Yeremiya 49:3 - Bibliya Yera 1951 1967 (Burundi)

³ Boroga, Heshiboni we, kuko Hayi hanyazwe; murire, mwa bakobga b’i Raba, mukenyere amagunira: mwivugirize amarūru, mwiruke mujarajare hirya no hino mu nzitiro; kuko Malukamu kizojanwa ar’ inyagano, bo n’abaherezi baco n’abaganwa baco.

Yeremiya 49:3 ပူးပေါင်းရင်းမြစ်များ

2 Samweli 11:1

Nuk’ umwaka utashe, ku gacikamvura, mu gihe abami bākunda kuja mu ntambara, Dawidi agomora Yowabu n’abantu biwe n’Abisirayeli bose, bageseza Abamoni, baziguza n’i Raba. Ariko Dawidi ubgiwe yisigarira i Yerusalemu.

1 Abami 11:33

ngw Abitewe n’uko bāmutaye, bakaja gusenga Ashitoreti imanakazi y’Abasidoni, na Kemoshi imana y’Abanyamowabu, na Milikomu imana y’Abamoni; ntibagendere mu nzira ziwe, ngo bakore ivyo abona ko bibereye, bitondere amabgirizwa yiwe n’ivyagezwe vyiwe, nk’uko Dawidi se wa Salomo yagenza.

1 Abami 11:5

kuko Salomo yakurikiye Ashitoreti imanakazi y’Abasidoni, na Milikomu, ca kizira c’ubuyobe c’Abamoni.

2 Abami 23:13

Kand’ ibitabo vyātabge ku mpinga y’umusozi werekeye i Yerusalemu, ahahera i bumanuko h’umusozi w’ibore, ivyo Salomo umwami w’Abisirayeli yatabiye Ashitoreti ca kizira c’ubuyobe c’ Abasidoni, na Kemoshi ca kizira c’ubuyobe c’Abanyamowabu, na Milikomu ca kizira c’ubuyobe c’ Abamoni, umwami arabihumanya.

Ezira 2:28

Abagabo b’i Beteli n’i Hayi n’ amajana abiri na mirongwibiri na batatu.

Yesaya 13:6

Ni muboroge, kuk’ umusi w’Uhoraho uri hafi; uzoza ar’ umusi wo guhonnya uvuye kw Īshobora vyose.

Yesaya 14:31

Wa rembo we, boroga! Nawe gisagara, urire! Bufilisitiya we, iy’ uva ukagera hose, urayaze nk’amavuta, kukw i burārūko havuye umwotsi, kandi nta wusigara yikwega mu ngabo ziwe.

Yesaya 15:2

Umukobga w’i Diboni aradūze, aja mu bitabo kuririrayo; Abanyamowabu bariko baraborogera i Nebo n’i Medeba: imitwe yabo yose imowe inkomvorera, bo n’ubganwa bgose.

Yesaya 16:7

Ivyo ni vyo bizotuma Abanyamowabu baborogera Mowabu, umuntu wese azoboroga: muzorizwa n’amarobe y’inzabibu y’i Kiri‐hareseti mwihebuye rwose.

Yesaya 23:1

Imbūri yo kuri Tiro. Boroga, yemwe māto y’i Tarushishi: kukw i Tiro hageseye, bigatuma ata mazu akiriho, ata n’aho gutaha; izo nkuru bazibgiwe zivuye mu gihugu c’i Kupuro.

Yesaya 23:6

Ni mujabuke muje i Tarushishi; muboroge, mwa baba mu kizinga co mu kiyaga.

Yeremiya 4:8

Kubg’ ivyo mukenyere amagunira, mucure umunihiro, muboroge: kuk’ uburake bganje bg’inkazi, jewe Uhoraho, budasubiye inyuma ngo bubaveko.

Yeremiya 46:25

Uhoraho Nyen’ ingabo, ni we Mana y’Abisirayeli, aravuga, ati Nzohana Amona ikigirwamana c’ ahitwa No, na Farawo na Egiputa n’imana zaho n’abami baho; mbere Farawo nzomuhanana n’abamwizigira.

Yeremiya 48:2

Icubahiro c’i Mowabu kiraheze; bahahigiye imihigo bar’ i Heshiboni, bat’ Enda ni muze tuhageseze, ntihabe hakiba ihanga. Nawe Madumeni, uzozibizwa; inkota izogukurikirana.

Yeremiya 48:20

Mowabu haratēterewe; kuko hasanganguwe; muboroge, murire; muvuge inkuru kuri Arunoni kw i Mowabu hageseye.

Yeremiya 48:37

Kukw imitwe yabo yose imowe inkomvorera, n’ ubganwa bgose bumowe; ku maboko yose har’ ibikebagure, no mu rukenyerero hose hakenyeye amagunira.

Yeremiya 48:7

Ko wishimiye ibikorwa vyawe n’ubutunzi bgawe, nawe nyene uzotsindwa: kand’ ikigirwamana Kemoshi kizojanwa ar’ inyagano, bo n’abaherezi baco n’abaganwa baco.

Yeremiya 49:1

Ku vy’Abamoni. Uku ni k’ Uhoraho agize, ati Mbega Isirayeli nta bahungu afise? Nta samuragwa agira? None n’iki gituma ikigirwamana Malukamu ari co cegukiye Gadi, n’abantu baco baba mu bisagara vyaho?

Yeremiya 51:8

I Babuloni harakomvomvowe giturumbuka, harageseye: muhaborogere; mwābīre umuti wo kuvūra uburibge bgaho, namba kumbure hokira.

Yeremiya 6:26

Ewe Yerusalemu, wa mukobga ari bo bantu banje, kenyera amagunira, wikumbagaze mu minyota: vuza induru nk’ūyivugiriza umwana wiwe w’ikinege, uborogane akabonge kenshi; kuk’ umugeseza agira adushikeko giturumbuka.

Amosi 1:15

Umwami wabo azokwambukanwa ar’ inyagano, hamwe n’abaganwa biwe, ni k’Uhoraho agize.

Zefaniya 1:5

n’abasenga inyenyeri, ari zo ngabo zo kw ijuru, būriye hejuru ku mazu; n’abasenga bandahira jewe Uhoraho bagatako bakarahira na Milikomu;

Yakobo 5:1

Enda rero, yemwe batunzi, ni murire muboroge kuko mugira mufutane.

Yosuwa 7:2

Yosuwa atuma abantu bava i Yeriko ngo baje i Hayi; hari hafi y’i Betaveni, ku ruhande rw’i Beteli rw’i burasirazuba; arababarira, ati Ni mudūge, muje gutata ico gihugu. Nukw abo bantu baradūga, baja gutata Hayi.

Yosuwa 8:1

Uhoraho abarira Yosuwa, ati Ntutinye, kandi nturanduke umutima; jana ingabo zose, uhaguruke, utere i Hayi: rāba, ngabuye umwami waho mu maboko yawe, bo n’abantu biwe n’igisagara ciwe n’igihugu ciwe.

Yosuwa 8:28

Uko ni ko Yosuwa yaturiye Hayi, ahahindura ikigūngūzi c’amasakamburira gushitsa ibihe vyose; hasigara ar’ amatongo kugeza na bugingo n’ubu.