Yeremiya 22:6 - Bibliya Yera 1951 1967 (Burundi)

⁶ Kuk’ ukw ari k’Uhoraho agize, ku vy’ingoro y’umwami w’i Buyuda, ati War’ umbereye nka Gileyadi, canke nk’ agatwe ka Lebanoni: n’ukuri nzoguhindura ubugaragwa, ube nk’ ibisagara bitakirimw’ umuntu.

Yeremiya 22:6 ပူးပေါင်းရင်းမြစ်များ

Itanguriro 37:25

Baraheza baricara ngo barye; bunamuye amaso babona igugu ry’Abishimayeli bavuye i Gileyadi, bari n’ingamiya zīremētse imibavu n’imiti yo gusomōra n’isenga, babimanukana muri Egiputa.

Zaburi 107:34

Igihugu kimera agihindura akarēre k’umunyu, Kubg’ ivyaha vy’abahaba.

Indirimbo ya Salomo 4:1

Ereg’ uri mwiza, mukunzi wanje, n’ukuri uri mwiza pe; Amaso yawe acishirije mu mwitwikiro wawe asa n’ inuma: Umushatsi wawe umeze nk’ umukuku w’impene Zivyagiye ku nkēngēra y’umusozi w’i Gileyadi.

Indirimbo ya Salomo 5:15

Amaguru yiwe ameze nk’ inkingi zabājwe mu mabuye yitwa marimari, zashinzwe mu dutereko tw’izahabu nziza. Ukw ameze asa n’i Lebanoni, ni mwiza bihebuje, nk’ ibiti vy’amasederi.

Yesaya 27:10

Kukw igisagara cubakiwe inzitiro gisigaye gitēterewe, ar’ ikibanza gihebge, gitawe, kimeze nk’agahinga; ni ho inyana zizorisha, zikaharyama, zikarya amashami yaho.

Yesaya 37:24

Watumye abantu bawe kuntuka, jewe Umwami Imana, uravuga, ng’ Udūganye igitero cinshi c’imikogote yawe y’intambara, ushitse mu mpinga z’imisozi, no mu dushōka tw’i Lebanoni; ngo Wiciye ibiti vy’amasederi vyaho birebire, n’ivy’ akajwari vyaho vyiza‐vyiza; ngo Wahanyuragiye ushika ku mpinga yaho hirya cane, no mu biti vyo mw itongo ryaho rimera cane.

Yesaya 6:11

Ndamubaza, nti Mwami, n’ugushitsa ryari? Aranyishura, ati N’ugushitsa ah’ ibisagara bizobera imisaka, ata wukibibamwo, n’amazu ata wukiyabamwo, n’igihugu kigahinduka amatongo masa,

Yeremiya 21:11

Kandi ku vy’inzu y’umwami w’i Buyuda, ni mwumve ijambo ry’ Uhoraho:

Yeremiya 21:14

Nzobahana nk’ukw ibikorwa vyanyu vyamuje, ni jewe Uhoraho mbivuze; kandi nzodomeka umuriro mu kibira caho uzotongora ibiri hirya no hino yaho vyose.

Yeremiya 22:24

Ndahiye ukubaho kwanje, ni jewe Uhoraho mbivuze, yuko naho wewe Koniya mwene Yehoyakimu umwami w’i Buyuda woba impeta y’ikimenyetso ku kuboko kwanje kw’i buryo, na ho nyene nogushikura nkagukūraho;

Yeremiya 26:18

bati Mika w’i Moresheti yavugishwa n’Imana ku ngoma ya Hezekiya umwami w’i Buyuda; kandi yabariye abantu bose b’i Buyuda, at’ Uku ni k’Uhoraho Nyen’ ingabo agize, ati Siyoni hazosīzwa hahinduke nk’ubusīze, Yerusalemu hazohinduka ibirundo vy’ amasakamburira, n’umurwa wubatswekw iyi ngoro uzohinduka nk’ikibira kiri ku mpinga z’imisozi.

Yeremiya 4:20

Habūwe ubugesera bugerekeranye n’ubundi; kukw igihugu cose kinyazwe, amahema yanje anyazwe giturumbuka, mber’ ayo nashinze anyazwe mu kanya isase.

Yeremiya 4:7

Intambge isokorotse mu gisaka cayo, ni yo mugeseza w’amahanga; ifashe inzira, isokorotse ahantu hayo, kugira ngw itikize igihugu canyu, ibisagara vyanyu ngo bisigare ar’ imisaka, ata wukihaba.

Yeremiya 50:12

nuko rero nyoko azogira ibitētērwa vyinshi, uwabavyaye azomāramāra: rāba, azosigara ar’ uw’ inyuma y’ayandi mahanga, abe ubugaragwa, igihugu kigadutse, n’ubgeranyange.

Yeremiya 7:34

Maze mu bisagara vy’i Buyuda no mu nzira z’i Yerusalemu nzohaca ijwi ry’ibitwengo n’iry’ umunezero, bo n’ijwi ry’umukwe n’iry’ umugeni: kukw igihugu kizoba gicitse amatongo.

Yeremiya 8:22

Mbeg’ i Gileyadi ntihariy’ umuti wo gusomōra? Nta muvūzi abayo? None n’iki cabujije uruguma rwa wa mukobga ari bo bgoko bgacu ko rukira?

Yeremiya 9:11

Kand’ i Yerusalemu nzohahindura ibirundo vy’amasakamburira, n’i wabo w’imbgebge; kandi n’ibisagara vy’i Buyuda nzobihindura amatongo, ata wukihaba.

Mika 3:12

Nuko ni co gituma Siyoni hazohinduka ubusīze kubganyu, n’i Yerusalemu hahinduke ibirundo vy’amasakamburira, n’umurwa wubatswekw iyi ngoro uhinduke nk’ ikibira kiri ku mpinga y’umusozi.

Zekariya 11:1

Ugurura inzugi zawe, Lebanoni, umuriro uturire ibiti vyawe vy’amasederi.

Guharūra 32:1

Abareyubeni n’Abagadi bari bafise ibitayega vy’isinzi. Babonye igihugu c’i Yazeri n’ic’i Gileyadi kw ar’ ahantu h’amaragiro meza,

Gusubira mu Vyagezwe 3:25

Nti Ndakwinginze, nyemerera njabuke ndābe ico gihugu ciza co hakurya ya Yorodani, n’uriya mugamba waho mwiza, n’i Lebanoni.