Yeremiya 24:9 - Bibliya Yera 1951 1967 (Burundi)

⁹ mbere nzobatanga batererekanywe irya n’ino mu bihugu vy’abami bose bo mw isi, ngo mbagirire nabi; bazoba igitutsi n’iciro ry’imigani n’agatwengo n’ ibivume, ahantu hose aho nzobirukanira.

Yeremiya 24:9 ပူးပေါင်းရင်းမြစ်များ

1 Abami 9:7

nuko nanje nzoherengeteza Abisirayeli mu gihugu nabahaye, kand’ iyi ngoro nejeje kubg’ izina ryanje nzoyishibura imve mu maso; kand’ Abisirayeli bazoba iciro ry’imigani n’agashinyaguro mu mahanga yose;

2 Ivyo ku Ngoma 7:20

nuko nanje nzobarandura, mbakūre mu gihugu nabahaye, kand’ iyi ngoro nejeje kubg’ izina ryanje nzoyishibura imve mu maso, ndayigire iciro ry’imigani n’agashinyaguro mu mahanga yose;

Zaburi 69:11

Aho nagize amagunira kuba imyambaro yanje, Nabahindukiye iciro ry’imigani.

Yesaya 43:28

Ni co kizotuma ntētereza abakuru b’ahēra, kandi Yakobo nzomuhindura ikivume, na Isirayeli igitutsi.

Yesaya 65:15

Kand’ izina ryanyu muzorisigarana abo nitoranirije, barigire umuvumo, bat’ Urakicwa n’Uhoraho Imana! Maz’ abasavyi banje bazokwitwa irindi zina.

Yeremiya 15:4

Kandi nzobagira akabarore mu bihugu vy’abami bose bo mw isi, kubga Manase mwene Hezekiya, umwami w’i Buyuda, kubg’ ivyo yakoreye i Yerusalemu.

Yeremiya 19:8

Nzohindura iki gisagara akajoreza, n’ico kuvuzwakw agahwa; umuntu wese azohaca azojorerwa, avuze agahwa kubg’ ivyago vyaho vyose.

Yeremiya 25:18

ni yo aya: Yerusalemu n’ibisagara vy’i Buyuda n’abami baho n’abaganwa baho, ngo hacike imisaka n’akajoreza n’aho kuvuzwakw agahwa n’ikivume, nk’uko nyene bimeze uyu musi;

Yeremiya 26:6

ngo Ni ho azohindura iyi ngoro kuba nk’i Shilo, kandi n’iki gisagara ngw Azogihindura ikivume ku mahanga yose yo mw isi.

Yeremiya 29:18

Nzobirukanisha inkota n’inzara n’ikīza, mbatange batererekanywe irya n’ino mu bihugu vy’abami bose bo mw isi, ngo babe ibivume n’akajoreza n’ abo kuvuzwakw agahwa n’igitutsi mu mahanga yose aho nabirukaniye;

Yeremiya 29:22

kandi bazohinduka umuvumo wo kuvumana w’abambukanywe bose b’i Buyuda bar’ i Babuloni, ng’ Uhoraho arakakugira nka Zedekiya na Ahabu, abo umwami w’i Babuloni yataze ku muriro babona;

Yeremiya 34:17

Nuko rero, uku ni ko mvuze, jewe Uhoraho, nti Ntimwanyumviye, ngo mutange umwidegemvyo, ng’ umuntu wese arekure mwene wabo, umuntu wese arekure mugenzi we: nuko rero nanje ntanze umwidegemvyo kuri mwebge, ni jewe Uhoraho mbivuze, w’inkota n’ikīza n’inzara; kandi nzotuma mutererekanywa irya n’ino mu bihugu vy’ abami bose bo mw isi.

Yeremiya 42:18

Kuk’ ukw ari k’Uhoraho Nyen’ ingabo agize, ni we Mana y’Abisirayeli, ngo Nk’uk’ uburake bgiwe n’ubushangashirwe bgiwe vyasutswe ku baba i Yerusalemu, ni k’ubushangashirwe bgiwe buzosukwa kuri mwebge ni mwaja muri Egiputa; ngo Muzoba igitutsi n’ akajoreza n’ikivume n’iciro ry’ imigani: ngo Kandi ntimuzosubira kubona aha hantu.

Yeremiya 44:12

Kandi nzofata amasigarira y’i Buyuda, aberekeje amaso kuja mu gihugu ca Egiputa ngo babeyo, bazotikizwa bose; kandi mur’ ico gihugu ca Egiputa nyene ni yo bazogwa. Bazoririkwa n’inkota n’inzara; kandi bazopfa, uhereye ku woroshe ugashitsa k’ūhambaye, bishwe n’ inkota n’inzara; kandi bazoba igitutsi n’akajoreza n’ibivume n’ iciro ry’imigani.

Yeremiya 44:13

Kuko nzohana ababa mu gihugu ca Egiputa nk’uko nahannye i Yerusalemu, mbahanishe inkota n’inzara n’ikīza,

Yeremiya 44:22

Bigatuma Uhoraho atagishobora kuvyihanganira, kubg’ ibibi vy’ibikorwa vyanyu, no kubg’ ibizira vy’ ubuyobe mwakoze; ivyo ni vyo vyatumye igihugu canyu gihinduka imisaka n’akajoreza n’ikivume, ata wukikibamwo, nk’uko bimeze n’ uyu musi.

EZEKIYELI 23:46

Kuk’ ukw ari k’Umwami Uhoraho agize, ati Nzobavyukiriza igitero, mbatange bateragiranwe hirya no hino kandi basahurwe.

EZEKIYELI 25:3

ubarire ubgo bgoko bg’Abamoni, uti Ni mwumve ijambo ry’Umwami Uhoraho, ng’ Uku ni k’Umwami Uhoraho agize, ati Ko wagize ngw Awa! ukītamba hejuru y’ahēra hanje igihe hāhumanywa, ukītamba no ku gihugu c’i Bgisirayeli mu gihe cāba amatongo, no ku b’inzu ya Yuda igihe bambukanwa ar’ inyagano;

EZEKIYELI 26:2

riti Mwana w’umuntu, Tiro ko havuze hitamba kuri Yerusalemu ngw Awa! ngw Icār’ umwugariro w’amahanga kirahomvotse! ngo Biransenyukiyeko, ngiye gutunga, co ko gicitse imisaka;

EZEKIYELI 5:8

nuko rero, uku ni k’ Umwami Uhoraho agize, ati Rāba jewe ubganje nyene nzohigūra nawe: kandi nzocira amateka hagati muri wewe, amahanga abirorēra.

Gusubira mu Vyagezwe 28:25

Uhoraho azotuma muneshwa n’abansi banyu: muzojana inzira imwe mubateye, mu kubahunga muce mu nzira ndwi; muzoba akūmiza mu bihugu vyose vyo mw isi.

Gusubira mu Vyagezwe 28:37

Kandi mur’ ayo mahanga yose ah’ Uhoraho azoba yarabajanye, muzohahindukira akajoreza n’iciro ry’imigani n’agashinyaguro.