Yeremiya 5:13 - Bibliya Yera 1951 1967 (Burundi)

¹³ ngw Ivy’ abavugishwa n’Imana n’ibitwarwa n’umuyaga, kand’ ijambo ryayo ntiriri muri bo: ngw Ivyo babūra birakaba ari bo bigarukako.

Yeremiya 5:13 ပူးပေါင်းရင်းမြစ်များ

2 Ivyo ku Ngoma 36:16

Ariko bagashinyagurira izo ntumwa z’Imana, bagakēngēra amajambo yayo, bagatwenga abo yavugisha, gushitsa ah’uburake bg’Uhoraho bgabaye ku bantu biwe, butagishobora kugarurwa.

Yobu 6:26

Mbega muragomba guhinyura amajambo, Ayo uwihevye avuga amera nk’ibitwawe n’umuyaga?

Yobu 8:2

at’ Uzogeza ryari kuvuga ben’ ivyo? Kand’ amajambo yo mu kanwa kawe azogeza ryari kuba nk’umuyaga w’igihuhuta?

Imigani 25:14

Nk’ukw ibicu n’umuyaga bitarimw’ imvura bimeze, Ni k’umuntu ameze yishemagiza ngw aratanga kand’ ar’ ukubesha.

Yesaya 41:29

Rāba bose ibikorwa vyabo nta co birimwo kandi n’ubusa gusa: ibishushanyo vyabo vyāvugutiwe mu nkero ni bga muyaga kandi n’ubusa.

Yeremiya 14:13

Maze ndavuga, nti Yō! Erega Mwami Uhoraho, ba kamenyi bababgira, ngo nta ho bazobona inkota cank’ inzara, ariko ng’ uzobaha kugirira aha hantu amahoro y’ukuri.

Yeremiya 14:15

None rero, uku ni ko mvuze, jewe Uhoraho, ku vya ba kamenyi bavuga mw izina ryanje, kandi ntābatumye, yamara bakavuga ngw Inkota n’inzara ntibizoba mur’ iki gihugu: mber’ inkota n’ inzara ni vyo bizorandura abo ba kamenyi.

Yeremiya 18:18

Maze baravuga, bat’ Enda ni muze, duhigire imihigo Yeremiya; kukw ahar’ umuherezi hatobura n’ivyagezwe, kand’ ahar’ umunyabgenge ntihobura n’inama, kand’ ahar’ ūvugishwa n’ Imana ntihobura ijambo ryayo. Enda ni muze, tumukubitishe intega y’ururimi, ntidushire umutima ku magambo yiwe, mwo na rimwe.

Yeremiya 22:22

Umuyaga ni wo uzoragira abungere bākuragira bose, kand’ abūzure bawe bazoja mu mugozi: bibaye birtyo ntuzobura gutētērwa no kumāramāra kubg’ ibibi vyawe vyose.

Yeremiya 28:3

Hasigaye imyaka ibiri yiramvuriye nkagarukana aha hantu ivy’ imbombovu vyo mu ngoro y’Uhoraho vyose, ivyo Nebukadineza umwami w’i Babuloni yasahuye aha hantu, akabijana i Babuloni;

Yeremiya 43:2

Azariya mwene Hoshaya, na Yohanani mwene Kareya, n’abagabo b’abibone bose, babarira Yeremiya, bat’ Uvuze ibinyoma: Uhoraho Imana yacu ntiyagutumye kuvuga, ngo Ntituje muri Egiputa kubayo;

Hoseya 9:7

Imisi yo kuzirwa kwabo irashitse, imisi yo gusubirizwa mu nkōko irashitse; Abisirayeli bazobimenya; ūvugishwa n’Imana yabaye igipfu, ūvugishwa na Mpwemu yāsaze, basarishijwe n’isinzi ry’ibigabitanyo vyawe, n’uk’ ubgansi ari bginshi.