Yoweli 2:8 - Bibliya Yera 1951 1967 (Burundi)

⁸ Nta wuca ku wundi, umuntu wese aramiriza ah’atumbereye; bīroha mu macumu, nta kibahagarika.

Yoweli 2:8 ပူးပေါင်းရင်းမြစ်များ

2 Ivyo ku Ngoma 23:10

Nukw atondesha abantu bose kur’ iyo ngoro, uhereye ku ruhande rw’i buryo ugashitsa ku rw’i bumoso, bakīkūza igicaniro n’iyo ngoro ah’ umwami ari, impande zose, umuntu wese afise ibirwanishwa mu ntoke.

2 Ivyo ku Ngoma 32:5

Nuko Hezekiya agumya umutima, asanura uruzitiro aho rwari rwarasenyutse hose, arwubakakw iminara, yubaka n’urundi ruzitiro inyuma yarwo, akomeza n’i Milo mu gisagara ca Dawidi; arondeza ibirwanishwa n’inkinzo vyinshi cane.

Nehemiya 4:17

Nukw abubaka uruzitiro n’abikorezi n’ababakorera, umuntu wese yakoresha ukuboko kumwe, ukundi gufashe ikirwanishwa ciwe.

Nehemiya 4:23

Nuko nanje na bagenzi banje n’abantu banje n’abarinzi bāri kuri jewe, twese twama turāra twambaye, mbere n’ūgiye kuvoma wese yama agenda yitwaje ikirwanishwa ciwe.

Yobu 33:18

Umutima wiwe iwukiza rwa rwobo, N’ubugingo bgiwe ngo ntibgicwe n’inkota.

Yobu 36:12

Ariko ni batayumvira, bazotikizwa n’inkota, Bazopfa batāmenye ubgenge.

Imigani 30:27

Inzige ntizigira umwami, Yamara zigenda zose zīciye imice;

Indirimbo ya Salomo 4:13

Iminago yo kuri wewe n’umurima w’amakomamanga, wama ivyiza; Urimwo koferu n’uduti twa narada,

Yesaya 5:27

Muri bo nta wuzoruha canke ngw atsitare, nta wuzohunyiza canke ngw asinzire; n’umukanda bakenyeje ntuzokenyuruka, kandi n’utugozi tw’inkweto zabo ntituzocika;

Yoweli 2:7

Bīrasa nk’abahizi; būrira inzitiro z’amabuye nk’abagabo b’abarwanyi; umuntu wese aramiriza imbere yiwe, nta wizanguza.

Yoweli 2:9

Batera igisagara, bakarengera inzitiro z’ amabuye biruka, bakūrira amazu bakayītera imbere, bagaca mu madirisha nk’ibisuma.