Yeremiya 52:8 - Bibliya Yera 1951 1967 (Burundi)

⁸ Maz’ ingabo z’Abakaludaya zōma inyuma y’umwami Zedekiya, zimuhambiriza mu kiyaya c’i Yeriko: ingabo ziwe zirasābagira ziramuta.

Yeremiya 52:8 ပူးပေါင်းရင်းမြစ်များ

Yeremiya 21:7

Kandi hanyuma y’ivyo, ni jewe Uhoraho mbivuze, nzogabura Zedekiya umwami w’Abayuda, n’ abasavyi biwe, n’abantu bazoba bagisigaye mur’ iki gisagara, batishwe n’ikīza n’inkota n’inzara, mbashire mu kuboko kwa Nebukadineza umwami w’i Babuloni, no mu maboko y’abansi babo, no mu maboko y’abarondera kubica: azobicisha ubugi bg’inkota; ntazobagirira impuhwe cank’ akagongwe cank’ imbabazi.

Yeremiya 32:4

Uti Na Zedekiya umwami w’i Buyuda ntazokira amaboko y’Abakaludaya, arik’ uti Ntazobura gutangwa mu kuboko kw’umwami w’i Babuloni, uti Bazokwivuganira barābana imbonankubone;

Yeremiya 34:21

Kandi Zedekiya umwami w’i Buyuda n’abaganwa biwe nzobatanga mu maboko y’abansi babo, no mu maboko y’ababahīga ngo babice, no mu maboko y’ingabo z’umwami w’i Babuloni zari zabaretse zikabavako.

Yeremiya 37:17

umwami Zedekiya atuma kumuzana; nuk’ umwami amubariza mu mpisho mu ngoro yiwe, ati Mbega nta jambo ryoba rivuye k’Uhoraho? Yeremiya ati Ririho; at’ Uzotangwa mu kuboko kw’umwami w’i Babuloni.

Yeremiya 37:18

Ikindi, Yeremiya abaza umwami Zedekiya, ati Mbega nagucumuyekw iki, cank’ abantu bawe, cank’ ubu bgoko, ko mwanshize mw ibohero?

Yeremiya 38:23

Kandi bazosohora abamikazi bawe bose n’abana bawe babahe Abakaludaya: nawe ntuzokwikiza ng’ uve mu maboko yabo, arik’ uzofatwa n’ukuboko kw’umwami w’i Babuloni: kandi ni wewe uzoba uzaniye iki gisagara gutongozwa umuriro.

Yeremiya 39:5

Maz’ ingabo z’Abakaludaya zibōma inyuma, zihambiriza Zedekiya mu kiyaya c’i Yeriko: bamaze kumufata, baramudūgana, bamuzanira Nebukadineza umwami w’i Babuloni bamumusanza i Ribula mu ntāra y’i Hamati: amucirakw iteka.