Yeremiya 7:9 - Bibliya Yera 1951 1967 (Burundi)

⁹ Mbega birashoboka ko mwiba, mukica, mugasambana, mukarahira ibinyoma, mukosereza Bayali imibavu, mukagendanira izindi mana mutigeze kumenya,

Yeremiya 7:9 ပူးပေါင်းရင်းမြစ်များ

1 Abami 18:21

Nuko Eliya yēgēra abantu bose, arababarira, ati Muzogeza ryari kuba ba nyamujiryanino? Asangw’ Uhoraho ari we Mana, ni mumukurikire; na ho nyene ni yaba Bayali, abe ari yo mukurikira. Abantu ntibamwishura ijambo na rimwe.

Kuvayo 20:3

Ntukagire izindi mana umbangikanya.

Yesaya 1:13

Ntimukongere kunshikanira amashikanwa atagira ikimazi: imibavu n’igisesema kuri jewe; imboneko z’amezi n’amasabato no gukoranya ibikorane — eka sinshobora kwihanganira amakoraniro y’agahebuza avanze n’ibigabitanyo!

Yesaya 58:2

Mugabo bandondera uko bukeye, banezererwa kumenya inzira zanje; nk’ihanga ryakora ivy’ ukugororoka, ntirireke ivyagezwe vy’ Imana yabo, ni ko bansaba ivyagezwe vyo kugororoka, bakanezererwa kwēgēra Imana.

Yeremiya 1:16

Nanje nzokwātamīra amateka mbaciriye kubg’ ibibi vyabo vyose bākoze; kuko bāndetse, bakosereza imibavu izindi mana, bagasenga ivyakozwe n’intoke zabo.

Yeremiya 11:13

Kuk’ ukw ibisagara vyawe bingana, ewe Buyuda, ari kw izo mana zawe zingana: kandi nk’ukw inzira zo muri Yerusalemu zingana ni ko mwagiye mushirah’ ibicaniro mubishiriyeho bga buyobe bganyu, ni vyo bicaniro vyo kwoserezakw imibavu Bayali.

Yeremiya 11:17

Kuko jewe Uhoraho Nyen’ ingabo nari narakubaditse, ari jewe nyene nkugeneye ivyago, kubg’ ibibi vyakozwe n’ab’ inzu ya Isirayeli n’ab’ inzu ya Yuda, ivyo bakoze vyo kundatsa, mu kwosereza Bayali imibavu.

Yeremiya 13:10

Aba bantu b’abanyakibi, uko bākanse kwumva amajambo yanje, bakagendera mu budadarare bg’imitima yabo, bagakurikira izindi mana ngw abe ari zo basaba, bazisenge, bazomera nk’uyu mukanda utakigira ico umaze.

Yeremiya 18:15

Yamar’ abantu banje baranyibagiye, boshereje imibavu ibitagira ikimazi; vyatumye batsitara mu nzira zabo, ni zo nzira za kera, ngo bajane inzira zikikamye, inzira zitanoze,

Yeremiya 19:4

Kuko bāntaye, bagahumanya aha hantu, bakahoserereza imibavu izindi mana batigeze kumenya, bo na ba sekuruza n’abami b’i Buyuda; bakuzuza aha hantu ibitenga vy’ amaraso y’abatācumuye;

Yeremiya 32:29

n’Abakaludaya bateye iki gisagara, bazogishikamwo bagiturire bagitongore, bo n’amazu būriyeko hejuru ngo bosereze imibavu Bayali, bagasukira ibiturire izindi mana, kugira ngo bantere ishavu.

Yeremiya 44:3

kubg’ ivyaha vyabo bākoze ngo banshavuze, kuko boshereje imibavu izindi mana bakazisaba, izo batigeze bamenya, bo ubgabo, canke mwebge, canke ba sogokuruza banyu.

Yeremiya 44:8

Kandi n’iki gituma mundakisha ibikorwa vy’amaboko yanyu, mu kwosereza imibavu izindi mana mu gihugu ca Egiputa, aho mwaroye kuba, bikabakwegera guherengetezwa, mugahinduka ibivume n’iciro ry’imigani mu mahanga yose yo mw isi?

Yeremiya 44:9

Mbega mwibagiye ivyaha vya ba sogokuruza banyu, n’ivyaha vy’abami b’i Buyuda, n’ivyaha vy’abamikazi babo, n’ivyaha vyanyu ubganyu, n’ivyaha vy’abagore banyu, ivyo bākoreye mu gihugu c’i Buyuda, no mu nzira z’i Yerusalemu?

Yeremiya 48:35

Ikigeretseko nzoherengeteza i Mowabu ūtangira ikimazi mu gitabo, n’uwosereza imibavu imana ziwe, ni k’Uhoraho agize.

Yeremiya 5:2

Naho barahira uguhoraho kw’Uhoraho, n’ukuri barahira ibinyoma.

Yeremiya 5:7

Mbega noshobora nte kuguharira? Abana bawe barantaye, bīrahira izitar’ imana; mpejeje kubagaburira bagahāga, bāciye basambana, barema inteko i wabo w’abasambanyikazi.

Yeremiya 7:6

ni mudahahaza ingenzi cank’ impfuvyi cank’ umupfakazi, ntimuvishirize amaraso y’ūtācumuye aha hantu, ntimugendanire izindi mana, bikababera icago:

EZEKIYELI 18:18

Ariko se wiwe, kuko yahahaza cane, akanyaga mugenzi we ku gahahazo, agakora ibitaroranye mu bgoko bgabo, uyo ni we azopfa azize ibigabitanyo vyiwe.

EZEKIYELI 20:30

Nuko rero bgira ab’ inzu ya Isirayeli, ut’ Uku ni k’Umwami Uhoraho abaza, ngo Mbega ntimwihumanya nk’uko ba sogokuruza bāgize, mukagenda muhurumbira ibizira vyabo nk’ibimaka?

EZEKIYELI 23:39

Kuko bamaze kwica abana babo, babashikaniye ibigirwamana vyabo, kur’ uwo musi nyene baca baza ahēra hanje kuhahumanya: mber’ uko ni ko bakoze mu ngoro yanje.

EZEKIYELI 5:11

Ni co gituma ndahiye ukubaho kwanje, ni k’Umwami Uhoraho agize, kuko wahumanishije ahēra hanje ibintu vyawe vyankwa urunuka, n’ibizira vyawe vyose, ni co gituma nanje ntazobura kugutūvya; ijisho ryanje ntirizogira ico riziguriza, kandi nta n’akagongwe nzogira.

Hoseya 2:13

Nzomuhōra imisi yamaze yosereza za Bayali imibavu, yisakaye impeta n’utugenegene, agakurikira abūzure biwe, nanje jeho akanyibagira, ni k’Uhoraho agize.

Hoseya 6:9

Nk’ukw ibitero vy’abambuzi biryamira umuntu, ni k’umurongo w’abaherezi wicira abantu mu nzira ija i Shekemu: bakora ivy’ ubugesera.

Amosi 4:5

Mutange imitsima yambiwe kw ibimazi vyo gukenguruka, n’ivyo mutanga muvyigombeye ni muvyāmāmaze, mubikwize! Kukw ivyo ari vyo bibahimbara, yemwe Bisirayeli, ni k’Umwami Uhoraho agize.

Zefaniya 1:5

n’abasenga inyenyeri, ari zo ngabo zo kw ijuru, būriye hejuru ku mazu; n’abasenga bandahira jewe Uhoraho bagatako bakarahira na Milikomu;

Malaki 3:5

Kandi nzobēgēra nce amateka; nzokwihutira kwagiriza abarozi, n’abasambanyi, n’abarahira ibinyoma, n’ abagunga umucangero ingero yiwe, n’abanyikiza umupfakazi n’impfuvyi, bakagirira nabi inyambukīra, nanje ntibanyubahe, ni k’Uhoraho Nyen’ ingabo agize.

Abaroma 2:2

Ariko turazi yuk’ urubanza rw’Imana ar’ urw’ ukuri, urwo icira abakora ibisa birtyo.

Gusubira mu Vyagezwe 32:17

Bahaye ibimazi abadayimoni batar’ Imana, Bahaye ibimazi imana batigeze kumenya, Imana nsha z’inzaduka, Izo ba sogokuruza batātinya.

Ivyahishuwe 21:8

Arikw ibijora, n’abatizera, n’abakora ibizira, n’abicanyi, n’abashakanyi, n’abarozi, n’abasenga ibigirwamana, n’abanyabinyoma bose, umugabane wabo uzoba mu kiyaga caka umuriro n’amazuku, ni co rupfu rwa kabiri.

Ivyahishuwe 22:15

Inyuma hazoba imbga n’abarozi n’abashakanyi n’abicanyi n’abasenga ibigirwamana, n’umuntu wese akunda kubesha akabikora.

Abacamanza 5:8

Igihe bitoraniriza izindi mana, Intambara zaciye zishika ku marembo yabo. Nta nkinzo cank’ icumu vyari bikiboneka Mu Bisirayeli naho boba ibihumbi mirongwine.