Yoweli 1:12 - Bibliya Yera 1951 1967 (Burundi)

¹² Umuzabibu urakabiranye, umusukoni urahondobereye; umukomamanga bo n’ikigazi n’umucungwa, mbere n’ibiti vyose vyo mu ndimiro birakabiranye: kuk’ umunezero uherengeteye mu bantu.

Yoweli 1:12 ပူးပေါင်းရင်းမြစ်များ

Zaburi 4:7

Ushize akanyamuneza mu mutima wanje, Karuta ako bagira mu gahimbo k’amahonda na vino vyabo.

Zaburi 92:12

Umugororotsi azototahara nk’ ikigazi, Azoshirwa hejuru nk’igiti c’ isederi c’i Lebanoni.

Indirimbo ya Salomo 2:3

Nk’igiti c’icungwa mu bindi biti vyo mw ishamba Ni k’umukunzi wanje ameze mu bandi basore. Mpimbarwa no kwicara mu gitūtu ciwe, Amacungwa yiwe aransosera.

Indirimbo ya Salomo 4:13

Iminago yo kuri wewe n’umurima w’amakomamanga, wama ivyiza; Urimwo koferu n’uduti twa narada,

Yesaya 16:10

Akanyamuneza n’ibihimbaro bīkūwe mw itongo rimera cane; nta kuririmba kuzoba mu ruzabibu, cank’ ijwi ry’umunezero; nta mukānyi azokānyira vino mu bgato: akayego k’abakānyi ndakajibije.

Yesaya 24:11

Baririra mu nzira kuko babuze vino; ahār’ umunezero burīje mazingi, ibinezereza vyo mu gihugu biragiye.

Yesaya 24:7

Umutobe wa vino uriganyira, uruzabibu rurahondobereye, ab’ umutima w’umunezero bose bazokwitsa umutima.

Yesaya 9:3

Wagwije ihanga, wabongeye umunezero, banezererwa imbere yawe, nk’umunezero wo mw iyimbura, nk’uw’ abantu banezerwa bagabanganye iminyago.

Yeremiya 48:3

Ijwi ry’amaborogo rituruka i Horonayimu: har’ ukunyaga n’ ugutikiza gukomeye.

Yeremiya 48:33

Umunezero n’uguhimbarwa bikūweho, bikūwe mu ndimiro imera no mu gihugu c’i Mowabu; natumye vino ibura mu mato akanyirwamwo: nta wuzoganisha ibirenge n’akāmo k’umunezero: akāmo kazobaho kazoba ar’ ak’ intambara, ntikazoba ar’ ak’ umunezero.

Yoweli 1:10

Imirima irononekaye, n’igihugu kiraganya; kukw amasaka yononekaye, na vino z’umubira zikamye akagīrīre, kand’ amavuta ya elayo na yo aherengeteye.

Yoweli 1:16

Mbeg’ ivyo kurya ntivyavumbuwe twirorērera? Mbere n’umunezero n’ibihimbaro ntivyakūwe mu ngoro y’Imana yacu?

Yona 4:7

Arikw Imana igera igikogoshi ngo kirye ico kibonobono; buca cākabiranye.

Hagayi 2:19

Mbega har’ imbuto zikiri mu bigega? Mbere n’umuzabibu n’umusukoni n’umukomamanga n’umwelayo ntibikiruha vyama; arik’ uhereye iri zuba nzobaha umugisha.

Malaki 3:11

Nzokankamira ururyi kubganyu, ntirwonone imirima yo mu ndimiro zanyu; kandi n’umuzabibu wo mu ndimiro zanyu ntuzorūmba, ni k’Uhoraho Nyen’ ingabo agize.

Guharūra 13:23

Bashika mu gihogoro citwa Eshikoli, bahaca ishami ririk’ umusoko umwe w’ inzabibu, bawutwara ku munzeganzega ari babiri; bazana no ku makomamanga yaho no ku nsukoni.