Yeremiya 4:11 - Bibliya Yera 1951 1967 (Burundi)

¹¹ Ico gihe hazobarirwa ubu bgoko n’i Yerusalemu, ng’ Umuyaga w’indugumba uturutse mu ruharabuga rwo ku mpinga z’imisozi yo mu bugaragwa uje utōmereye wa mukobga, ari bo bantu banje, kandi ntuzoba nk’uwo gutumura umuguruka cank’ uwo kugosora intete;

Yeremiya 4:11 ပူးပေါင်းရင်းမြစ်များ

Zaburi 11:6

Abanyakibi azobarekurirakw amakara yaka n’amazuku; Umuyaga w’indugumba uzoba umugabane mu gikombe cabo.

Yesaya 22:4

Kubg’ ivyo ndavuga, nti Ni murābe irya, munkūrekw amaso, mureke ndire nitunturire; ntimwigore ngo muranyirura umubabaro mfitiye ukunyagwa kw’i Yerusalemu umukobga w’ubgoko bgacu;

Yesaya 27:8

Hamwe wabirukana wabahannye ibitarenze urugero; ku musi w’umuyaga uva i burasirazuba wabavumbuje inkūbi y’umuyaga.

Yesaya 41:16

Uzobigosora umuyaga ubitumure, agashururu kabishwiragize: nawe uzohimbarwa n’Uhoraho, wirate Uwera w’ Abisirayeli.

Yesaya 64:6

Kuko twese twahindutse nk’ibihumane, kand’ ukugororoka kwacu kwose kumeze nk’impuzu yanduye; twese dukabiranye nk’ikibabi, kand’ ibigabitanyo vyacu bidukubeba nk’ umuyaga.

Yeremiya 13:24

Nuko rero nzobashwiragiza, nk’ibishingwe bitwawe n’umuyaga wo mu bugaragwa.

Yeremiya 14:17

Ubabgire rer’ iri jambo, ut’ Amaso yanje acunduguta amosozi ku murango no mw ijoro adahengeshanya; kuk’ umukobga w’inkumi, ari we bgoko bgacu, avunitse, ari n’imvune nini, ari n’uruguma rubi rwose.

Yeremiya 23:19

Rāba ikirura canje, jewe Uhoraho, ni bgo burake bganje, kirahinze, mbere n’ikirura c’imvugusi: kizorindimukira ku mitwe y’abanyavyaha.

Yeremiya 4:12

arik’ umuyaga uruta ben’ uyo uzovayo ari jewe ndawugomoye: mur’ aka kanya ngira mbacirekw amateka.

Yeremiya 8:19

Umve, ijwi ry’ugutakamba kw’umukobga, ari we bgoko bgacu, rituruka hirya no hino mu gihugu, riti Mbeg’ Uhoraho ntakiba i Siyoni? Mbeg’ Umwami waho si ho akiri? Mbega na bo n’iki catumye bandakisha ibishushanyo vyabo bibājwe, n’ ivy’ imburakimazi vy’ivyaduka?

Yeremiya 9:1

Icompa umutwe wanje ukuzuramw’ amazi, amaso yanje akaba isōko y’amosozi, kugira ngo name ndira ku murango no mw ijoro, ndirira abishwe ba wa mukobga, ari bo bgoko bgacu!

Yeremiya 9:7

None rero, uku ni k’Uhoraho Nyen’ ingabo agize, at’ Ehe nzobavugutira, mbagerageze; ikindi nogirira wa mukobga ari bo bantu banje n’iki?

GUCURA INTIMBA 2:11

Amaso yanje yakobowe n’ amosozi, amara yanje aradobangana, Umutima wanje usanzariye hasi kubgo kugesezwa kw’ umukobga w’ubgoko bgacu; Kukw abana bato n’abonka barabiraniye mu nzira zo mu gisagara.

GUCURA INTIMBA 3:48

Amaso yanje atemberanamw’ inzūzi z’amosozi, kubgo kuririra ukuranduka kw’ umukobga w’ubgoko bgacu.

GUCURA INTIMBA 4:10

Abagore bāri bafise ikigongwe basigaye bafata abana bīvyariye, bakabateka, Bakaba ivyo kurya vyabo, igihe umukobga w’ubgoko bgacu yagesezwa.

GUCURA INTIMBA 4:3

Imbgebge zo ziha ivyana vyazo amabgabga, zikavyonsa; Umukobga w’ubgoko bgacu we agira icīra, nk’ibisīga vyo mu bugaragwa vyitwa imbuni.

GUCURA INTIMBA 4:6

Kukw ibigabitanyo vy’umukobga w’ubgoko bgacu bikomeye gusumba icaha c’i Sodomu, Ari ho hākomvomvowe mu kanya isase, ata kuboko kuhakozeko.

EZEKIYELI 17:10

Waratewe koko, ariko mbeg’ uzototahara? Umuyaga w’i burasirazuba ni wawushikako ntuzoca wuma mbega? Uzokwumira mu ntabire aho wakuriye.

EZEKIYELI 19:12

Arik’ uwo muzabibu waranduranywe uburake, utsindwa hasi, maz’ umuyaga uva i burasirazuba wumisha inzabibu zawo; rya shami ryawo rinoze rirahanyurwa rirakabirana, umuriro urariturira.

Hoseya 13:15

Naho yorondoka muri bene se, umuyaga uturutse i burasirazuba uzoza, ni wo muyaga w’Uhoraho udūga uvuye mu bugaragwa; isōko yiwe izokamuka, iriba ryiwe rigaduke: azonyagwa itunga ry’ibintu vyiwe vyose vy’imbombovu bihimbaye.

Hoseya 13:3

Ni co gituma bazoba nk’igipfungu co mu gatondo‐tondo, kandi nk’urume ruta mu kanya gato, babe nk’ umuguruka utwawe n’agashururu, kandi nk’umwotsi ufumba uva mu ziko.

Hoseya 4:19

Igihuhuta cabatwaye mu mababa yaco; kandi bazomāramāzwa n’ibimazi vyabo.

Habakuki 1:11

Bagaheza bagahita nk’umuyaga, bagakomeza inzira, ar’ abanyabicumuro; kand’ inkomezi zabo bāzigize imana yabo.

Habakuki 1:6

Kukw ehe rāba, ngira nkakamure Abakaludaya, rya hanga ry’inkazi kandi ry’inkuba, bagenda batera isi iyo iva ikagera, bakikeberezako ingo zitar’ izabo.

Matayo 3:12

Urutaro rwiwe ruri mu kuboko kwiwe, kand’ azokubūra imbuga yiwe neza, yimburire ingano ziwe mu kigega, maz’ umuguruka awuturire mu muriro utazima.

Luka 3:17

Urutaro rwiwe ruri mu kuboko kwiwe, ngw akubure imbuga yiwe neza, yimburire ingano mu kigega ciwe, maz’ umuguruka awuturire mu muriro utazima.