk’uko mwākiriye Kristo Yesu Umwami wacu, abe ari ko mugendera muri we,

Kolosayi 3:17

Kand’ ivyo muzokora vyose, mu majambo no mu bikorwa, muhore mubikora vyose mw izina ry’Umwami Yesu, mushima Imana Data wa twese kubg’ uwo.

1 Tesalonike 2:12

kugira ngo mugende nk’uko bibereye ab’ Imana, ibahamagarira kuja mu bgami bgayo no mu bgiza bgayo.

1 Tesalonike 4:1

Nuko bene Data, ibisigaye, turabinginga tubahanūra mu Mwami Yesu, nk’uko mwize kuri twebge ingene mukwiye kugenda no kunezereza Imana (kandi ni ko mugenda), murushirize cane kugenza murtyo.

2 Timoteyo 2:1

Weho mwana wanje, ugirire ubushobozi mu buntu buri muri Kristo Yesu,