Yohana 11:10 - Bibliya Yera 1951 1967 (Burundi)

¹⁰ Arik’ ūgenda mw ijoro aratsitara, kuk’ umuco utari muri we.

Bibiliya mu Kirundi coroshe

¹⁰ Ariko iyo umuntu agenda mw’ijoro arashobora gutsitara kuko ata muco uba uhari.”

Yohana 11:10 ပူးပေါင်းရင်းမြစ်များ

Zaburi 27:2

Hamwe inkozi z’ibibi zari zinziye ngo zirye inyama zanje, Ni bo barwanizi banje n’ababisha banje, bāratsitaye, baratemba.

Umusiguzi 2:14

Umunyabgenge amaso yiwe aba mu mutwe, arikw igipfu co kigendera mu mwiza: yamara nabonye yukw iherezo rya bompi ari rimwe.

Yeremiya 13:16

Muheshe Uhoraho Imana yanyu icubahiro, atarazana umwiza, ibirenge vyanyu bitaratsitarira ku misozi icuze umwiza; namwe muciteze umuco akawuhindura igitūtu c’urupfu, akawugira umwiza w’umuzitanya.

Yeremiya 20:11

Ariko noneh’ Uhoraho ari kumwe nanje nk’umunyenkomezi n’uw’ igitinyiro; ni co kizotuma abampama batsitara, ntibaneshe: bazorimarima rwose kuko batākoze ivy’ ubgenge, bagire ibitētērwa bitazobavako, bitazoruha vyibagirana.

Matayo 13:21

ariko ntagira imizi muri we, ahagarara umwanya muto; iyo yadutsweko n’amarushwa bo n’akadenderezo azira iryo jambo, bica bimutsitaza.

Yohana 11:11

Amaze kuvuga ivyo, arababgira, ati Lazaro, umukunzi wacu, arasinziriye, nanje ndagiye kumukangura.

Yohana 11:9

Yesu arabishura, ati Non’ isaha z’umurango s’icumi na zibiri? Ūgenda ku murango ntatsitara, kukw abona umuco w’iyi si.