Yoweli 1:10 - Bibliya Yera 1951 1967 (Burundi)

¹⁰ Imirima irononekaye, n’igihugu kiraganya; kukw amasaka yononekaye, na vino z’umubira zikamye akagīrīre, kand’ amavuta ya elayo na yo aherengeteye.

Yoweli 1:10 ပူးပေါင်းရင်းမြစ်များ

Itanguriro 4:12

Kuva ubu ni warima isi ntizogira ico ikumerera; uzogenda urāraguza, ur’ inyererezi mw isi.

Yesaya 15:6

Kukw amazi y’i Nimurimu azokama, ubgatsi bgaho buzokwuma, ubgatsi butotahaye bubure, ntihazomera ikintu na kimwe kibisi.

Yesaya 24:11

Baririra mu nzira kuko babuze vino; ahār’ umunezero burīje mazingi, ibinezereza vyo mu gihugu biragiye.

Yesaya 24:7

Umutobe wa vino uriganyira, uruzabibu rurahondobereye, ab’ umutima w’umunezero bose bazokwitsa umutima.

Yeremiya 12:11

Bāhagize amatongo; haramborogera, kuko habaye ibitongozi; igihugu cose n’amatongo, kukw ata wigeze kubishirak’ umutima.

Yeremiya 12:4

Igihugu kizogeza ryari kuboroga, n’ivyatsi vyo mu ntāra yose gukabirana? Kubg’ ibibi vy’abakibamwo ibikōko n’inyoni bikimazwemwo: kuko bavuga, bat’ Ivy’ iherezo ryacu nta ho azobibona.

Yeremiya 48:33

Umunezero n’uguhimbarwa bikūweho, bikūwe mu ndimiro imera no mu gihugu c’i Mowabu; natumye vino ibura mu mato akanyirwamwo: nta wuzoganisha ibirenge n’akāmo k’umunezero: akāmo kazobaho kazoba ar’ ak’ intambara, ntikazoba ar’ ak’ umunezero.

Hoseya 4:3

Ni co gituma igihugu kirira, abakibamwo bagahondobera, bo n’ibikōko vyo mw ishamba n’ibisīga vyo mu kirēre; mbere n’amafi yo mu kiyaga na yo agakamangana.

Hoseya 9:2

Ivyuzuye ku mbuga no mu māto ntibizobatunga, kandi vino y’umubira izobashirako.

Yoweli 1:12

Umuzabibu urakabiranye, umusukoni urahondobereye; umukomamanga bo n’ikigazi n’umucungwa, mbere n’ibiti vyose vyo mu ndimiro birakabiranye: kuk’ umunezero uherengeteye mu bantu.

Yoweli 1:5

Ni mwikangure, yemwe mborerwa, murire; namwe abakāmīra vino, muboroge, muririre vino ziryoshe, kuko zikūwe mu kanwa kanyu.

Yoweli 2:19

Uhoraho yishura abantu biwe, at’ Ehe ngira mbarungikire amasaka na vino n’amavuta ya elayo, maze muzota akabi: kandi sinzosubira kubahindura agatukisha mu mahanga.

Abalewi 26:20

Amaboko yanyu azopfa ubusa, n’igihugu canyu ntikizoruha cera, kandi n’ibiti vyo muri co ngo bigire ico vyama.

Habakuki 3:17

Nah’ umusukoni utoshurika, Canke n’imizabibu ngw igire ico yama, N’icimburo c’imyelayo kikabura, N’imirima ntiyere indya na mba, N’umukuku ugahenebera mu ruhongore, Ntihabe hakigira n’inka mu rugo:

Hagayi 1:11

Kandi nahamagaye uruzuba ngo rwice isi n’imisozi, rukūreho n’impeke na vino, n’amavuta ya elayo, rwice n’ibimera mu ndimiro, n’abantu, n’amasho, n’ibikorwa vyose bikoreshwa amaboko.

Malaki 2:3

Rāba nzovuma imbuto zanyu, ari mwebge mubinteye, kandi nzobasīga mu maso amayezi y’ibimazi vyanyu; muzoyoranwa na yo.