Yeremiya 9:7 - Bibliya Yera 1951 1967 (Burundi)

⁷ None rero, uku ni k’Uhoraho Nyen’ ingabo agize, at’ Ehe nzobavugutira, mbagerageze; ikindi nogirira wa mukobga ari bo bantu banje n’iki?

Yeremiya 9:7 ပူးပေါင်းရင်းမြစ်များ

2 Samweli 13:26

Maze Abusalomu aramubarira, ati None rero k’utaje, urungike mukurwanje Amunoni, aze tujane. Umwami aramubaza, at’ Ugombera iki ko mujana?

2 Ivyo ku Ngoma 36:15

Uhoraho, Imana ya ba sekuruza, akabatumakw intumwa ziwe, akāma azindurwa uko bukeye no kubatuma, kuko yatewe akagongwe n’abantu biwe bo n’ aho hantu yaba.

Zaburi 120:4

N’imyampi isongoye y’abahizi, N’amakara y’igiti c’umurotemu.

Zaburi 55:22

Ukorere Uhoraho umutwaro wawe, na we azokuramira: Ntazokwigera akundira umugororotsi kunyiganyizwa.

Zaburi 62:5

Mutima wanje, uhwekere ku Mana yonyene, Kukw ari yo ivyizigiro vyanje vyandurukako.

Yesaya 1:25

Nzogufatisha ukuboko kwanje, ngukūremwo rwose inkamba zawe, nkumaremw’ urwevu rwawe rwose.

Yesaya 48:10

Ehe ndakuvugutiye, ariko si nk’ifeza; nkugeragereje mu ruganda rwo kubabazwa.

Yesaya 59:3

Kukw amaboko yanyu yandujwe n’amaraso, n’intoke zanyu zandujwe n’ibigabitanyo; iminwa yanyu yama ivuga ibinyoma, n’ururimi rwanyu ruvugira ibibi mu ntamatama.

Yeremiya 31:20

Mbega Efurayimu n’umwana wanje nkunda koko? N’umwana ateye igomwe? Kuk’ uko ndamukankamiye nama ndamwibukana igishika; ni co gituma ndamuhagarikira umutima: sinzobura kumugirira ikigongwe, ni jewe Uhoraho mbivuze.

Yeremiya 5:1

Ni mwiruke hirya no hino mu nzira z’i Yerusalemu, murondere mwitegereze, mucakare no mu hiyaguye haho, namba mwobona umuntu yoba umugororotsi arondera ivy’ ukuri, nanje nzohaharira.

Yeremiya 6:27

Nguhinduye nk’uruganda n’umucuzi hagati mu bantu banje; kugira ng’ umenye ingeso zabo uzigerageze.

Hoseya 4:1

Ni mwumve ijambo ry’Uhoraho, yemwe Bisirayeli: ereg’ Uhoraho afitaniye imibūrano na ben’ igihugu, kukw ata kuyoboka kuri mu gihugu, cank’ imbabazi, cank’ ukumenya Imana.

Zekariya 13:9

Kand’ ico gice ca gatatu nzobacisha mu muriro wo mu ruganda, mbakūremw’ inkamba nk’uko bazikūra mw ifeza, mbageragereshe kubavugutira, nk’uko bagerageza izahabu: bazokwambaza izina ryanje, nanje nzobumva; nzovuga, nt’ Abo n’abantu banje, na bo bazovuga, bat’ Uhoraho ni we Mana yanje.

Malaki 3:3

Kand’ azovyagira nk’ uwicaye avugutira ifeza akayimaramw’ inkamba: kand’ abahungu ba Lewi azobamaramw’ inkamba, abatunganye nk’uko batunganya izahabu n’ifeza; maze bazoshikanira Uhoraho amashikanwa mu bugororotsi.

1 Petero 1:7

kugira ngo kuramura kw’ukwizera kwanyu (kand’ ukwo kwizera kurusha igiciro izahabu ishira, nah’ ivugutirwa mu muriro ikaramura) kuze kuboneke kuri n’ishimwe n’ubgiza n’icubahiro mu guhishurwa kwa Yesu Kristo.

1 Petero 4:12

Abo nkunda, umuriro uri hagati yanyu wo kubagerageza ntukabatangaze, nk’aho mubonye akatābonetse.