Yeremiya 52:9 - Bibliya Yera 1951 1967 (Burundi)

⁹ Maze bafata umwami, baramudūgana, bamuzanira umwami w’i Babuloni bamumusanza i Ribula, mu ntāra y’i Hamati: amucirakw iteka.

Yeremiya 52:9 ပူးပေါင်းရင်းမြစ်များ

1 Abami 8:65

Uko ni ko Salomo yagize imisi mikuru ico gihe, hamwe n’Abisirayeli bose, bār’ ikoraniro rinini bavuye mu gihugu cose, uhereye ahafata i Hamati ugashitsa ku mugezi wa Egiputa; bamara imisi ndwi, baraheza basubira iyindi ndwi, yose na yose iba icumi n’ine, bar’ imbere y’Uhoraho Imana yacu.

2 Abami 23:33

Bukeye Farawo‐neko amuta mu ngoyi amubohera i Ribula mu gihugu c’i Hamati, amukūra ku ngoma i Yerusalemu; igihugu ciwe agicira iciru c’italanto ijana z’ifeza n’italanto imwe y’izahabu.

2 Abami 25:6

Maze bafata umwami, baramudūgana, bamuzanira umwami w’i Babuloni, bamumusanza i Ribula; bamucirakw iteka.

2 Ivyo ku Ngoma 33:11

Ni co catumye Uhoraho abatēza abagabisha b’ingabo z’umwami w’i Ashuri, bagafata Manase, bakamubohesha ivyuma, bakamushira mu minyororo, bakamujana i Babuloni.

2 Ivyo ku Ngoma 8:3

Maze Salomo atera i Hamati‐zoba, arahanesha.

Yeremiya 21:7

Kandi hanyuma y’ivyo, ni jewe Uhoraho mbivuze, nzogabura Zedekiya umwami w’Abayuda, n’ abasavyi biwe, n’abantu bazoba bagisigaye mur’ iki gisagara, batishwe n’ikīza n’inkota n’inzara, mbashire mu kuboko kwa Nebukadineza umwami w’i Babuloni, no mu maboko y’abansi babo, no mu maboko y’abarondera kubica: azobicisha ubugi bg’inkota; ntazobagirira impuhwe cank’ akagongwe cank’ imbabazi.

Yeremiya 39:5

Maz’ ingabo z’Abakaludaya zibōma inyuma, zihambiriza Zedekiya mu kiyaya c’i Yeriko: bamaze kumufata, baramudūgana, bamuzanira Nebukadineza umwami w’i Babuloni bamumusanza i Ribula mu ntāra y’i Hamati: amucirakw iteka.

GUCURA INTIMBA 4:20

Uwar’ atubereye nk’impwemu duhumeka, uwari yararobanujwe amavuta n’Uhoraho, yakorokeye mu vyobo vyabo, Kand’ ari we twari twishimiye, ngo mu gitūtu ciwe ni ho tuzoba, uko turi hagati mu mahanga.

EZEKIYELI 11:10

Muzoririkwa n’inkota; nzobacira urubanza ndi mu rugabano rw’i Bgisirayeli: namwe muzomenya yuko jewe nd’ Uhoraho.

EZEKIYELI 23:24

Nuko bazogutera bafise ibirwanishwa, n’imikogote y’intambara n’iyitwara ibintu, n’isinzi ry’amahanga; bazotonda urugamba bakurwanye, bagutangatanze impande zose, bafise inkinzo nto‐nto na nini‐nini n’inkofero z’ivyuma: kandi nzoshira imanza mu maboko yabo, bagucire urubanza, nk’ukw imanza zabo ziri.

Guharūra 13:21

Nuko baradūga, batata ico gihugu, bahereye mu bugaragwa bg’i Zini, bashitsa i Rehobu, hahereranye n’ahafata i Hamati.

Guharūra 34:11

ruvudutse i Shefamu, rumanuke, rushike i Ribula, hirya ya Ayini ahahera i burasirazuba; ruheze rumanuke rujane inkōkoro y’ikiyaga Kinereti ihera i burasirazuba;

Yosuwa 13:5

bo n’igihugu c’Abagebali, n’i Lebanoni hose aherekeye i burasirazuba, uhereye i Bayali‐gadi musi y’umusozi Herumoni, ugashitsa ahafata i Hamati;