Yeremiya 4:6 - Bibliya Yera 1951 1967 (Burundi)

⁶ Mushinge ibendera aherekeye i Siyoni: muhunge mwikize, ntimutebagane: kukw ehe rāba, nzanye ivyago biturutse i burārūko, n’ukugeseza gukomeye.

Yeremiya 4:6 ပူးပေါင်းရင်းမြစ်များ

Yesaya 62:10

Ni murenge, ni murenge amarembo; mutunganirize abantu inzira; muharure, muharure inzira y’iroro, muyikūremw’ amabuye; mushingire amoko ibendera.

Yeremiya 10:22

Umve ijwi ry’impuha, ngw imivurungano ikomeye iraje, ivuye mu gihugu c’i burārūko, kugira ngw ibisagara vy’i Buyuda bigirwe imisaka, habe i wabo w’imbgebge.

Yeremiya 18:11

Nuko rer’ ubarire abagabo b’i Buyuda n’ababa i Yerusalemu, ut’ Uku ni k’Uhoraho agize, at’ Ehe mbagereye ikibi, nīgīriye imigabo y’ivyo nzobagirira: enda ni mugaruke, umuntu wese ave mu nzira yiwe mbi, mutunganye inzira zanyu n’ ingeso zanyu.

Yeremiya 21:7

Kandi hanyuma y’ivyo, ni jewe Uhoraho mbivuze, nzogabura Zedekiya umwami w’Abayuda, n’ abasavyi biwe, n’abantu bazoba bagisigaye mur’ iki gisagara, batishwe n’ikīza n’inkota n’inzara, mbashire mu kuboko kwa Nebukadineza umwami w’i Babuloni, no mu maboko y’abansi babo, no mu maboko y’abarondera kubica: azobicisha ubugi bg’inkota; ntazobagirira impuhwe cank’ akagongwe cank’ imbabazi.

Yeremiya 22:7

Kandi nzogutegurira abo kugusangangura, umuntu wese muri bo afise ibirwanishwa; bazohimbagura inkingi zawe z’amasederi meza, baziterere mu muriro.

Yeremiya 25:9

nzotuma kugomora imiryango yose y’i burārūko, ni jewe Uhoraho mbivuze, kandi nzotuma no kuri Nebukadineza umwami w’i Babuloni, umusavyi wanje, mbazane ngo barwanye iki gihugu n’abakibamwo, barwanye n’aya mahanga yose agikikije; kandi nzobageseza rwose, mbahindure akajoreza, n’abo kuvuzwakw agahwa, n’iciro ry’imigani ibihe bidashira.

Yeremiya 4:21

Nzogeza ryari kubona ibendera, no kwumva ijwi ry’inzamba?

Yeremiya 50:2

Mubitāngāze mu mahanga, muvyamamaze, mushinge ibendera; muvyamamaze, ntimubihishe, mut’ I Babuloni haratsinzwe, ikigirwamana Beli kiratēterewe, Merodaki kiravunaguritse; ibishushanyo vyaho biratēterewe, ibigirwamana vyaho biravunaguritse.

Yeremiya 50:22

Akarūru k’ intambara kari mu gihugu, bo n’ ak’ ukugeseza gukomeye.

Yeremiya 51:12

Mushinge ibendera mwerekeye inzitiro z’i Babuloni, mugwize abashibamyi, mushireh’ abateramyi, mugere abaja kuhaca ibico: kuk’ Uhoraho yahagīriye imigabo, agashitsa ivyo yavuze ku baba i Babuloni.

Yeremiya 51:27

Mushinge ibendera mu gihugu, muvuze inzamba zitabaza mu mahanga, mwiteguze amahanga arwane na ho, mukoranirize hamwe abami b’i Ararati n’i Mini n’i Ashikenazi kuharwanya; mushinge umugabisha wo kuhagomorera; mudūze amafarasi nk’inzige zishinze urwoya.

Yeremiya 51:54

Ijwi ry’amarūru riturutse i Babuloni, n’iry’ ukugesera gukomeye riturutse mu gihugu c’Abakaludaya!

Yeremiya 6:1

Muhunge mwikize, mwebge Babenyamini, muve hagati muri Yerusalemu; muvugirize inzamba i Tekowa, kand’ i Beti‐hakeremu muhashire inderetsi yo gutabaza; kukw ivyago bisēsetse i burārūko, n’ukugeseza gukomeye.

Yeremiya 6:22

Uku ni k’Uhoraho agize, at’ Eh’ ubgoko buraje buvuye mu gihugu c’i burārūko; ihanga rikomeye rizovyutswa rive ku mpera y’isi.

EZEKIYELI 9:1

Maz’ asemererera mu matwi yanje n’ijwi rirenga, at’ Abafise ubushobozi ku gisagara ni mubīgize hafi, umuntu wese afise ikirwanishwa c’icicanyi mu kuboko kwiwe.

EZEKIYELI 9:2

Nuko haza abantu batandatu baciye mu nzira yo mu kirimba co haruguru cārābana n’i burārūko, umuntu wese afise ikirwanishwa c’icicanyi mu kuboko kwiwe; kandi hagati muri bo har’ umuntu yambaye impuzu zera, afise agahembe karimwo wino yo kwandikisha, akambaye kw itako. Nuko baraza, bahagarara i ruhande y’igicaniro c’umuringa.

Zefaniya 1:10

Maze kur’ uwo musi, ni k’Uhoraho agize, hazokwumvikana induru kw irembo ryitwa iry’ Amafi, n’umuborogo mu gice c’igisagara ca kabiri, n’ugusenyerana gukomeye kuzokwumvikana mu misozi.

Zekariya 6:6

Umukogote ukwegwa n’amafarasi y’imifyiri ugiye mu gihugu c’i burārūko, ay’ ibitare arayakurikiye; ay’ ibibamba na yo agiye mu gihugu c’i bumanuko.