Yeremiya 51:3 - Bibliya Yera 1951 1967 (Burundi)

³ Umurashi ntaz’ aruhe afora umuheto wiwe, n’uwambaye ivyuma bimukīngira ntaz’ aruhe yirwanira. Ntimuzigurize imisore yaho; mutotore rwose ingabo zaho zose.

Yeremiya 51:3 ပူးပေါင်းရင်းမြစ်များ

Zaburi 137:9

Hazohirwa ūzofata abana bawe bato Akabahonda ku rutare!

Yeremiya 46:4

Mushire amatandiko ku mafarasi, muheze mwūrire, mwebge abayagenderako, mutonde mwambaye inkofero z’ivyuma; murtyorore amacumu, mwambare ivyuma vyo gukīngira imibiri.

Yeremiya 50:14

Mwebge mwese abarashi, mutondere urugamba Babuloni irya n’ino; muharase, ntimuzigurize imyampi: kuko hācumuye k’Uhoraho.

Yeremiya 50:21

Dūga utere igihugu c’i Meratayimu, uhatere, utere n’ababa i Pekodi: ubakurikirane, ubice, ubatotore rwose, ni jewe Uhoraho mbivuze, ubagirire nk’ivyo nkubariye vyose.

Yeremiya 50:27

Ni mwice amakombe yaho yose; n’amanuke aje kubāgwa. Babonye ibara! Kuk’ umusi wabo washitse, ni wo gihe co kūzirwa kwabo.

Yeremiya 51:53

Naho Babuloni hodūga hagashika kw ijuru, kandi nah’ ibihome vyaho birebire vyoba uruhatane, na ho nyene abanyazi bohashika bavuye kuri jewe, ni jewe Uhoraho mbivuze.

Yeremiya 9:21

Kuk’ urupfu rwūriye rugaca mu madirisha yacu, rukinjira n’i bukuru bgacu; rukaririka abana bari hanze, n’abasore bari mu mayira.

Gusubira mu Vyagezwe 32:25

Hanze inkota izohēkūra, No mu nzu habe gucika ivutu, Yice imisore n’inkumi, N’abana bonka n’abatāma bameze imvi.

Yakobo 2:13

Kuk’ urubanza rutagirira akagongwe ūtāgize akagongwe. Ariko mu rubanza ikigongwe kiratsinda.