Yohana 3:6 - Bibliya Yera 1951 1967 (Burundi)

⁶ Ikivyawe n’umubiri na co n’umubiri; ikivyawe na Mpwemu na co n’impwemu.

Bibiliya mu Kirundi coroshe

⁶ Umubiri uvyara umubiri, ariko Mpwemu avyara impwemu.

Yohana 3:6 ပူးပေါင်းရင်းမြစ်များ

Itanguriro 5:3

Nuko Adamu amaze imyaka ijana na mirongwitatu avyara umuhungu afise ishusho yiwe, asa na we, amwita Seti.

Itanguriro 6:12

Imana yitegereza isi, ibona ko yononekaye, kukw abari n’umubiri bose bo mw isi bāri bononye ingeso zabo.

Itanguriro 6:5

Nuk’ Uhoraho abona ibibi vy’abantu ingen’ ari vyinshi mw isi, kandi kw ivyiyumviro vy’imitima yabo vyamogoreye gukora ibibi gusa na ntaryo.

Yobu 14:4

Ni nde yoshobora gukūra ikintu gitunganye mu canduye? Erega nta wuriho n’umwe.

Yobu 25:4

None rer’ umuntu yoshobora ate kuba umugororotsi imbere y’Imana? Cank’ uwavyawe n’umugore yoshobora ate kuba ūtunganye?

Zaburi 51:10

Mana, undememw’ umutima utunganye: Unsubizemw’ umutima uhamye.

Yohana 1:13

ni bo batāvyawe n’amaraso, canke n’ukwifuza kw’ umubiri, canke n’ukwifuza kw’ umugabo, ariko bāvyawe n’Imana.

Yohana 3:7

Ntutangazwe n’uko nkubgiye, nti Murakwiye kuvyarwa ubga kabiri.

Abaroma 7:18

Ndazi yuko muri jewe, mu kameremere kanje, ata ciza kimbamwo: kuko kugomba gukora iciza kubana nanje, ariko kugikora nta kwo.

Abaroma 7:25

Imana ishimwe, kubga Yesu Kristo Umwami wacu. Nuko jewe mu mutima wanje njakariye ivyagezwe n’Imana, ariko mu kameremere njakariye ikingera c’icaha.

Abaroma 7:5

Tukiganzwa n’akameremere kacu, ukwifuza kw’ivyaha kw’uburyo bginshi kwazanywe n’ivyagezwe kwakorera mu mibiri yacu, kugira ngo twamire urupfu imbuto.

Abaroma 8:13

Kuko namba mwitondera ivy’ akameremere kanyu, ntimuzobura gupfa: ariko ni mwica ivy’ umubiri ukora, muvyicisha impwemu, muzobaho.

1 Korinto 6:17

Arik’ uwimatanije n’Umwami wacu aba abaye impwemu imwe na we.

2 Korinto 5:17

Nuko rer’ umuntu wese iy’ ari muri Kristo, aba ar’ icaremwe gisha: ivya kera biba bihise, vyose biba bicitse bisha.

Galatiya 5:24

Kand’ aba Kristo Yesu bābambanye akameremere kabo n’ivyo gahahamiye n’ivyo kifuza.

Abanyefeso 2:3

Kandi natwe twese twahora muri bo kera mu kwifuza kw’ imibiri yacu, tugakora ivy’ imibiri n’imitima vyacu bigomba, kandi mu kameremere kacu twar’ abo kurakirwa, nk’abandi bose.

Kolosayi 2:11

Kandi muri we mwākebge ugukebga kutar’ ukw’ intoke, hamwe mwiyambura akameremere k’umubiri, ni kwo gukebga kwo muri Kristo;

1 Yohana 3:9

Umuntu wese yavyawe n’Imana ntakora ivyaha, kukw imbuto yayo iguma muri we; kandi ntashobora gukora ivyaha, kuko yavyawe n’Imana.