Yeremiya 24:2 - Bibliya Yera 1951 1967 (Burundi)

² Igisimbo kimwe carimw’ insukoni nziza cane, zimeze nk’insukoni z’isega: ikindi gisimbo carimw’ insukoni ziboze rwose, zitoshoboka kuribga kubgo kubora.

Yeremiya 24:2 ပူးပေါင်းရင်းမြစ်များ

Yesaya 5:4

Ico nari gukorera uruzabibu rwanje ntārukoreye n’igiki? Ko naziga ko ruzokwama inzabibu, n’iki catumye rwama ibijabija vy’inzabibu?

Yesaya 5:7

Kuk’ uruzabibu rw’Uhoraho Nyen’ ingabo ari rwo nzu ya Isirayeli, kand’ abagabo b’i Buyuda ari bo muzabibu wamuhimbara; kandi yabazigamw’ imanza zibereye arikw abasangamw’ uguhahaza: yabazigamw’ ubugororotsi arikw abasangamw’ amaborogo.

Yeremiya 29:17

uku ni k’Uhoraho Nyen’ ingabo agize, ati Rāba nzorungika inkota n’ inzara n’ikīza muri bo, mbahindure nk’insukoni ziteye ishishi, zidashoboka kuribga kubgo kubora.

Hoseya 9:10

Igihe nabona Abisirayeli, bari bameze nk’inzabibu ziri mu bugaragwa; ba sogokuruza nababonye bameze nk’insukoni z’isega zo ku musukoni ugitangura kwama: ariko bāgiye kuri Bayali y’i Peyori, bīyegurira ako gatētereza, bahinduka umuziro nk’ico nyene bakunze.

Mika 7:1

Mbonye ibara! Kuko mmeze nk’igihe c’iyerūra ry’amatunda yo mu ci, nk’uduhūmbga two mu ruzabibu: ata n’agahando ko kurya; umutima wanje wifuza agasukoni k’isega.

Nahumu 3:12

Amaboma yawe yose azoba nk’ibiti vy’imisukoni, birikw insukoni z’isega: iyo binyiganyigijwe zigahungurukira mu kanwa k’ umuryi.

Guharūra 18:13

Ivy’ amasega vyose bizokwera mu gihugu cabo bazonzanira, jewe Uhoraho, bizoba ivyawe: ūdahumanye wese wo mu b’inzu yawe yemererwa kubiryako.

Matayo 5:13

Mur’ umunyu w’isi. Arik’ umunyu, iy’ ushize uburyohe, uba ukiryoshwa n’iki? Nta co uba ukimaze atar’ ugutabga hanze ugakandagirwa n’abantu.