Yohana 1:9 - Bibliya Yera 1951 1967 (Burundi)

⁹ Umuco w’ukuri, wākira umuntu wese, warik’ uraza mur’ iyi si.

Bibiliya mu Kirundi coroshe

⁹ Umuco w’ukuri wakira umuntu wese wariko uraza mw’isi.

Yohana 1:9 ပူးပေါင်းရင်းမြစ်များ

Yesaya 49:6

aravuga, ati Kuba umushumba wanje, ugashira hejuru imiryango ya Yakobo, ukagarukana abarokotse b’Abisirayeli, ivyo ntibihāgije: ariko kandi ndagushizeho ng’ ube umuco wākira amahanga, kugira ngo n’ abo ku mpera y’isi ubashikirize agakiza kanje.

Yesaya 8:20

Dusubire ku vyagezwe no kuri vya Bishinga intahe! Ni batāvuga ibihwanye na vyo bazoba mu bgirantibuce.

Matayo 6:23

Arikw ijisho ryawe iy’ ari ribi, umubiri wawe wose uba uri n’umwiza. Nuko wa muco uba muri wewe, woramuka ubaye umwiza, uwo mwiza wongana ute!

Luka 11:36

Kand’ umubiri wawe wose ni waba uri n’umuco, ata gice na kimwe gifise umwiza, wose uzoba uri n’umuco, nk’uk’ ukwaka kw’itara kukuboneshereza.

Yohana 1:4

Muri we hārimw’ ubugingo, kand’ ubgo bugingo bgar’ umuco w’abantu.

Yohana 1:7

uwo yazanywe no kuba igishingantahe, ngw ashingire intahe umuco, kugira ngo bose bizere kubgiwe.

Yohana 12:46

Naje mw isi nd’ umuco, kugira ng’ ūnyizera wese ntaz’ agume mu mwiza.

Yohana 14:6

Yesu aramubgira, ati Ni jewe nzira n’ukuri n’ubugingo: nta wushika kuri Data ntamujanye.

Yohana 15:1

Jewe nd’umuzabibu w’ukuri, kandi Data ni nyene wo.

Yohana 6:32

Yesu arababgira, ati N’ukuri, n’ukuri ndababgire: Si Mose yabahaye umutsima uvuye mw ijuru; Data ni we abaha umutsima w’ukuri uvuye mw ijuru.

Yohana 7:12

Haba ivyongoshwe vyinshi mw ishengero bamuvuga: bamwe bati N’umuntu mwiza, abandi bat’ Oya, arazimiza abantu.

1 Yohana 1:8

Tuvuze yukw ata caha dufise, tuba twizimiza, ukuri ntikuba kuri muri twebge.

1 Yohana 2:8

Kandi ndabandikira icagezwe gisha, kand’ ico n’ic’ ukuri muri we no muri mwebge: kuk’ umwiza urik’ urashira, umuco w’ukuri umaze kwaka.

1 Yohana 5:20

Kandi tuzi yuk’ Umwana w’Imana yaje, akaduha ubgenge ngo tumenye Iy’ ukuri, kandi turi mu Y’ukuri, turi mu Mwana wayo Yesu Kristo. Iyo ni yo Mana nyakuri, n’ubugingo budashira.