Yeremiya 8:16 - Bibliya Yera 1951 1967 (Burundi)

¹⁶ Gufuhagira kw’amafarasi yiwe kwumvikana i Dani; igihugu cose gihindishwa agashitsi no kwumva kuroherana kw’amafarasi yiwe y’intambara; kuko baje, kandi bākegese igihugu n’ibiri muri co vyose, bo n’igisagara n’ababa muri co bose.

Yeremiya 8:16 ပူးပေါင်းရင်းမြစ်များ

Yobu 39:20

Ni wewe wayihaye gusimba nk’inzige? Erega gufuha kw’amanyama kwayo guteye ubgoba.

Zaburi 24:1

Isi n’iy’ Uhoraho, n’ibiyuzuye, Isi n’abayibamwo.

Yeremiya 10:25

Rekurira uburake bgawe ku mahanga atakuzi, no ku miryango itambaza izina ryawe, kuko bātsontsomeye aba Yakobo, mbere barabatsontsomeye barabaherengeteza, bākomvomvoye aho bāba.

Yeremiya 3:24

Arik’ uhereye no mu buto bgacu, ivy’ akamāramāza ni vyo vyāmaze ivyāvuye mu butame bga ba sogokuruza; vyāmaze imikuku yabo n’amasho yabo, n’abahungu babo n’abakobga babo.

Yeremiya 30:16

Yamar’ abo bose bakurya na bo bazoribga; abarwanizi bawe bose, umuntu wese muri bo, bazojanwa ar’ inyagano; abākugize umunyagwa na bo bazonyagwa, abākunyaga bose nzobagira inyagano.

Yeremiya 30:5

at’ Uku ni ko mbivuze, jewe Uhoraho, nti Twumvise ijwi ry’ abari mu gatengo no mu bgoba, atar’ iry’ abari mu mahoro.

Yeremiya 4:24

Nararāvye, mbona imisozi, nsanga ihinda agashitsi, n’uturambi twose n’uko, turi mu gatengo.

Yeremiya 4:7

Intambge isokorotse mu gisaka cayo, ni yo mugeseza w’amahanga; ifashe inzira, isokorotse ahantu hayo, kugira ngw itikize igihugu canyu, ibisagara vyanyu ngo bisigare ar’ imisaka, ata wukihaba.

Yeremiya 47:3

Bumvise kudida imigere kw’amafarasi yiwe ahambaye, n’ukugenda akabushungwe kw’ imikogote yiwe, n’uguhinda kw’ amakurudumu, bituma abavyeyi batanakebuka ngo barābe abana babo kubgo gucika inkokora;

Yeremiya 5:17

Bazorya ivyimburwa vyanyu n’ivyo kurya vyanyu, ivyo abahungu banyu n’abakobga banyu boriye; bazorya imikuku yanyu n’amasho yanyu; bazorya imizabibu yanyu n’imisukoni yanyu; kand’ ibisagara vyanyu vyubakiwe inzitiro, ivyo mwishimira, bazobisanganguza inkota.

Yeremiya 50:42

Bābiriye imiheto n’amacumu; ni ba ruburakigongwe, nta mbabazi bagira; ijwi ryabo ribomborana nk’ikiyaga, kandi bagendera ku mafarasi; bāzira mu rugamba icarimwe, nk’ umuntu umwe, kugira ngo bagutere, ewe mukobga Babuloni.

Yeremiya 51:29

Isi ihinze agashitsi, irasambagirika: kukw imigabo Uhoraho yagīriye i Babuloni igihamye, ngw ahindure igihugu c’i Babuloni ibitongozi, ata wukihaba.

Yeremiya 6:23

Bābiriye imiheto n’amacumu; ni ba ruburakigongwe, nta mbabazi bagira; ijwi ryabo ribomborana nk’ikiyaga, kandi bagendera ku mafarasi; bāzira mu rugamba icarimwe, nk’umuntu umwe, kugira ngo bagutere, ewe mukobga w’i Siyoni.

Nahumu 3:2

Humvikana inyobozo, n’uguhinda kw’amakurudumu abomborana, n’imirindi y’amafarasi agenda yiginagura, n’uguhinda kw’imikogote y’intambara isimbagurika;

Habakuki 3:10

Imisozi yarakubonye, irasambagirika; Amazi arahondogana: I bgina humvikanisha ijwi ryaho, Hatarika amaboko yaho.

1 Korinto 10:26

kukw isi ar’iy’ Uhoraho, n’ibiyuzuye.

1 Korinto 10:28

Ariko ni hagira umuntu ababgira, at’ Ico n’icāterekerejwe: ntimukakirye, kubg’ uyo abiseruye, no kubg’ ijwi ryo mu mutima.

Abacamanza 18:29

Bacita Dani, bacitiranije na sekuruza wabo Dani mwene Isirayeli; arik’ ubga mbere ico gisagara citwa Layishi.

Abacamanza 20:1

Maz’ Abisirayeli bose baragenda, bava mu gihugu cose uhereye i Dani ugashitsa i Beri‐sheba, hamwe n’abo mu gihugu c’i Gileyadi, bakoranira i Misipa imbere y’Uhoraho, bahūje inama nk’umuntu umwe.

Abacamanza 5:22

Amafarasi avuza imirindi Agendeshwa akābushūngwe n’ abahizi.