Yohana 3:8 - Bibliya Yera 1951 1967 (Burundi)

⁸ Umuyaga uhuhuta ah’ ugomba, nawe ukumva igihuhuta cawo, ariko ntumenye ah’ uva, n’ah’ uja; uko ni kw amera, ūvyawe na Mpwemu wese.

Bibiliya mu Kirundi coroshe

⁸ Umuyaga uhuhutira aho ushaka, wewe ukumva uhuhuta gusa, ariko ntushobora kumenya iyo uzanana canke iyo uja. Uko ni ko bimera no ku wuvyawe na Mpwemu.”

Yohana 3:8 ပူးပေါင်းရင်းမြစ်များ

Zaburi 107:25

Kukw avuga ijambo, akavyura inkūbi y’umuyaga, Ishira hejuru imipfunda yaho.

Zaburi 107:29

Inkūbi y’umuyaga ayihindura agahwekere, Bituma imipfunda yaho itekereza.

Zaburi 135:7

Arandisha ibipfungu bikava ku mpera y’isi; Imvura ayiremera imiravyo; Asokorora umuyaga mu bushinguro bgiwe.

Umusiguzi 1:6

Umuyaga ushira i bumanuko, ugahindura ushira i burārūko; uhindagura akanya kose mu rugendo rwawo, maz’ ugasubira mu gushira irya n’ino kwawo.

EZEKIYELI 37:9

Maz’ arambarira, ati Vugira ku muyaga, vuga, mwana w’umuntu, ubarire umuyaga, ut’ Uku ni k’Umwami Uhoraho agize, ati Ngwino muve ku miyaga ine, mwa mpwemu, muhumekere kur’ abo bishwe, babe bazima.

Yohana 1:13

ni bo batāvyawe n’amaraso, canke n’ukwifuza kw’ umubiri, canke n’ukwifuza kw’ umugabo, ariko bāvyawe n’Imana.

Yohana 3:7

Ntutangazwe n’uko nkubgiye, nti Murakwiye kuvyarwa ubga kabiri.

Yohana 3:9

Nikodemo aramubaza, at’ Ivyo bishoboka bite?

Ivyakozwe 2:2

haza igihinda kivuye mw ijuru giturumbuka, nk’uguhuhuta kw’umuyaga w’inkomezi, gikwira hose mu nzu bicayemwo.

Ivyakozwe 4:31

Bahejeje gusenga, aho bakoraniye haratigita, bose buzuzwa Mpwemu Yera, bavuga ijambo ry’Imana bashize amanga.

1 Korinto 12:11

arikw ivyo vyose uwo Mpwemu umwe ni we abikorera muri bo, agabira umuntu wese ukw agomba.

1 Korinto 2:11

Ni nde mu bantu azi ibiri mu muntu, atar’ impwemu yiwe, iri muri we? Ni ko n’ivy’ Imana biri, nta wubizi, atari Mpwemu w’Imana.

1 Yohana 2:29

Ko muzi yuk’ uwo ar’ umugororotsi, murazi yuk’ ūkora ivy’ ukugororoka wese yavyawe na we.