Yoweli 1:20 - Bibliya Yera 1951 1967 (Burundi)

²⁰ Mbere n’ibikōko vyo mw ishamba bihuzagirika ari wewe bitumbereye: kukw imigezi yakamye, kand’ umuriro waturiye ubgatsi bgo mu bgeranyange.

Yoweli 1:20 ပူးပေါင်းရင်းမြစ်များ

1 Abami 17:7

Igihe kiragera uwo mugezi urakama, kukw ata mvura yagwa mur’ ico gihugu.

1 Abami 18:5

Maze Ahabu abarira Obadiya, ati Genda ugendure igihugu cose, ahantu hose har’ amariba y’amazi, no ku myonga yose; kumbure twobonay’ uturemba two gukiza amafarasi n’ inyumbu, kugira ngo binanage, ntitubure vyose.

Yobu 38:41

Ni nde aronderera igikōna ivyo kurya, Igihe ivyana vyaco bitakambira Imana, Biyererezwa no kubura ico birya?

Zaburi 104:21

Imigunza y’intambge iroherana igomba ico yofata; Ku Mana ni ho ironderera ivyo kurya vyayo.

Zaburi 145:15

Vyose biguhanga amaso, Nawe ukabigaburira ivyo kurya vyavyo igihe kigeze.

Zaburi 147:9

Igaburira ibitungano ivyo kurya vyavyo, N’ivyana vy’ibikōna vyayagura.

Yeremiya 14:4

Kubg’ isi yāse imigāga, kukw ata mvura igikoroka mu gihugu, abarimyi baramāramāra, bitwikira mu mutwe.

Yeremiya 28:8

Abavugishwa n’Imana ba kera bānyitangiye imbere bakakwitangira imbere nawe, bāvugishijwe ivy’ intambara n’ivy’ ivyago n’ivy’ ikīza bizotera ibihugu vyinshi n’ibihugu vy’ abami bahambaye.

Yoweli 1:18

Ewe kuntu amatungo yābagirana! Amasho y’inka aragangaraye, kukw ahebuye ubgatsi; mbere n’imikuku y’intama iragowe.