Yohana 10:4 - Bibliya Yera 1951 1967 (Burundi)

⁴ Kand’ iy’ amaze guturutsa iziwe zose, azija imbere, zikamukurikira kuko zizi ijwi ryiwe.

Bibiliya mu Kirundi coroshe

⁴ Amaze kuzisohora zose, azija imbere, na zo zikamukurikira kuko zizi ijwi ryiwe.

Yohana 10:4 ပူးပေါင်းရင်းမြစ်များ

Indirimbo ya Salomo 2:8

Ijwi ry’umukunzi wanje! Eh’ araje, Yikina amatavu ku misozi, Akinagira ku turambi.

Indirimbo ya Salomo 5:2

Nari nsinziriye, arik’ umutima wanje uri maso: Numva ijwi ry’umukunzi wanje aramutsa, Ati Nyugururira, mushikanje, mukunzi wanje, inanuma wanje, mwiza wanje utagira agasembga; Kuk’ umutwe wanje utonzweko n’urume, N’umushatsi wanje utonzweko n’udutonyanga tw’ ijoro.

Matayo 16:24

Buno Yesu abgira abigishwa biwe, at’ Umuntu ni yagomba kunkurikira, ni yiyanke, yikorere umusaraba wiwe, ankurikire.

Yohana 10:16

Kandi mfise n’izindi ntama zitar’ izo mur’ uru rugo, na zo nyene birankwiye kuzija imbere, zizokwumva ijwi ryanje, hazoba umukuku umwe n’umwungere umwe.

Yohana 10:27

Abābaye intama zanje bumva ijwi ryanje, nanje ndabazi, na bo barankurikira,

Yohana 10:3

Umuteramyi w’irembo aramwugururira, kand’ intama zumva ijwi ryiwe; ahamagara iziwe ntama mu mazina yazo, akaziturutsa.

Yohana 10:5

Arik’ uwo zitazi ntizomukurikira na mba, zomuhunga, kuko zitazi amajwi y’abandi.

Yohana 10:8

Abanyītangiye imbere bose bār’ ibisuma n’abambuzi, arikw intama ntizabumviye.

Yohana 12:26

Ni hagira ūnkorera, n’ankurikire, kand’ aho nzoba ndi, umukozi wanje ni ho azoba: ni hagira ūnkorera, Data azomuha icubahiro.

Yohana 13:15

Kuko mbahaye akarorero, kugira ngo nk’uko jewe mbagiriye, abe ari ko namwe mugira.

Yohana 18:37

Nuko Pilato aramubaza, at’ Ubgo wewe ur’ umwami? Yesu ati Ni wewe uvyivugiye ko nd’ umwami. Iki ni co navukiye, kand’ iki ni co canzanye mw isi, n’ukugira ngo nshingire intahe ukuri. Uw’ ukuri wese yumva ijwi ryanje.

Yohana 3:29

Ūhawe umugeni ni we mukwe, arik’ umugenzi w’uno mukwe amuhagaraye i ruhande amwumva, anezerwa cane n’ijwi ry’umukwe; nukw ako kanyamuneza kanje karashitse.

1 Korinto 11:1

Munyigāne, nk’uko nanje nīgāna Kristo.

Abanyefeso 5:1

Nuko mwīgāne Imana, nk’abana ikunda.

Gusubira mu Vyagezwe 1:30

Nt’ Uhoraho Imana yanyu, umwe ahora abaja imbere, ni we azobarwanira, nk’uko mwabonye ivyo yabakoreye vyose muri Egiputa,

Abaheburayo 12:2

dutumbereye Yesu wenyene, ni we nyanduruko yo kwizera kandi ni we yagusozereye; uwo, kubg’ umunezero yashizwe imbere, yihanganiye umusaraba, ntiyagira ikindi isoni zawo, avyagira i buryo bg’intebe y’Imana.

Abaheburayo 6:20

aho Yesu yatwinjiriye, atwitangiye imbere, amaze guhinduka umuherezi mukuru w’ibihe bidashira mu buryo bga Melekisedeki.

1 Petero 2:21

Ivyo ni vyo mwahamagariwe, kuko na Kristo yabababarijwe, akabasigarana icitegererezo, kugira ngo mugere ikirenge mu ciwe.

1 Petero 4:1

Nuko kuko Kristo yababarijwe mu mubiri, mwitwaze nk’ibirwanishwa ben’ uyo mutima: kuk’ ūbabarijwe mu mubiri aba amaze kureka icaha,

1 Petero 5:3

Kandi ntimuragire nk’abatwaza amanyama amasho mwagabanganirijwe, ariko mube ivyitegererezo vy’ubusho.