Yohana 7:18 - Bibliya Yera 1951 1967 (Burundi)

¹⁸ Ūvuga ivyo yigeneye aba yironderera icubahiro; arik’ ūrondera icubahiro c’uwamutumye, ni we w’ukuri, kandi nta kugabitanya kuba kuri muri we.

Bibiliya mu Kirundi coroshe

¹⁸ Uwuvuga amajambo yiwe ubwiwe, aba arondera icubahiro ciwe, ariko uwurondera icubahiro c’uwamutumye avuga ukuri, nta binyoma biri muri we.

Yohana 7:18 ပူးပေါင်းရင်းမြစ်များ

Imigani 25:27

Si vyiza kurya ubūki bginshi cane: Kandi kwironderera icubahiro s’icubahiro.

Guharūra 11:29

Mose aramubaza, ati Ni jewe ufitiye ishaka? Icompa abantu bose b’Uhoraho bakaba abavugishwa na we, Uhoraho akabashirakw impwemu yiwe!

Matayo 6:9

Nuko musenge murtya, muti Data wa twese wo mw ijuru, izina ryawe ryubahwe,

Yohana 11:4

Yesu avyumvise aravuga, at’ Iyo ndwara s’iyo kumwica, ariko n’iyo gushimagirisha Imana, kugira ngo n’Umwana w’Imana imushimagirishe.

Yohana 12:28

Data, shimagiza izina ryawe. Maz’ ijwi riva mw ijuru, riti Ndarishimagije, kandi nzokwongera kurishimagiza.

Yohana 12:43

kuko bākunda icubahiro c’abantu kukirutisha icubahiro c’Imana.

Yohana 5:41

Singomba gushimwa n’abantu,

Yohana 8:54

Yesu arabishura, ati Ni naba niha icubahiro, icubahiro canje kizoba ar’ ic’ ubusa: ūmpa icubahiro ni Data, uwo muvuga ngo n’Imana yanyu,

1 Tesalonike 2:6

Kandi ntitwarondera icubahiro co ku bantu, ari kuri mwebge canke ku bandi: naho tuba twarashoboye kubaremēra, kuko tur’ intumwa za Kristo.

1 Petero 4:11

Umuntu iy’ avuze, avuge nk’ūbivugishijwe n’Imana: umuntu iy’ agabuye, agabure nk’ūfise ubushobozi Imana itanga; kugira ngw Imana iterwe icubahiro muri vyose, kubga Yesu Kristo, afise icubahiro n’ububasha ibihe bitazoshira. Amen.

1 Yohana 2:29

Ko muzi yuk’ uwo ar’ umugororotsi, murazi yuk’ ūkora ivy’ ukugororoka wese yavyawe na we.