Zefaniya 2:7 - Bibliya Yera 1951 1967 (Burundi)

⁷ Kand’ ivyo biyaya bizoba ivy’ amasigarira y’inzu ya Yuda; ni ho bazoragira; bgije biryamire mu mazu yo muri Ashikeloni; kuk’ Uhoraho Imana yabo azobagendera, ngw agarukane abajanywe ar’ inyagano.

Zefaniya 2:7 ပူးပေါင်းရင်းမြစ်များ

Itanguriro 50:24

Yosefu abarira ab’i wabo, ati Ndi hafi gupfa; arikw Imana ntizobura kubagendera, ikabakūra mur’ iki gihugu, ikabajana mu gihugu yarahiye Aburahamu na Isaka na Yakobo kw izobaha.

Zaburi 80:14

Garuka turakwinginze, Mana Nyen’ ingabo: Runguruka uri mw ijuru, ubirābe, ugendere uwo muzabibu,

Zaburi 85:1

Uhoraho, wagiriye igihugu cawe imbabazi; Wagarukanye aba Yakobo bajanywe kw inyagano.

Kuvayo 4:31

Abantu baca baremera: maze bumvise yuk’ Uhoraho yagendeye Abisirayeli, akabona amarushwa barimwo, bunamika amaso, barasenga.

Yesaya 11:11

Kandi kur’ uwo musi Umwami Imana azotuma ukuboko ubugira kabiri, kugarukana amasigarira y’abantu biwe, abazoba bagisigaye, abakūre muri Ashuri no muri Egiputa n’i Patirosi n’i Kushi no muri Elamu n’i Shinari n’i Hamati no mu bizinga vyo mu kiyaga.

Yesaya 11:14

Bazohwikira Abafilisitiya b’i burengerazuba, babagwe ku gakanu, bazokwifatanya banyage ab’i burasirazuba; bazorāmvura ukuboko bacakire Abanyedomu n’Abanyamowabu; Abamoni bazobayoboka.

Yesaya 11:16

Kandi hazoba inzira y’iroro y’amasigarira y’abantu biwe, abazoba bagisigaye, iva muri Ashuri, nk’iyo Abisirayeli bābonye hamwe bādūga bava mu gihugu ca Egiputa.

Yesaya 14:1

Kuk’ Uhoraho azogirira akagongwe aba Yakobo, azosubira gutoranya Abisirayeli, abasubize mu gihugu cabo bgite: kand’ abanyamahanga bazokwifatanya na bo, bamatane n’inzu ya Yakobo.

Yesaya 32:14

kukw ingoro izohebga, umurwa bahora bayebanganako uzoba imisaka; umusozi n’umunara w’abateramyi bizohinduka amasenga gushitsa ibihe bidashira, bizoba aho guhimbara indogoba z’inyeshamba, hazoba ubgatsi bg’imikuku;

Yeremiya 23:3

Kandi nzokoraniriza hamwe amasigarira y’ umukuku wanje, ndazikūre mu bihugu vyose aho nazirukaniye, ndazigarukane ukundi gusha mu mpongore zazo; zizorondoka zigwire.

Yeremiya 29:10

Kuk’ ukw ari k’Uhoraho agize, at’ Imyaka mirongwirindwi ni yarangira mur’ i Babuloni, nzobagendera, mbashitsekw ijambo ryanje ryiza, mbagarukane aha hantu.

Yeremiya 29:14

Nanje nzobabonekera, ni jewe Uhoraho mbivuze, ntume muhindukira, muve mu kinyago, kandi nzobakoranya mbakūye mu mahanga yose n’ahantu hose aho nabirukaniye, ni jewe Uhoraho mbivuze; kandi nzobagarukana ahantu nabakūye igihe nabambukanisha.

Yeremiya 3:18

Mur’ iyo misi ab’ inzu ya Yuda bazogendana n’ab’ inzu ya Isirayeli, bazanane bava mu gihugu c’i burārūko, baza mu gihugu nahaye ba sogokuruza banyu k’umwandu.

Yeremiya 30:3

Kukw imisi izoza, ni jewe Uhoraho mbivuze, nzotuma abantu banje b’Abisirayeli n’Abayuda bahindukira, bave mu ngoyi zabo, ni jewe Uhoraho mbivuze; kandi nzotuma bagaruka mu gihugu nahaye ba sekuruza, baciganzire.

Yeremiya 31:7

Kuk’ ukw ari k’ Uhoraho agize, ati Muririmbane umunezero kubga Yakobo, musemerere kubg’ umukuru w’amahanga: mwamamaze mushima, mut’ Uhoraho, kiza abantu bawe, ni bo masigarira y’Abisirayeli.

Yeremiya 32:44

Abantu bazokwigurira amatongo amahera, bandike ivyete vy’uko baguze, babimatanishe ishashara bayidomemw’ ikimenyetso, bahamagare ivyabona; bizoba birtyo mu gihugu ca Benyamini, n’ahantu hahereranye n’i Yerusalemu, no mu bisagara vy’i Buyuda, no mu bisagara vyo mu mugamba waho, no mu bisagara vyo mu gihugu giciye bugufi, no mu bisagara vy’i bumanuko: kuko nzotuma bahindukira bave mu kinyago, ni jewe Uhoraho mbivuze.

Yeremiya 33:12

Kand’ uku ni ko mvuze, jewe Uhoraho Nyen’ ingabo, nt’ Aha hantu hakomvomvowe ata muntu agisigayeho cank’ igitungwa, no mu bisagara vyaho vyose ar’ uko, hazosubira kuboneka amarāro y’abungere bavyagiza imikuku yabo.

Yeremiya 33:7

Kandi nzotuma Abayuda n’Abisirayeli bahindukira bave mu kinyago, nzosubira mbubake nk’uko vyari bir’ ubga mbere.

Yeremiya 47:5

I Gaza hasigaye ar’ uruharabuga; Ashikeloni harakomvomvowe, bo n’amasigarira yo mu kiyaya caho: uzokwikebagura ushitse ryari?

EZEKIYELI 39:25

Nuko rero, uku ni k’Umwami Uhoraho agize, ati Noneho, ngira ngarukane aba Yakobo, mbakūre mu ngoyi zabo, ngirire imbabazi ab’ inzu ya Isirayeli bose, kandi mfuhire izina ryanje ryera.

Hoseya 6:11

Kandi nawe, Yuda, urindirijwe igihe c’iyimbura, igihe nzogarukana abantu banje bajanywe ar’ inyagano.

Obadiya 1:19

Kand’ ab’ i bumanuko bazokwegukira umusozi wa Esau; n’ababa mu kiyaya begukire i Bufilisitiya; bazokwegukira igihugu ca Efurayimu, n’igihugu c’i Samariya: kand’ i Gileyadi hazoba aha Benyamini.

Mika 2:12

Ewe Yakobo! Sinzobura gukoraniriza abawe bose hamwe, kandi sinzobura kwegeranya amasigarira y’Abisirayeli; nzobakumakumira hamwe nk’intama z’i Bosira; bazohūrīra nk’umukuku uri mwinshi mu canya cawo.

Mika 4:10

Ribga, unihe, ewe mukobga w’i Siyoni, nk’umugore aramutswe; kuk’ ugira ng’ uve mu gisagara, ube mu gahinga, mber’ uzoruha ushike n’i Babuloni: iyo ni ho uzorokorerwa; iyo ni ho Uhoraho azogucungurira, agukūre mu maboko y’abansi bawe.

Mika 4:7

kand’ abacumbagira nzobasigazaho babe amasigarira, n’abari baraciwe mbahindure ihanga rikomeye; maze jewe Uhoraho nzobaganza ndi ku murwa Siyoni, uhereye aho ugashitsa ibihe bidashira.

Zefaniya 2:9

Nuko rero, ndahiye ukubaho kwanje, ni k’Uhoraho Nyen’ ingabo agize, Imana y’Abisirayeli, n’ukuri Mowabu hazoba nk’i Sodomu, n’Abamoni nk’i Gomora, ah’ igisuru ciganziye, habe iyengo ry’imyunyu, hahinduke amatongo ibihe bidashira: amasigarira y’abantu banje azobatera abasahure, mber’ abarokotse bo mw ihanga ryanje bazobatwara.

Zefaniya 3:13

Amasigarira y’Abisirayeli ntibazokora ivyo kugabitanya, canke ngo bavuge ibinyoma, kandi nta rurimi rw’ubugunge ruzoboneka mu kanwa kabo: bazorisha bagaramange, ata wubateye ubgoba.

Zefaniya 3:20

Ico gihe nzobacūra i muhira, mber’ ico gihe nzobakoraniriza hamwe: kuko nzobahindura ishimwe n’izina rya rurangiranwa mu moko yose yo kw isi, igihe nzogarukana abanyu bajanywe ar’ inyagano muvyibonera, ni k’Uhoraho agize.

Hagayi 1:12

Maze Zerubabeli mwene Sheyalitiyeli, na Yosuwa umuherezi mukuru mwene Yehozadaki, hamwe n’amasigarira yose yo mur’ iryo hanga, bumvira ijwi ry’ Uhoraho Imana yabo, n’amajambo ya Hagayi uwo yavugisha, nk’uk’ Uhoraho Imana yabo yamutumye; kand’ abantu baterwa n’ubgoba imbere y’Uhoraho.

Hagayi 2:2

rit’ Enda barira Zerubabeli umwe atwara i Buyuda, mwene Sheyalitiyeli, na Yosuwa umuherezi mukuru, mwene Yehozadaki, n’amasigarira y’iri hanga,

Luka 1:68

at’ Umwami ashimwe, Imana y’Abisirayeli, Kukw igendeye abantu bayo, ikabacungura;

Luka 7:16

Bose baterwa n’ubgoba, bahimbaza Imana, bat’ Ūvugishwa n’Imana ahambaye aserutse muri twebge; kandi bat’ Imana igendeye abantu bayo.

Ivyakozwe 8:26

Maz’ umumarayika w’Umwami Imana abarira Filipo, ati Va hasi uje i bumanuko, ushike ku nzira imanuka iva i Yerusalemu ikaja i Gaza: imwe yo mu bugaragwa.

Ivyakozwe 8:40

Ariko Filipo abonekera muri Azoto, ahahita avuga ubutumwa bgiza mu bisagara vyose, kugeza aho yashikiye i Kayisariya.

Abaroma 11:5

Nuko ni ko biri no mur’ iki gihe, harih’ amasigarira nk’uko yatoranijwe n’ubuntu bg’Imana.

Rusi 1:6

Bukeye avana hasi n’abakazana biwe, kugira ngw ave mu gihugu c’i Mowabu asubire i wabo: kuko yari yumvise ari mu gihugu c’i Mowabu yuk’ Uhoraho yagendeye abantu biwe, akabaha ivyo kurya.