Yeremiya 9:5 - Bibliya Yera 1951 1967 (Burundi)

⁵ Kand’ umuntu wese ahenda umubanyi wiwe, ntibavugane ukuri: bātoje ururimi rwabo kuvuga ibinyoma; bīgōza gukora ivy’ ukugabitanya.

Yeremiya 9:5 ပူးပေါင်းရင်းမြစ်များ

Itanguriro 19:11

Basuka uruhumyi kur’ abo bagabo bo ku rugi, uhereye ku bakuru n’abato; bacumukura barondera urwo rugi.

Yobu 11:3

Canke kwihayagiza kwawe gukwiye guhoza abantu? Iy’ utukana nta wuriho yotuma ugira n’udusoni?

Yobu 15:5

Kukw ibigabitanyo vyawe ari vyo vyigisha akanwa kawe, Nawe wihitiyemw’ ururimi rw’ubugunge.

Zaburi 140:3

Basongoye indimi zabo nk’ inzoka; Ubumara bg’imvuvyi buri mu binyigishi vyabo. Sela.

Zaburi 50:19

Uhaye ikibi akanwa kawe, Ururimi rwawe rwigenera ubugunge.

Zaburi 52:3

Ukunda ibibi kubirutisha ivyiza, N’ukubesha kukurutisha kuvuga ukuri. Sela.

Zaburi 64:3

Bakubiriye indimi zabo nk’ inkota, Bagenekereje imyampi yabo, ni yo magambo arura:

Zaburi 7:14

Ehe rāba, uwo we aramukwa ukugabitanya, Mber’ inda yasamye n’ukugira nabi, avyara ibinyoma.

Imigani 12:5

Ivyiyumviro vy’abagororotsi biraroranye, Arikw imigabo y’abanyakibi n’ibinyoma.

Imigani 4:16

Kuko badasinzira, shiti bakoze ikibi; Kandi n’itiro ryabo riraguruka, iyo batagize uwo bagwisha.

Yesaya 5:18

Bazobona ibara, abīkwegera igihano, bagikwegesheje umugozi w’ibinyoma, bakīkwegera akaziri nk’aho bagakwegesheje ikiyonzoyonzo gikwega umukogote:

Yesaya 57:10

Wagenze urugendo runini rurakunaniza, yamara ntiwisubiramwo, uti Nta kimazi; urahava uriyungunganya, ni co catumye utihebura.

Yeremiya 12:13

Bābivye ingano, bimbura amahwa: bārīgōye, ntivyagira ico bibamarira; muzomāramāzwa n’ivyo mwejeje, kubg’ uburake bg’inkazi bg’Uhoraho.

Yeremiya 12:6

Kuko na bene wanyu n’inzu ya so ari bo nyene bakuryarutse; ni bo nyene bakuvuza induru inyuma: nawe ntuz’ ubemerere, naho bokubarira amajambo meza.

Yeremiya 13:23

Mbeg’ Umunyetiyopiya yoshobora guhindura urukoba rw’umubiri wiwe, cank’ ingwe yokwihindura amabara yayo? Ivyo bishobotse, namwe mwoshobora gukora ivyiza, mwebge abāmogoreye gukora ibibi.

Yeremiya 4:22

Ereg’ abantu banje n’ibipfu, ntibanzi; n’abana b’ibijuju, nta bgenge bagira: bagira ubgenge bgo gukora ibibi, ariko mu vyo gukora ivyiza nta co bazi.

Yeremiya 51:58

Uku ni k’Uhoraho Nyen’ ingabo agize, at’ Inzitiro zagutse z’i Babuloni zizosangangurwa rwose, n’amarembo yaho maremare atongozwe umuriro; kand’ amahanga azoba yar’ atamijwe n’ubusa, n’amoko azoba yar’ aruhijwe n’ibizoja mu muriro.

Yeremiya 51:64

kand’ uz’ uvuge, ut’ Uku ni ko Babuloni hazodobera, ntihasubire kwiburuka ukundi, kubg’ ivyago Uhoraho azohatēza: kandi bazoba badendebukiwe. Amajambo ya Yeremiya agarukiye aho.

Yeremiya 7:28

Ubabgire, ut’ Ubu ni bgo bgoko butumviye Uhoraho Imana yabo, ntibemere kwigishwa: ukuri kurapfuye, kurazimiriye mu kanwa kabo.

Yeremiya 9:3

Bafora ururimi rwabo nk’umuheto, kugira ngo barekure ibinyoma; bācitse abahambaye mu gihugu, ariko batabiheshejwe n’ukuri: kuko bava mu bibi bakaja mu bindi, kandi ntibammenye, ni jewe Uhoraho mbivuze.

Yeremiya 9:8

Ururimi rwabo n’umwampi wica; ruvuga ibinyoma; umuntu wese avugana n’umubanyi wiwe ivy’ amahoro mu kanwa kiwe, ariko mu mutima wiwe aba amuryamiye.

EZEKIYELI 24:12

Erega n’ukuruhira ubusa gusa! Ingese zayo zihambaye ntiziyivamwo; ingese zayo ntizikūrwako n’umuriro.

Mika 6:12

Kukw abatunzi baho buzuye umuryano, n’abahaba bavuga ibinyoma, indimi zo mu kanwa kabo zirahendana.

Mika 6:3

Yemwe bantu banje, nabakoreye iki? Canke nabagoje iki? Ni mukimbarire.

Habakuki 2:13

Mbega ntibiva k’Uhoraho Nyen’ ingabo kw amoko atamishwa n’ibizoturirwa n’umuriro, amahanga akiruhiriza ubusa?

Malaki 2:10

Mbega twese ntidusangiye Data? Imana yaturemye s’imwe? None n’iki gituma turyarukana, umuntu wese aryaruka mwene wabo, tukica isezerano ryasezeraniwe ba sogokuruza?

Abanyefeso 4:25

Maze mwiyambuye ibinyoma, umuntu wese avugane ivy’ ukuri na mugenzi we, kuko tur’ ingingo za bagenzi bacu.

1 Timoteyo 4:2

bavugisha uburyarya bg’abanyabinyoma, bokejwe icapa mu mitima yabo ibāgiriza ikibi,

Abacamanza 2:10

Hanyuma ab’ urwo runganwe bose na bo barapfa, bahamvya ababo; bakurikirwa n’urundi runganwe, abo bo bakura batazi Uhoraho, canke ngo bamenye igikorwa yakoreye Abisirayeli.