Yeremiya 7:18 - Bibliya Yera 1951 1967 (Burundi)

¹⁸ Abana batoragura udukwi, ba se bagacana umuriro, abagore bagacumba, ngo bahakurire imitsima umwamikazi wo mw ijuru, kandi ngo basukire ibiturire izindi mana, ngo bantere ishavu.

Yeremiya 7:18 ပူးပေါင်းရင်းမြစ်များ

1 Abami 14:9

ngw Arik’ ukora ibibi kurenza abakubanjirije bose, ng’ Uragenda wironderera izindi mana z’ibishushanyo bivugutiwe mu nkero, ng’ Uramuratsa, umushiburira inyuma yawe;

1 Abami 16:2

riti Nagukūye mu mukungugu ndagushira hejuru, nkugira segaba w’abantu banje b’Abisirayeli; rit’ Ariko non’ ugendera mu ngeso za Yerobowamu, ukwegera abantu banje b’Abisirayeli mu vyaha, kugira ngo bantēze umwikomo ivyaha vyabo ngo ndake;

Zaburi 16:4

Amagorwa y’abakāba Uhoraho iyindi mana azogwira, Ibimazi vyazo vy’amaraso sinzobihereza ngo ndabisuke, Kand’ amazina yazo sinzoyavugisha iminwa yanje.

Yesaya 3:8

I Yerusalemu haradandabagiranye, i Buyuda haratemvye; kuk’ ururimi rwabo n’ibikorwa vyabo ar’ ibigarariza Uhoraho, bakajinyūrira imbere y’inyonga ziwe z’icubahiro.

Yesaya 57:6

Mu nguru ziba mu mwonga ni ho har’ umugabane wawe; izo nyene ni zo mugabane wawe; izo ni zo wūhiye ishikanwa ry’ibiturire, ukaziterekēra. Mbeg’ ivyo novyiyumanganya?

Yesaya 65:11

Ariko mwebge abantaye jewe Uhoraho, mukibagira umusozi wanje wera, mugatereka Gadi, mugaturiraniriza Meni;

Yesaya 65:3

N’abantu bahora banshinyaguriza imbonankubone, bagatangira ibimazi mu bigabiro, bakosereza imibavu ku bicaniro vyubakishijwe amatafari;

Yeremiya 1:16

Nanje nzokwātamīra amateka mbaciriye kubg’ ibibi vyabo vyose bākoze; kuko bāndetse, bakosereza imibavu izindi mana, bagasenga ivyakozwe n’intoke zabo.

Yeremiya 11:17

Kuko jewe Uhoraho Nyen’ ingabo nari narakubaditse, ari jewe nyene nkugeneye ivyago, kubg’ ibibi vyakozwe n’ab’ inzu ya Isirayeli n’ab’ inzu ya Yuda, ivyo bakoze vyo kundatsa, mu kwosereza Bayali imibavu.

Yeremiya 17:2

abana babo bibuka ibicaniro vyabo, n’ibigirwamana vyabo vya Ashera vyashinzwe i ruhande y’ibiti bitotahaye ku misozi miremire.

Yeremiya 19:13

ingo z’i Yerusalemu n’ingoro z’abami b’i Buyuda zizoba ibihumane, zimere nk’aha hantu i Tofeti, mbere n’amazu yose būriyeko hejuru ngo bosereze imibavu inyenyeri zose, ari zo ngabo zo kw ijuru, bagasukira ibiturire izindi mana.

Yeremiya 25:7

Ariko mwebge ntimwanyumviye, ni k’ Uhoraho agize, atar’ ukundakisha ibikorwa vy’intoke zanyu, mukikwegera ivyago.

Yeremiya 32:29

n’Abakaludaya bateye iki gisagara, bazogishikamwo bagiturire bagitongore, bo n’amazu būriyeko hejuru ngo bosereze imibavu Bayali, bagasukira ibiturire izindi mana, kugira ngo bantere ishavu.

Yeremiya 44:25

uku ni k’Uhoraho Nyen’ ingabo agize, ni we Mana y’Abisirayeli, ati Mwebge n’abagore banyu mwavugishije akanwa kanyu, mubishikisha amaboko yanyu, muti Ntituzobura gushitsa amasezerano twasezeranye yo kwosereza imibavu umwamikazi wo mw ijuru, no kumusukira ibiturire: enda rero ni mukomeze amasezerano yanyu! Enda ayo masezerano yanyu muyashitse!

Yeremiya 44:4

Yamara nabatumyekw abasavyi banje bose, ni bo bavugishwa nanje, nama nzindurwa no kubatuma, nti Ntimugakore ico kizira c’ubuyobe nanka urunuka.

Yeremiya 7:17

Mbega ntubona ivyo bakora mu bisagara vy’i Buyuda no mu nzira z’i Yerusalemu?

GUCURA INTIMBA 5:13

Imisore isigaye ikorerwa insyo, N’abana banyikizwa n’imbambo z’inkwi.

EZEKIYELI 16:26

Kandi wasambanye n’ Abanyegiputa b’ababanyi bawe b’ amasekanya; ugwiza ubumaka bgawe ng’ untere ishavu.

EZEKIYELI 20:28

kuko, mmaze kubashitsa mu gihugu, ico narahiye mmanitse ukuboko ko nzobaha, uko babonye umusozi wose muremure n’igiti cose gitotahaye, baciye bahatangira ibimazi vyabo, baba ari ho bashikanira ishikanwa ryabo ryo kundatsa; ni ho batangiye ibizana imibabge imota neza, bakahasukira amashikanwa yabo y’ibiturire.

EZEKIYELI 8:16

Nukw anshikana mu nyubakwa y’imbere yo ku ngoro y’ Uhoraho; maze mbona ku rugi rw’urusengero rw’Uhoraho, hagati y’umuryango n’igicaniro, abantu bashika nko kuri mirongwibiri na batanu, bateye ibitugu urusengero rw’Uhoraho, berekeje amaso i burasirazuba, kandi bāriko barasenga izuba, batumbereye iyo rirasira.

EZEKIYELI 8:17

Maz’ arambaza, ati Mbeg’ ivyo urabibonye ga mwana w’umuntu? Mbeg’ ab’ inzu ya Yuda kibabereye ikibangutse gukora ivyo bizira bakorera hano hantu? Kukw igihugu bacujuje umuryano, bakongeranya kwihindagura ngo bandatse: mbere bagashira udushami ku mazuru yabo.

1 Korinto 10:22

Cank’ Umwami tumutere ishari? Mbega tumurusha inkomezi?

Gusubira mu Vyagezwe 32:16

Bayiteye kugira ifūhe kubgo gusaba imana z’inyamahanga, Bayirakishije ibizira bakoze;

Gusubira mu Vyagezwe 32:21

Ati Bantēje ifūhe ibitar’ Imana; Bandakishije ibigirwamana vyabo vy’ubusa: Nuko nanje nzobatēza ishari abatar’ ihanga ry’ukuri, Nzobarakisha ihanga ry’imburabgenge.

Gusubira mu Vyagezwe 4:19

kandi mwiyubare kugira ngo ni mwararama mukarāba mw ijuru, mukabona izuba n’ukwezi n’inyenyeri, ari zo ngabo zose zo kw ijuru, bize vyoye kubakwega ngo mubisenge, mubisabe, kand’ ari vyo Uhoraho Imana yanyu yashiriyeh’ amahanga yose yo musi y’ijuru.