Yeremiya 17:6 - Bibliya Yera 1951 1967 (Burundi)

⁶ Azoba nk’agasaka k’inkōkōre mu bugaragwa, kandi ntazobona ivyiza bimujeko; arikw azoba ahagadutse ahantu h’ ubgeranyange, igihugu c’umunyu kitabamw’ abantu.

Yeremiya 17:6 ပူးပေါင်းရင်းမြစ်များ

2 Abami 7:2

Arik’ umugabisha uwo mwami yagenda yegamiye yishura uwo muntu w’ Imana, ati Mbeg’ Uhoraho naho yotobora amadirisha mw ijuru, ivyo vyoshoboka? Aramwishura, at’ Uzobirābisha amaso, ariko ntuzobiryako.

Yobu 20:17

Ntazokwitegereza inzūzi, Ari zo migezi itemba ubūki n’ urubu.

Yobu 39:6

Izo nahinduriye ubugaragwa ngo bube inzu yazo, N’igihugu c’umunyu ngo kibe ahantu ziba.

Zaburi 1:4

Ababi ntibamera bartyo: Ariko baba nk’umuguruka utwarwa n’umuyaga.

Zaburi 107:34

Igihugu kimera agihindura akarēre k’umunyu, Kubg’ ivyaha vy’abahaba.

Zaburi 92:7

Iy’ abanyakibi bārutse nk’ ubgatsi, Kand’ inkozi z’ibibi zose iyo zitotahaye, N’ukugira ngo barandurwe gushitsa ibihe vyose.

Yesaya 1:30

kuko muzomera nk’umweloni uravye amababi, canke nk’ikigabiro kitagira amazi.

Yeremiya 29:32

nuko rero, uku ni ko mvuze, jewe Uhoraho, nti Rāba, nzohana Shemaya w’i Nehelamu n’ uruvyaro rwiwe; ntazosigarana n’ umwe mu biwe azoba mur’ ubu bgoko, na we ntazoruha abona ivyiza nzogirira abantu banje, ni jewe Uhoraho mbivuze: kuko yavuze ivy’ ukungarariza jewe Uhoraho.

Yeremiya 48:6

Muhunge, mwunzūre amagara, mube nk’agasaka k’inkōkōre mu bugaragwa.

EZEKIYELI 47:11

Arikw ivyondo n’ibishanga vyo ku nkengēra yaco ntibizokira, bizoheberwa umunyu.

Zefaniya 2:9

Nuko rero, ndahiye ukubaho kwanje, ni k’Uhoraho Nyen’ ingabo agize, Imana y’Abisirayeli, n’ukuri Mowabu hazoba nk’i Sodomu, n’Abamoni nk’i Gomora, ah’ igisuru ciganziye, habe iyengo ry’imyunyu, hahinduke amatongo ibihe bidashira: amasigarira y’abantu banje azobatera abasahure, mber’ abarokotse bo mw ihanga ryanje bazobatwara.

Gusubira mu Vyagezwe 29:23

bakabona yukw ico gihugu cose cabaye amazuku n’umunyu, cahiye uburimbi, ko kitakirimwa, canke ngo kimere, canke ngo kibemwo n’akātsi, ko gisigaye kimeze nk’ukw i Sodomu hākomvomvowe, bo n’i Gomora n’i Adima n’i Seboyimu, ibisagara Uhoraho yakomvomvoje uburake bgiwe n’ubushangashirwe bgiwe;

Abacamanza 9:45

Abimeleki yiriza uwo musi wose arwanya ico gisagara, aragitsinda, ageseza abari muri co, aragisangangura, akimēmēramw’ umunyu.