Yeremiya 15:5 - Bibliya Yera 1951 1967 (Burundi)

⁵ Ni nde azokugirira akagongwe, ewe Yerusalemu? Ni nde azokuririra? Ni nde azokikama ngw abaze udukuru twawe?

Yeremiya 15:5 ပူးပေါင်းရင်းမြစ်များ

Yesaya 51:19

Ibi vyompi ko bigushitseko, ni nde azokuririra? Ko haje ibitongozi n’ugusangangurwa, bo n’inzara n’inkota, nokuremesha nte?

Nahumu 3:7

Nukw abazokurāba bose bazoguhunga, bati Ninewe harageseye! Ni nde azoharirira? Nokūra hehe abo kukwirura?

Yeremiya 21:7

Kandi hanyuma y’ivyo, ni jewe Uhoraho mbivuze, nzogabura Zedekiya umwami w’Abayuda, n’ abasavyi biwe, n’abantu bazoba bagisigaye mur’ iki gisagara, batishwe n’ikīza n’inkota n’inzara, mbashire mu kuboko kwa Nebukadineza umwami w’i Babuloni, no mu maboko y’abansi babo, no mu maboko y’abarondera kubica: azobicisha ubugi bg’inkota; ntazobagirira impuhwe cank’ akagongwe cank’ imbabazi.

Zaburi 69:20

Ibitutsi vyammenaguye umutima, ndaremerewe cane: Nareretse ko har’ uwongirira akagongwe, nta wabonetse; N’uko har’ abonyirura, ndabura.

Yeremiya 16:5

Kuk’ ukw ari k’Uhoraho agize, ati Nturuhe winjira mu nzu y’abagandaye, ntuje kubaborogera canke kubaririra; kuko nkūye amahoro yanje kur’ ubu bgoko, bo n’imbabazi no kugirirwa neza, ni jewe Uhoraho mbivuze.

Yeremiya 13:14

Nzobasekanisha nk’impfizi z’intama, umwe n’uwundi, abana na ba se, ni jewe Uhoraho mbivuze: nta kagongwe nzogira, cank’ impuhwe, cank’ imbabazi, ngo bimbuze kubageseza.

Yobu 19:21

Mungirire akagongwe, mungirire akagongwe, yemwe bakunzi banje, Kuk’ ukuboko kw’ Uhoraho kwankozeko.

1 Samweli 25:5

Nuko Dawidi atuma abahungu b’imisore cumi, ati Ni mudūge muje i Karumeli, muje kwa Nabali, mumundamukirize;

1 Samweli 17:22

Maze Dawidi abītsa ivyo yar’ agemuye ūsigarana ibintu vy’intēkera, ariruka aja mu ngabo, aramutsa bakuru be.

1 Samweli 10:4

Barakuramutsa, baguhe n’amarobe abiri, nawe uyākīre.

Abacamanza 18:15

Bakeberezaho, bashika mu nzu ya wa musore w’ Umulewi mu rugo rwa Mika, baramuramutsa;

Kuvayo 18:7

Mose arasohoka, aja gusanganira sebukwe, akubita inkoro hasi, amugwa mu nda, babazanya amakuru, binjira mw ihema.

GUCURA INTIMBA 1:17

Siyoni hata amaboko, ntihabona uwohahūmuriza; Uhoraho yashinze ivya Yakobo, kw abamukikije bose bamubera abarwanizi: Yerusalemu habamereye nk’ ikintu giteye iseseme hagati muri bo.