Yeremiya 51:12 - Bibliya Yera 1951 1967 (Burundi)

¹² Mushinge ibendera mwerekeye inzitiro z’i Babuloni, mugwize abashibamyi, mushireh’ abateramyi, mugere abaja kuhaca ibico: kuk’ Uhoraho yahagīriye imigabo, agashitsa ivyo yavuze ku baba i Babuloni.

Yeremiya 51:12 ပူးပေါင်းရင်းမြစ်များ

Yeremiya 51:11

Mukarishe imyampi, mubangirize inkinzo: Uhoraho yagayambije imitima y’abami b’Abamedi; kukw imigabo yagīriye i Babuloni n’ukuhageseza: kukw ar’ uguhōra kw’Uhoraho, uguhōra yahōye urusengero rwiwe.

Yesaya 13:2

Ni mushinge ibendera ku musozi muremure w’uruharabuga, shira ijwi hejuru mubahamagare, mubākure, kugira ngo bace mu birimba vy’abaganwa.

Nahumu 2:1

Ūjonjanga arakudūgiye: mera magabo ku ruzitiro rw’amabuye, shibama mu nzira, kenyera zigume, iyungunganye uk’ ushoboye kwose!

Yeremiya 51:29

Isi ihinze agashitsi, irasambagirika: kukw imigabo Uhoraho yagīriye i Babuloni igihamye, ngw ahindure igihugu c’i Babuloni ibitongozi, ata wukihaba.

Yoweli 3:2

nzokoraniriza hamwe amahanga yose, mbamanukane mu kiyaya ca Yehoshafati; ni ho nzobavuganiriza, mbūrana abantu banje, ni bo shamvu yanje Abisirayeli, abo bāsābagirije mu mahanga, bakīgaburira igihugu canje.

GUCURA INTIMBA 2:17

Uhoraho yakoze ico yagabiye; Yashikije ijambo ryiwe yashinze mu misi ya kera; Yagukubise hasi ata kagongwe; Yahaye umwansi kukwitamba hejuru, Yashize hejuru ihembe ry’ abarwanizi bawe.

Yeremiya 51:27

Mushinge ibendera mu gihugu, muvuze inzamba zitabaza mu mahanga, mwiteguze amahanga arwane na ho, mukoranirize hamwe abami b’i Ararati n’i Mini n’i Ashikenazi kuharwanya; mushinge umugabisha wo kuhagomorera; mudūze amafarasi nk’inzige zishinze urwoya.

Yeremiya 50:2

Mubitāngāze mu mahanga, muvyamamaze, mushinge ibendera; muvyamamaze, ntimubihishe, mut’ I Babuloni haratsinzwe, ikigirwamana Beli kiratēterewe, Merodaki kiravunaguritse; ibishushanyo vyaho biratēterewe, ibigirwamana vyaho biravunaguritse.

Imigani 21:30

Ubgenge cank’ ukumenya Cank’ inama, biba ar’ ubusa imbere y’Uhoraho.

Yosuwa 8:14

Maz’ umwami w’i Hayi abibonye, akorokana kare n’abo mur’ ico gisagara, bihutira gushwabadukira Abisirayeli, umwami n’ abantu biwe bose, ngo babasange ku kamanuko kaja mu kiyaya, babasōbōre; ariko ntiyar’ azi ko har’ abābunze hirya y’ico gisagara.

Yeremiya 4:28

Kubg’ ivyo isi izogandara, n’ijuru ryiraburanirwe: kuko mbivuze, kandi mbimaramaje, sinzokwigarura canke ngo nihindukize.

Yeremiya 23:20

Uburake bganje jewe Uhoraho ntibuzokebanuka kugeza aho nzoba nshikije ivy’ umutima wanje wagabiye, mbiheraheje: mu misi yo hanyuma muzobitahura rwose.

Yeremiya 50:25

Uhoraho yuguruye ububīko bg’ibirwanishwa vyiwe, asohoye ibirwanishwa vy’ubushangashirwe bgiwe: kuk’ Umwami, ari we Uhoraho Nyen’ ingabo, afise igikorwa co gukora mu gihugu c’ Abakaludaya.

Yesaya 11:12

Kand’ azoshingira amahanga ibendera, akoranirize hamwe abāri birukanywe bo mu Bisirayeli, akumakumire hamwe Abayuda bagiye isābagire, abakūye ku mfuruka zine z’isi.