Yeremiya 38:18 - Bibliya Yera 1951 1967 (Burundi)

¹⁸ Ariko n’utemera kwīsaba abaganwa b’umwami w’i Babuloni, iki gisagara kizotangwa mu maboko y’Abakaludaya, kandi bazogitongoza umuriro, nawe ntuzokwikiza ng’ uve mu maboko yabo.

Yeremiya 38:18 ပူးပေါင်းရင်းမြစ်များ

2 Abami 24:12

Maze Yehoyakina umwami w’i Buyuda ava mu gisagara, bo na nyina n’ abantu biwe n’abo mu nda y’ ingoma n’abamenyekana biwe, aja kwisaba uwo mwami w’i Babuloni, na we aramufata; ico gihe umwami w’i Babuloni yar’ amaze imyaka munani ari ku ngoma.

Yeremiya 21:10

Kuko ntungiriye igitsure iki gisagara ngo nkizanekw amagorwa, sinkizanekw amahirwe, ni jewe Uhoraho mbivuze; kizotangwa mu kuboko kw’umwami w’i Babuloni, kand’ azogitongoza umuriro.

Yeremiya 27:8

Maz’ ihanga ryose cank’ igihugu c’ umwami wese, ni habah’ abatemera gusaba Nebukadineza, uyo mwami w’i Babuloni, canke ngo bemere kugondera izosi ingōgo yiwe, iryo hanga nzorihana, ni k’ Uhoraho agize, ndarihanishe inkota n’inzara n’ikīza, gushitsa aho nzoba mperaheje kubaranduza ukuboko kwiwe.

Yeremiya 37:8

Kand’ Abakaludaya bazogaruka, batere iki gisagara; bazogitsinda bagitongoze umuriro.

Yeremiya 38:23

Kandi bazosohora abamikazi bawe bose n’abana bawe babahe Abakaludaya: nawe ntuzokwikiza ng’ uve mu maboko yabo, arik’ uzofatwa n’ukuboko kw’umwami w’i Babuloni: kandi ni wewe uzoba uzaniye iki gisagara gutongozwa umuriro.

Yeremiya 38:3

At’ Uku ni k’Uhoraho agize, at’ Iki gisagara ntikizobura gutangwa mu maboko y’ ingabo z’umwami w’i Babuloni, na we azogitsinda.

Yeremiya 39:3

Hatsinzwe, abaganwa bose b’umwami w’i Babuloni baraza basagaza mu kirimba co hagati, ni bo aba: Nerugali‐sharezeri, na Samugari‐nebo, na Sarusekimu, na Rabu‐sarisi, na Nerugali‐sharezeri, na Rabu‐magu, bo n’abandi baganwa bose b’umwami w’i Babuloni.

Yeremiya 39:8

Abakaludaya banda umuriro ingoro y’umwami n’ amazu y’abantu, basangangura n’ inzitiro zikikije i Yerusalemu.

EZEKIYELI 12:13

Kandi nzomutega ururiba rwanje, afatwe n’umutego wanje; nzomujana i Babuloni mu gihugu c’Abakaludaya; kandi ntazohabona nah’ ari ho azogwa.

EZEKIYELI 17:15

Yamar’ aramugarariza, atuma intumwa ziwe muri Egiputa, gusaba ngo bamuhe amafarasi n’ingabo nyinshi. Mbeg’ ūkora ibisa birtyo azororanirwa, canke se arokoke? Yokwica isezerano kand’ akarokoka?