Yeremiya 8:18 - Bibliya Yera 1951 1967 (Burundi)

¹⁸ Icompa nkabona uko nomarwa umubabaro! Umutima wanje undendebukiyemwo.

Yeremiya 8:18 ပူးပေါင်းရင်းမြစ်များ

Zaburi 143:7

Uhoraho, n’utebuke unyishure; umutima wanje urashiringitira; Ntumpishe mu nyonga hawe; Simmere nk’abamanuka baja muri rwa rwobo.

Yesaya 22:4

Kubg’ ivyo ndavuga, nti Ni murābe irya, munkūrekw amaso, mureke ndire nitunturire; ntimwigore ngo muranyirura umubabaro mfitiye ukunyagwa kw’i Yerusalemu umukobga w’ubgoko bgacu;

Yeremiya 23:9

Ku vya ba kamenyi. Umutima wanje unsābiye mu nda, amagufa yanje yose aratetemera; mmeze nk’imborerwa, nk’umuntu yaneshejwe na vino, kubg’ Uhoraho n’amajambo yiwe yera.

Yeremiya 4:19

Amara yanje, amara yanje aradobangana! Nseserewe mu mutima wanje; umutima wanje umpagazemwo, sinshobora kwiyumanganya; ewe mutima wanje, ni kuko wumvise ijwi ry’inzamba, n’akarūru k’intambara!

Yeremiya 6:24

Twumvise inkuru zavyo, amaboko yacu arareganuka: uburibge buradufashe, nk’ibise vy’umugore aramutswe.

Yeremiya 9:1

Icompa umutwe wanje ukuzuramw’ amazi, amaso yanje akaba isōko y’amosozi, kugira ngo name ndira ku murango no mw ijoro, ndirira abishwe ba wa mukobga, ari bo bgoko bgacu!

GUCURA INTIMBA 5:17

Ni co gituma imitima yacu ihondobera, Ivyo ni vyo bituma duhwera mu kajisho;

Habakuki 3:16

Ndavyumvise, amara yanje aradobangana, Iminwa yanje iradegezwa kubg’ iryo iwi; Ikimungu cinjira mu magufa yanje, mpindira agashitsi aho ndi; Nkwiye guhangana n’umusi w’amagorwa nduhutse, Igihe abansi bazotēza ubgoko bgacu ibitero.