Yoweli 2:18 - Bibliya Yera 1951 1967 (Burundi)

¹⁸ Maz’ Uhoraho agirira ishaka igihugu ciwe, agirira ikigongwe abantu biwe.

Yoweli 2:18 ပူးပေါင်းရင်းမြစ်များ

2 Abami 19:31

Kuko muri Yerusalemu hazosokoroka amasigarira, no ku musozi Siyoni have abārokotse: ishaka ry’Uhoraho rizoshitsa ivyo.

Zaburi 103:13

Nk’uko se w’abana abagirira akagongwe, Ni k’Uhoraho akagirira abamwubaha.

Zaburi 103:17

Arikw imbabazi Uhoraho agirira abamwubaha zahereye kera hose, zikazoshitsa ibihe vyose, Kand’ ukugororoka kwiwe kuzoshitsa no ku buzukururuza babo;

Yesaya 37:32

Kuko muri Yerusalemu hazosokoroka amasigarira, no ku musozi Siyoni have abārokotse: ishaka ry’Uhoraho Nyen’ ingabo rizoshitsa ivyo.

Yesaya 42:13

Uhoraho azoja gutera nk’umuhizi, arwanane ishaka nk’intōre mu ntambara: azobīrahira, mber’ azobīvuga n’ijwi rirenga; abansi biwe azobagirira ibikomeye.

Yesaya 60:10

Abanyamahanga bazokwubaka inzitiro zawe, n’abami babo bazogukorera; kuko nagukubise ndatse, ariko nkugiriye imbabazi ndagutunze.

Yesaya 63:15

Tereza inyonga hasi uri mw ijuru, witegereze ur’ i wawe, ah’ ukwera kwawe n’icubahiro cawe biri: rya shaka ryawe n’ibikorwa vyawe vy’ubushobozi biri hehe? Igishika n’imbabazi umfitiye ko bibujijwe kunshikīra!

Yesaya 63:9

Yababaranye na bo mu mibabaro yabo yose, kand’ umumarayika yama ahagaze mu nyonga ziwe yarabakiza: urukundo rwiwe n’ikigongwe ciwe ni vyo vyamuteye kubacungura; yarabaterura akabaheka imisi yose ya kera.

Yeremiya 31:20

Mbega Efurayimu n’umwana wanje nkunda koko? N’umwana ateye igomwe? Kuk’ uko ndamukankamiye nama ndamwibukana igishika; ni co gituma ndamuhagarikira umutima: sinzobura kumugirira ikigongwe, ni jewe Uhoraho mbivuze.

GUCURA INTIMBA 3:22

N’ukw imbabazi z’Uhoraho ari zo zatumye tudaherengetezwa, kukw ikigongwe ciwe kidahera:

Zekariya 1:14

Nuk’ umumarayika twavugana arambarira, ati Semerera uvuge, ut’ Uku ni k’Uhoraho Nyen’ ingabo agize, ati Mfūhiye i Yerusalemu n’i Siyoni ifūhe ryinshi.

Zekariya 8:2

rit’ Uku ni k’Uhoraho Nyen’ ingabo agize, ati Mfūhiye i Siyoni ifūhe ryinshi, mpafūhiye mfise uburake bginshi.

Luka 15:20

Ava hasi, aja kwa se. Se amubona akiri kure, amutera akagongwe, arirukanga, amugwa mw izosi, aramugumbira.

Gusubira mu Vyagezwe 32:16

Bayiteye kugira ifūhe kubgo gusaba imana z’inyamahanga, Bayirakishije ibizira bakoze;

Gusubira mu Vyagezwe 32:36

Kuk’ Uhoraho azocira urubanza abantu biwe, Azokwirīmbūra ku vyo agirira abashumba biwe, Ni yabona yuk’ ubushobozi bgabo buheze, Ata wugisigaye, n’iyo yoba imbohe cank’ uwidegemvya.

Gusubira mu Vyagezwe 32:43

Yemwe banyamahanga, ni munezeranwe n’abantu bayo, Kukw abāvishije amaraso y’ abasavyi bayo izoyabahōra, Kand’ izokwihōra abarwanizi bayo, Itangire impongano igihugu c’abantu bayo.

Yakobo 5:11

Eh’ abihanganye tubita abahirwe: mwarumvise ukwihangana kwa Yobu, mwabonye ivy’ Umwami Imana yaherutse kumugirira, ingene yuzuye imbabazi no kugira ikigongwe.

Abacamanza 10:16

Baraheza bakūraho izo mana z’inyamahanga, basubira gusaba Uhoraho, na we aca agira ikigumbagumba mu mutima kubgo kubona imibabaro y’Abisirayeli.